أبداع الفقراء

لو فى الزمن عدل ومساواة ومفاهيم وقيـم=ما يبدع الجوعى لسلة مهمـلات الأغنيـا
صحيح مانى فى عيون الناس مشهور وعلم=لكنى أعرف وش حدود الأذكيـا والأغبيـا
لو شحت الأمطار ما نشره على راعى الغنم=واذا تذوقنا السعـاده مـا نلـوم الأشقيـا
تبلد الأحساس ما جا من فـراغ ولا عـدم=تشوفنا نضحك وحنا وأقشر الحـظ أخويـا
اللى على القمه ترى العالم يشوفونه قـزم=فلا ينسيه اعوجاجه باننـا نـاس أسويـا
واللى على باله فى الصحرا بعد يبنى هـرم=ينوخ اركابه وتفكيره ترى النـاس اذكيـا
رسمت لك ورده ومعها قلب فى وسطه سهم=مفهومها (الدنيا بخير وفيه ناس(ن) اوفيا)
قلبى وهو قلبى لتقديرك خذلنـى وانقسـم=رغم انى اكره لحظة الصده وجرح الكبريـا
دورت للغالين حولى وأثرى أطرد لى وهـم=ليت القلوب السود تاخذ من قلوب الأتقيـا
الدهر صامت ما يجـاوب لا بـلا ولا نعـم=أحيان من زود الحيا وأحيان من قل الحيـا

عـوافي والله

سلمة يمناك يالهجير

الحبيب الغالي الهجير : صح لسانك ملايين يا تاج راسي وقصيدة تنقش بالذهب في معانيها وكلماتها الكثير من العبرة والحكمة ، لا هنت

صح لسانك يابو محمد

ولا يستغرب الابداع من اهله

تقبل مروري واحترامي
ابو عبيد

فهد قزعه

وأنت سالم يالغالي

الموج

لا هنت وتسلم على المرور

أبو عبيد

وجودك شر لا بد منه

الله يحييك