الـى اللـقاء أوكـرانيـه

السلام عليكم ورحمة الله


اخر مادونت عله يروق لكم
_____________________

( إلى اللقاء أوكرانيه )
_____________________

احلامنا بين الامل والياس يقطعها اليقين=واكبر يقين ان الحياه اللي حوتنا فانيه
أي ربما يقطع طريقك قاطع (ن) سيفه مكين=وتروح عنها بعدما صارت قطوفك دانيه
لكن لزوم ان الامل يسبق خطاوي السالكين=ولابد مانتعب لجل عيشه كريمه هانيه
وان صاح بك ياصاحبي مالارض صوت له ونين=فهذي هي اصوات البشر تتأوه الاحزانيه
وانا بشر يوم ضاق صدري رحت ناشدت السنين=ليش الوطن خذني ولاوجاع العمر ودانيه
الله يا هذا الوطن وش ناقصك حتى تزين=الامن والثروة عطتك الدعم و الامكانيه
وعندك ملك من طيبته طيبه على وجهه يبين=شهادة(ن) لله وحده عز بالوحدانيه
انه على شعبه يحن وفي قضاياهم يلين=وانه يمد ايده لهم مد الايادي الحانيه
وانه زرع طيبه لنا واثمر بناس طيبين=.بس الاسف من قابل الاحسان بالكفرانيه
ياموطني يشفع لك انك موطن البيت الامين=ويشفع لك الحب الذي سيطر على وجدانيه
مدري يكدرك النظام وسلطة المتنفعين=والا شجع تجار صارو للشعب سجانيه
والا يكدرك الغلا والشعب غالبهم مدين=والا التعامل في جفاف وقلة الانسانيه.
والا البطاله والتلاعب في حقوق المسلمين=والا الوساطه والنفاق وزمرة الشيطانيه
والا الحواري والبيوت اللي سكنها البائسين=والا الفقارى يابلاد النفط والا العانيه
ياناس كفو نهبنا والله منحن ناقصين=أدو الامانه قبل لاتنفعكم السلطانيه
وفو لقايدنا العهد يوم(ن) حلفتم له يمين=والا تنحو ياعدمنا كل ذمه دانيه
اليا اندثر فينا أمل ديره وطاها الفاسدين =.بيموت فينا حبها ونضيع بين الجانيه
ياصاحبي يحيى الخرش دام الوطن وضعه مشين=قم يارفيق الدرب والله ماقعدنا ثانيه
ماشفت في يوم الوطن قد ايش حنا فارغين=قد ايش صرنا مضحكة للقاصيه والدانيه
قلنا بها صوب الديار اللي تسر الناظرين=اللي ملامحها تثير من السكون اشجانيه
الله ما احلا الشوق لامن صار حادي الراحلين=ماكنه الا هز وجداني وهز اركانيه
سبحانك اللهم كيف الخلد دار المؤمنين=سبحان من صورك وابدعك فيك يا( اوكرانيه )
رحب بنا فيها المسا ترحيب لاق بنازلين=ساعة وصلنا والغيوم تهل بالهتانيه
في ذمتي فيها الطيور مع البشر متوالفين=ياصوتها لاجرت التسبيح بالألحانيه
وشقر (ن) يرد القلب عنهم خوف رب العالمين=يحرم علينا ماغشينا في بلدهم زانيه
العز بالله مانخون الطاهرات اللي وفين=من يبدل الحره العفيفه باللعوب الغانيه
ديرة على رغم الفقر لكن شعبها عايشين=في نعمة التنظيم وانجاز العمل باتقانيه
فيها احترام الذات ينبع ماحترام الاخرين=دولة نظام (ن)حكمها القانون لا الرهبانيه
الله لو هم امنو بالله والهادي الامين=كان اجمعو بين العمل و العلم والايمانيه
ياصاحبي شفت الديار اللي تخلف ميتين=وشفت الديار اللي تخلد ذكر امه بانيه
الله كم نحتاج علم وصبر واخلاص ويقين=وخوف من اللي يعلم الاسرار كالاعلانيه
يارب نطلبك الامن في يوم فوز الامنين=ونطلبك يالله العفو والصفح والغفرانيه
وياصاحبي لاصاحبك شفته وفي عينه حنين=أعرف ترى روحه تحن تعود مره ثانيه
حان الاياب وقبل مانقرا دعاء الآيبين=شكرا الى امل اللقاء يا الحالمه أوكرانيه

م جمعان الزهراني
ذي يزن
8-10-2012

وسلامتكم