قد كتبها الله فرقى بيننا ماعاد نلتقي {{ زمله }} لمن يرغب الرد

زمـــلــه
البدع :

ابن واصل قال عندي صاحبن ان غاب ماحضر


صحبتي كانت معه من طيب نفس وقلب واعلانيه


مانويت الشر به ولانويت الحق به الاذى


كان يشكيلي هموم الفنايه الموجعه واشكي له


حتى وان عقّد لسانه ولاقدر ينطق بها منطوق


فرقونا اهل الحسد واهل الطمع واهل الكلام الزايف


ينقلون الهرجه اللي صاحبي ماقد هرج بها


ياعرب لو قلت اني اعشقه واموت فيه واحبه
قد كتبها الله فرقى بيننا ماعاد نلتقي

كل الشكر لمن يرد على هذي القصيده

حياك الله يابن واصل ... غالي والطلب رخيص
أبشر بالسعد وأعذرني على القصور ...
/

الرد : الزيادي=
**=
مرحبا بك ياإبن واصل فالتّهم والبدو والحضر=
الذبيحه ناجحه فالقِدْر ماحد يقلط على نيّه=
والطارف منّا يرحب دون ذاك وذا وذا وذا=
أنا مابنشدك عن حَبّ الخواجه وأعرفه وش كيله=
لو يكون الهيض ماعدّا الحدود ولا خرج من طوق=
وإنت إذا في قلبك المتعوب جرحٌ منبثق ونزايف=
هذي أمواج النغايص فوق بحرٌ منه رج بها=
بالله لاتهزم عناقيد العنب .. وأقطفه حبّه حبّه=
قبل يظهر من صهاريج الرّدى معادن لـ تقي=
**=

صحة الالسنه وتعافة الابدان الله يعطيكم العافيه يالنشاما الحقيقه ابن واصل باقي على الحب متسمك مع صاحبه بدع منه ياسلام والرد جا من شاعر مبدع بمعنى الكلمه الله يوفق الجميع

لاهنتم يالنشامى .. والاخ المبدع . صح لسانكــ وجبتها مثل ماريدها .. والاخ المجاهد تعليقك يزيدني شرفاً ...