محاورة عبدالله البيضاني ومحمد السناني

البيضاني=
سلام ياحفلن ومرسـام=لطيبين امن الرجالـي
لبيت دعوة كل عـزام=في ليله امن احلا اليالي
السناني=
يامرحبا بك وانت مقدام=من عهد ابو زيد الهلالي
تراك موعدنا من العـام=تجرب الفـن الشمالـي
البيضاني=
خذ من علومي روس الاقلام=وبعد لنـا موضـوع تالـي
اما حصـل فالعلـم ختـام=والا هقاويـنـا طـوالـي
السناني=
علومكم تشـرى وتنسـام=لكن مـدري وش بقالـي
هذي السنه ماهي كما العام=المر فيها صـار حالـي
البيضاني=
حلمت عيوني بعض الاحلام=ياليت قلبـي بـات سالـي
فالمملكه شرعـن وحكـام=ليه آلتلفـت فـي خيالـي
السناني=
واقع معمر مثل صـدام=والحلم من نسج الخيالي
الدار فيها شرع وانضام=خلك تجي وتروح غالي
البيضاني=
تركت معمر راحت اقسام=لكن ضلمـه لا يزالـي
الله ينصر دين الاسـلام=مايخفي الشمس الضلالي
السناني=
لا علموك افنون الاجرام=ببعد حلالك عن حلالي
عنا على تغير الارقـام=ماعاد فالصدر احتمالي
البيضاني=
لو جيتني في بعض الايام=فرشت لك متن الزوالـي
امشي معك مشين بالاقدام=لهل السمو واهل المعالي
السناني=
السوق مطلب رزق وازحام=انـت وانـا والا لحالـي