فزعتكم يا أعضاء المنتدى في علاج حالات نفسـية

احياناً تجي الشخص حالة غريبة
كيف غريبة ؟؟؟!
وده يتكلم مع واحد ثاني ... فتلقاه يبحث في جواله عن شخص
خفيف دم أو قريب حبوب (حبيب ) له مدة ما شافه
أو إحدى عماته أو خالته اللي له مدة > قليل الخاتمة ما قال كيف حالك يا خــالة ،
فيجيك يدق و يسلم بحرارة وينادي ذلك الأخر بأحب الأسماء إليه ،
ويمكن يفخم المعاني و الكلمات وينشر الدلال والعشم وكل انواع الأدبيات المباحة في زمن القباحة... مثلاً
كيف حال الغالي ابن الغالي ريحة القحمااان وعبق البعيثران !
او هلا وغلا بالصاحب و الصديق اللي كنا نقتسم السندويشة الواحدة و القراشة المقشبة في ساحة المدرسة أو فوق الرصيف (وأهل الديرة فوق العراق )... يا سلام تذكر يا بو ... ؟؟ صحيح وش أسم ولدك الكبير ،
وش يذكر الله يرحم أمك أثر سنونك اللي تقول بوكلين في جنوب السندويشة ( الصامولي )

اما اللي صوته أو صوتها حلو ... يا حظهم ( أنا صوتي ؟؟! الحمد لله ..أفضل من الألتغ )
تلقاهم يمسك له موال أو قصيدة وهات إبداع وتقسيم ومقامات من بيات إلى نهاوند إلى مسحباني ،
بس بعضهم الله يخلف عليه تمسك معه على أغاني عوض الدوخي أو عائشة المرطا ، واللي كهلة تبغى تتذكر أيام رعاية الغنم وأيام النشاط فتقعد تواوي
على أيام الشباب
يا واوي يا واوي يايابة يا يابة ( يا يابه = يا أبي )
،
سؤالي ما تجيكم هذة الحالة مثلي
هيا نبغي نسمع منكم واحد واحد هل تشعرون بحالة غربة أو حاجة لشيء من الزفير وإستنشاق صوت أخ أو سماع قصيدة حيوية أو حتى حقة عزاء في حياة القحم (صحيح كان يخبطنا بس كان ميزانه العدل والمساواة ما يترك حد في البيت ذيك الليلة إلا و يلعن جدفه ) ، لكسر رتابة تية الحياة وكل ما فيها من تعقيدات .

ههههههههههههههههههههههههههههههههه

ما اخبر من الشيبة الا اذا قلتله : يابه والله انك دندنة !! قال ياولدي احنا يلا دندن الدندون دندنا
<<<< بيخربها


وفقك الله اضحكتني وانا جالس اتابع مقطع مؤثر في اليوتيوب

حيا الله ابو ثاامر

حيا الله الدندون ... لا مادام ضحكت بعد مقطع مؤثر ... إن شاء الله فيه أمل في علاجك
المشكلة في اللي ما يستجيب ولا يتفاعل مع الموقف ،

تحيتي وسلم لي على شيبتك

الله يشفيك ياعين الجمل
وهذه الحالة تجيك دائما والا بعد اكلة الدغابيس هههههههههه
مؤكد من غير ماتعلمنيه بعد اكلة الدغابيس .. وصفاتي ماعاد تنفع لك مرة نصاله
لكن افلح الصوحيه وبياهب لك حبوبن اسطرطها كلها دفعة واحدة مع قارورة زيت خروع ومابتشوف بعدها يكون اعافيه
هاه توحي والا ماتوحي

اشكرك اخوي عين الجمل على اختيارك الرائع وطرحك المميز بروح الدعابه المحبب الى نفوس الكثير...
احيانا الواحد فينا يمرعليه لحظات جدا صعبه فيشعر بأنه محتاج لمن يسمعه ويفضفض له
فيبادر بالاتصال على معارفه والسؤال عنهم منهم من يختصر المكالمه ويكتفي بالسلام والتحيه ومنهم من يسأل عن الحا ل والاحوال ويفتح باب الفضفضه ويكون اختصر الطريق على المتصل اللي كان يمر بضيق او حاله حزن وفيه ناس مايعطون احد وجه خالص لا يردون على المكالمات وجوالاتهم مغلقه طوال الوقت يعني مسكين المتصل يرجع لاغاني مزعل فرحان وفوزي محسون يتونس بها
عين الجمل الدكتور الاخ صقر الجنوب وصف لك دواء للحاله اللي تمر بها
وانا جايه جبتها معاي ماتشوف شر لا تنسى تطمنا عليك
ههههههههههههه

ها بالهناء والشفاء ياعين الجمل ماتشوف بعد تامعك احبوب وسطل الزيت الا العافية

غمززززة

لكن انتبه لخزان موية البيت لايكون فاضي اوووف

[quote=صقر الجنوب;511196]الله يشفيك ياعين الجمل
وهذه الحالة تجيك دائما والا بعد اكلة الدغابيس هههههههههه
مؤكد من غير ماتعلمنيه بعد اكلة الدغابيس .. وصفاتي ماعاد تنفع لك مرة نصاله
لكن افلح الصوحيه وبياهب لك حبوبن اسطرطها كلها دفعة واحدة مع قارورة زيت خروع ومابتشوف بعدها يكون اعافيه
هاه توحي والا ماتوحي ،
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ

أخي الكريم صقر الجنوب
هي جرح في هيئة دعابة يتولجني ( يصيبني أو يهاجمني) كل شهر بعد نفاد الراتب هههه
أو عندما اتحسس تقصيري في أقاربي ... ولا أظن بأن وصفتك بتنفع معي نهائيا ً
ليش ما تنفع يافقيه الشعف ؟!
لأن العلة في القلب يعني يبغى لي ومنهم على شاكلتي فقيه ( شيخ ) يقرأ علينا بدون خبط ...

تصدق ما عرفت اقرأ كلمة اسطرطها ( ابلعها ) إلا بعد إعادة القراءة أكثر من مرة ، وش تيه الوصفة الله ياهب لك عافية ....كذا دمار شامل لكل أجهزة الباطنية
والله صنقع بنقع أخف و أرحم

وتقبل تحيتي وتقديري

اقتباس : المشاركة الأصلية كتبت بواسطة لؤلؤة زهران [ مشاهدة المشاركة ]

لؤلوة زهــران
لقد وضعتي سنان قلمك على مكمن الداء
فاحيانا يتبدد حماس الإتصال على برودة الطرف الأخر أو إغلاق كل قنوات الإتصال ... ولكن هذا لا يمنع من مواصلة جلسات العلاج على سماع صوت ( أخي المتصل القطوع الهاتف الذي تدق عليه راعيه ماهو فاضي لك مع وجهك ... لا عاد تزعجنا يا اللحجي ) اوووف

عموما ردك مية مية ... بس إحضارك لدحوة حبوب ( دحوة = ملء راحة الكف ) وإبريق الزيت .. زعلني يا النشمة
حد يطاوع المغزله ( جمع مغزول ) ، تدرين في تعبك بأخذ لي شوية زيت وأدهن به لحيتي ... والباقي مع الحبوب خذيها و أقلبي وجهك على صفحة الله يستر عليك ويحفظك لكل عين ترجيك ( قحمك وسفانك )

مزعل فرحاان هههههه وليش نسيتي عبدالله الصريخ وإلا ذاك المطرب الإمارتي اللي يغني من خشمة وكل الأغاني لحن واحد ( ذكرتيني أيام الدتسون )

أختنا الكريمة تقبلي تقديري و إحترامي

اول واحد نعالجه هو انت هههههههههه

اقتباس : المشاركة الأصلية كتبت بواسطة صقر الجنوب [ مشاهدة المشاركة ]

ها بالهناء والشفاء ياعين الجمل ماتشوف بعد تامعك احبوب وسطل الزيت الا العافية غمززززة لكن انتبه لخزان موية البيت لايكون فاضي اوووف

ههههههههههههه ههههههه

السطر الأخير خطير

أقول ما عندك محوة يمكن أخف .... دور يمكن تحصل وإلا شف عند ؟؟؟! أكيد باقي عنده من عهد حياة .؟؟؟! الله يرحمه