الشاعر ضيدان مع صديقه سعد

السلام عليكم ورحمة الله وبركاته

اليوم جايب لكم قصيدتين للشاعر ضيدان...

الاولي هذأ الشاعر الكبير ضيدان عندما زار
صديقه سعد فتأخر عليه في تقديم القهوه والقدوع فقال





جاك المسير مالقى منك ترحيـب
لاجبتلـه قهـوه ولامـن قدوعـي



ياليتني دورت غيـرك معازيـب
جيتك جويع ورحت منّك بجوعـي



الظاهر انك ماتعـرف المواجيـب
لاشك طبعك يختلف عن طبوعـي



حنّا لاجانا الضيف ننفض له الجيب
ونجيبله من كـل شكـلٍ ونوعـي



عاداتنا والرزق من عالـم الغيـب
هذا وانا ابخل واحدٍ من ربوعـي



فجاء سعد بالقدوع والقهوه وقال غاضبا


اقدع عسى يقدع على راسك الذيب
في خايعٍ مابه من الناس دوعـي



متعطـلٍ بالبـر قبلـي تناقيـب
من ليلة الجمعه ليـوم الربوعـي



ومروك ناسٍ غايب عنهم الطيـب
وخلوك وحدك في مكانٍ يروعـي



ثم جاك ذيبٍ ماسنونـه بتركيـب
ذيبٍ ولد ذيبٍ وشـرس قطوعـي

سوّى بك سواةٍ على غير ترتيـب
يجزع لها قلب الشجاع البتوعـي



مرحوم ياعودٍ كسا راسه الشيـب
هنديته تـذرف عليـه الدموعـي



-------


وهذه مساجله الثانيه. بين سعد وضيدان عندما طرأت على سعد فكره

جهنميه وعرضها على ضيدان وقال
:

ضيدان ماودك نشكل عصابه
نحتل بعض بنوكها والمحلات



اما يجيلي ولك قدر ومهابـه
والا تبيتنا بيـات الشريفـات



والرجل ودك يشتهر في شبابه
بالطيب والا بالعلوم الرديـات








ولكن ضيدان رد على هذا التفكير المتهور بحكمه وبعد نظر قائلا



لاتحسب انّا ياسعد وسـط غابـه
هاللي تراوالك تراهـن عمـارات



وموضوعك اللي جبت كله غرلبه
والظاهر انّه من سابع المستحيلات



واخاف لاتنبـح علينـا الكلابـه
ثم هات نسلم من مخاليبها هـات



ويابوك ماعمري دخلـت النيابـه
ومن العمر ماباقيٍ كثـر مافـات


وان كان تبغى الراي قيبل ايغدابه
من واحدٍ جرب جميع الحيـالات



خل الحطب للي يعرف الحطابـه
نهارنا شمـسٍ وبالليـل لمبـات

يسلمو على الطرح الموفق

يعطيك العافيه اخوي طارق
وصح لسان ضيدان وصاحبه سعد
المعروف عن ضيدان انه شاعر جزل ويجيد الفكاهه

اشكركم جميعا على المرور العطروالرائع

الشاعر ضيدان معروف واشهر من نار على علم
شكرا على النقل المميز يااخ طارق


خل الحطب للي يعرف الحطابـه
نهارنا شمـسٍ وبالليـل لمبـات

اشكرك اخوي علي على المرور تقبل تحياتي

اشكرك على روعة النقل ...........

تقبل مروري ...

واحترامي...

....................................