السعودي مبدع

السلام عليكم ورحمة الله وبركاته

اما بعد :

شباب بستخدم اسلوب

عامي .. واعذرونا على الكلمات اللي بستخدمها ..

المهم نبدأ

انت مبدع ؟

خل ابداعك ينفعك ..

يقولون الشعب السعودي

فاشل ..!!

نسمع كثيييير كثيييير بأن السعوديين يرفضون العمل في المطاعم والاسواق والمكتبات وحلقة الخضار وحلقة الغنم و و و و و .... إلخ

نسمع كثييير كثييير ان الشعب السعودي فااااااشل ..!!!

طيب ليه هذا كله ..؟!!

انا اقولكم ..

خل نقول مثلا عندك شئ انت مبدع فيه ..

مثلا : انت مقلد اصوات .. ( فيه كثيير من الابداعات لكن هذا مثال )

متى تبدأ الشهره او اول بدايه لك بتكون وين ..؟

اكيد مع اخوياك بالاستراحه او بالشقه ايًا كان اهم شئ تبدأ مع اخوياك ..

حلو ..

يعني ابدأ اقلد واصج اخوياي لين افقع اذانيهم ..

خلاص انا ألحين مشهور عند الشباب اني مقلد اصوات

طيب نجي عند المسؤولين سواءً الاعلام او الشركات المنتجه مثل الهدف وغيره ..

طبعا التلفزيون اللي بيسويه لك .. يجيبك في برنامج

ويالله تعرف تقلد من .. ومن .. ومن .. إلخ

وانت تظهر ابداعك وهوياتك بهالمجال ..

طيب الى ألحين كل شئ حلو

لكن ..

التلفزيون ماعنده الا تعال قلد لنا صوت فلان وصوت علاَن ..؟!!

ليش مايستفيدون من هذي المواهب في

تسجيل قصص مثل ام حديجان

او التمثيل في التلفزيون ..

او رعايتهم والاهتمام بهذا الشباب المبدع ..!!

وين المسؤولين عن الشباب المبدع ..؟!!

___________

.. مخرج بسيط ..

طبعا كنت اتابع في احد المرات التلفزيون

وكنت حاطه على احدا القنوات الخليجيه

وشوي الا وانا على برنامج اجنبي ..

يهتم باللي يشبهون الممثلين

...

يعني مثلا واحد يشبه اللاعب بيكهام

او الممثل الفلاني او العلاني

يجيبونه عندهم .. < ركز على ذي هم يجيبونه

ويبدون يشوفون اذا هو ملائم له او لا عشان يساعدونه ويفيدهم ويفيدونه

ويبدون يساعدونه ويساندونه

بشتى الوسائل والطرق ..

...............

اما حن ...

كل اللي يقدرون عليه ..

تعال قلد لنا الفنان الفلاني .. ورح على بيتك ولا نشوفك تحوَم عند بابنا مره ثانيه

طيب ليه ..؟!!

هذا اقل شئ جبته لكم وهو تقليد الاصوات ..

مع ان فيه شباب سعودي مبدع وبقوووه

في مجالات عدَه ..

طبعا كلامي هذا في مجال الابداع ..

....................

طيب نجي للوظيفه .. مانبي الابداع نبي شخص عايدي موظف

طبعا انا في بداية الموضوع قلت ..

نسمع كثيييير كثيييير بأن السعوديين يرفضون العمل في المطاعم والاسواق والمكتبات

وحلقة الخضار وحلقة الغنم و و و و و .... إلخ

الاسباب هي ..

رح عند اي شركة عندك بالمدينه اللي انت فيها ,, بالسعوديه طبعا

رح عند صاحب الشركه اكيد سعودي ..

طيب تعال شف المدير على القسم الفلاني او مساعد المدير داخل الشركه

بتلقاه اجنبي سواء من اخوانا العرب او الاجانب ..

طيب واقل درجه بالشركه .. بتلقاه سعودي ..!!

طيب ليه التحطيم يعني السعودي اقل كفاءه ..؟؟

اكيد السعودي مابيرضى انه يتعب ويكرف

واخر شئ الف وخمسمئه 1500 وش تسوي عندنا ..؟!!

اكيد نص الشهر بتلقاه مطفر ..

ومع الاجنبي تساوي كثييييير ببلده ..

والمدير يقوده ويكرفه ويطفشه عشان السعودي يكره الوظيفه ويروح ..

والاجنبي يجيب احد اقاربه يوظفه بدل السعودي

وياكثرها هالحركه بالشركات ..

طيب يعني لهادرجه فاقدين الامل فينا ..؟!!

...............................

السعودي مبدع بكل المجالات ..

وين ماتحطه تلقاه مبدع ..

لكن وين اللي يرعاه ويرعى ابداعه ..؟!!

..............................

اكثر مفحطين عاطلين ..

اكثر المروجين عاطلين ..

اكثر الارهابيين عاطلين ..

اكثر المبدعين متحطميييين ..

واكثر واكثر واكثر ..

...............

واسباب الفشل ..

التحطيم النفسي فوق كل شئ ..

وهذا مايعاني منه الشعب السعودي ..

صار اقوى مفسد عندنا هو الكفو

صار اقوى مجرم هو اللي نمشي وراه .. لانه ما يردك .. مثل ما يردونك حكومتـنــ...!!

......

انا ما اقول ان مافيه دعم ومسانده

فيه

بس بشكل ..

معدوووووووم

......

يكفي اللي نسمعه عن براءات الاختراع بالسعوديه

تبي شهاده لحفظ حقوق اختراعك

تتمرمط 4 سنين عشانها

لكن بالخارج .. اقل من شهرين وهي عندك ..

وياكثر القصص اللي سمعناها عن براءة الاختراع ..

لكن ما اقول الا الله يكون بعون شعبنا الغالي

وشبابه .. والله يوفقكم ويوفق الجميع .

واعذروني على هالكلام ..

لكن القلب لصبره حدود ..

شاكر لك اخوي

السعودي الابواب مقفوله قدامه ومفتوحه للاجنبي والبركه في المسئولين