كذبي على نفسي وصدقي مـع النـاس

عبدالـواحـد سـعـود الـزهـرانـي

ليـلـة وداع التاسـعـة والثلاثـيـن

طبل ومزاميـر ونواقيـس واجـراس

عمر(ن) نهب بيسار مااعطاك بيميـن

لايحـرم الضامـي ولايملـي الـكـاس

سجيـن ويـن آنـا وحريتـي ويــن

وآشوف وضع الناس وآقـول لابـاس

الناس فـي الدنيـا مجـرد مساجيـن

الدهر عيّنهـم علـى بعـض حـراس

كم يفسـد الزيتـون مايصلـح التيـن

وكم شجرة(ن) يصنع من اغضانها فاس

صبح الثلاثاء ينتهي عـرس الاثنيـن

ياكم وكـم روس(ن) بالاقـدام تنـداس

تأخذ رحاة الوقت مـن حيـن لاحيـن

وقفـة دقيقـة تلتقـط فيهـا الانفـاس

تعبـث ملائكـة الرضـا بالشياطـيـن

وتقضي الطمانينة على كـل وسـواس

وآقوم اسوي لي مـن الشعـر بيتيـن

وافرد لها من فهرس الـروح قرطـاس

آضمّـد بحرفـي جـروح المحـازيـن

واقفل قلق وافتح بهـا بـاب هوجـاس

تغنيك عن بعض السيـوف السكاكيـن

وتغنيك عن بعض السكاكين الأمـواس

الا فلـو فجّـرت شـعـري براكـيـن

ما اترك جبل واحد يوقّف على سـاس

اوقف بعض الاحيان مكتـوف الايديـن

واغبط واهنّـي كـل متبلّـد احسـاس

واسمع من اصحابي على الرأس والعين

واخطر بقاع العالـم العيـن والـراس

ياكم فقيـر(ن) فـي رصيـده ملاييـن

وآنا غني وآنا علـى وشـك الافـلاس

زيف الحقايـق واختـلاف الموازيـن

خلاني اغضب واضرب اخماس باسداس

آنـا ادي ان الله خلقنـي مـن الطيـن

لكن بعـض الطيـن ياقـوت والمـاس

لـو كنـت لاقـي للحقايـق براهيـن

كان اخترعت لراحـة البـال مقيـاس

واللـي موصلنـي لـذا الحـال ثنتيـن

كذبي على نفسي وصدقي مـع النـاس

هنا الشعر وهنا الشاعر ابومتعب شاعر الكلمه وفارسها لا توفيه الكلمات حقه
فهو فوق كل مادح ومديح شاعر امتلئت السماء بنجومه اللامعه وكواكبه الزهريه
شاعر يجبر كل من يقرأ قصائده للدهشه والتعجب من براعته ومقدرته العجيبه في
نسج ابيات القصايد بطريقه احترافيه لا يجيدها ويتقنها الا عبدالواحد بن سعود

شاكر مرورك ياشاعر زهران وهذا فعلا ابو متعب له طريقة عجيبة في الشعر

الا فلـو فجّـرت شـعـري براكـيـن
ما اترك جبل واحد يوقّف على ساس

مشكوووووور والله يعطيك الف عافيه