قالو باسم العداله ودنا ننتخب ريس ملون

البدع /ابومحمد
يامساكين وش تا لفرحه جتكم بفوز العم حسين
وش هدفكم منه هل ظنكم به يحرر قدسنا
هذي لعبة يهود وخططوها لسلب اموالكم
يوم شافو خزاينهم بدت تنتهي وبدت تهور
والدول كلها قامت تعيد النظر في العم سام
قالو باسم العداله ودنا ننتخب ريس ملون
نصفه من عندنا والنصف الآخر بدا من كينيه
وابنقول انتقدنا وأعلن انك نصير للعداله
وانه جاء وقت رفع الظلم عن كل شعب مضطهد
عارف انا مساكين أبنصدق سوالفهم ونرضى
وابنسلم لهم غصبا محاصيلنا وأرزاقنا
هذا هوقصدهم وذيه هدفهم من التنصيب كله
والا فالحكم والتدبير بيد اللذي خطط لها
وده من نيته فتنه حقيقه بدت والله بها أدرى
والله ماحد يرد الحق لهله بدون مطالبه

الرد / جندول
الله ياكم بيوت(ن) غطت القبح بالوجه الحسين
وانت يالبيت الأبيض ماسكن فيك وجه قدسنا
كم جمع ريسك يالبيت الأبيض من ألأموال كم
وانحن في الشرق ندعي الله ياهب لنا في الجنه حور
كم بنينا من احلاف مع الغرب ما جانا وسام
نعطي اموالنا للغرب ونخاف لا يتقاتلون
وأن حصل مشكله نطلب خبير يجي من غينيه
خبرته غي الملاعب مثل نمر لصيده قد عدا له
هذا هو شرقنا جيل بنا ثم ياجيه الف هد
وأصبح الشرق ميدان الصعاليك جو من فيٍِت أرضا
ماسلم شرهم من حل صبرا و من حلوا قنا
والفهيم اللذي يخطب بنا قال سيف الغرب كله
يالله سود وجوه اهل الدسايس وبالقار اطلها
العواذر كثيره ما تحمل على جمل(ن) تهدرا
فالعذر والسموحه شرقنا لوعذابه طال به