فرفشة بين زوجين

الرجال السعوديين
بس الرجال النسوان بلا لقافه بالله
وش يمسكن ؟؟؟



تنهد محمد بشدة و هو يقود السيارة و بجانبه زوجته .. وسالها ' شفتي ذيك اللبنانية اللي في المحل كيف تتهرج مع الرجال اللي معها؟؟تضنين رجلها ولا مخاوتيه؟؟

هي : إلا رجلها شايفته يوم يلبس الولد جزمته بعد ما قاس عليه البنطلون

تجاهل ملاحظتها بالنسبه للتلبيس و تسائل بغباء:

وشلون؟؟

وش قصدك ..كيف يعني؟؟
ماسمعتيها وهي تقول شوف هالقميص حبيبي لونه حيصير يعقد لما تلبسه مع الجينز الكاكي من شان خاطري جربه يا روح قلبي

وش يضركن يا السعوديات لو تسوون مثل هالأجنبيات..لطافة و شياكة وهروجكم يالله من فضلك

ردت هي أولا :لو أقول لك ياحبيبي في المحل وطيت رجلي
ثانيا: اللبنانية ذي لابسه بنطلون جينز محكك ماشفت فيه أي شياكه


و بعدين تعال ، وراك خليت كل شي و ماسمعت إلا هالكلمتين الزينات.. ما شفته ما شاء الله وهو ياما شال البنية من العربية ياما حطها فيها ..ياما قاس اللبس على الولد ياما لبسه جزمته ..ويوم خلصت المره ونقت لبسها ( ملابسها ) قال هاتي اللي بإيدك حبيبتي من شان وديهم لعند الكاشيير...ماهب انت أن كانك ذاك اليوم رايق و ذابحتك الرومانسية قلت إلى قضيتوا تراي واقف اوجعتني ارجولي..


ياعمري وقلبي أنت تبي من يقول لك ياحبيبي و ياروح ألبي..ما يحصل ..اللي أوله شرط آخره نور ..شكلك نسيت يوم تقول لي أيام الملكة .ترى إذا قلت لك يا حلوة وحنا نتناقش لا تصدقين ..أنا دايم أقولها وانا اتشيدق (من باب السخرية و التهكم) و لا أقصد فيها المدح أطلاقا..ما أقول إلا يالله لك الحمد..والله لا قايلة لك يا عمري ولا يا روحي.. الحب أحبك ..ماني كذابه بس هالكلمات يالله أقولها للسفان (الاولاد) إذا صخنوا



يا جماعه لا تزعلو مني وتقولو ماجد انهبل الموضوع وباقوله لكم الشغلة فيها بجاحة شوي . لا والله مهوب شوي إلا ' بجاحة بلا حدود'

أنت تبي زوجتك تقول لك كلام محبة و تعطيك عيونها وأنت في نفس الوقت ماتبي تعطيها عيونك ولا حتى نظارتك

صراحة ...أشك أن السالفة سالفة أنكم بحاجة لكلام ناعم و ألقاب فقط (وأدري أن كل الموضوع حجة لتبررون به حبكم للأجنبيات الجميلات فقط ).. ولا هاذي فوزية الدريع طول برنامجها وهي يا عيوني و ياعيوني ..'كن منكب فيهن رماد 'و ما شفناكم مقابلين برنامجها.. القضية قضية وش شكل قائل الكلمة ؟؟

* تبي زوجتك تحترمك وتغنج لك و تقول لك سم ولبيه و انت ردك عليها 'هها ؟؟بمعنى نعم ' أو وش هنا ؟؟

أنا أعرف ولد في المتوسط إذا ناداه أحد رجال او أمرأه رد ' ابشر ' ما يدري ان المرأة يقال لها 'ابشري ' ليس لأن عنده مشكلة في القواعد و المذكر و المؤنث و لكن لأنه و بكل بساطة ما قد سمع رجال من اللي حوله يقول لحرمة ' ابشري


يا حليلك يالرجل السعودي عجيب وغريب و جرئ

غريب ..تبي زوجة أقدامها ناعمة و ركبها بيضاء وانت رجلينك كن الوحدة محراث ..
و اقدامك الشطب الواحد ممكن توزي فيه سكينة فاكهة

عجيب.. تبي زوجة تلبس جينز و تتشيك لك بتنورة وانت أربعة و عشرين ساعة صيفا و شتاء تدير و تاكل و تنام في اللبس السعودي الرسمي فنيلة بيضاء نص كم و سروال سنة .. ومهما شرت لك المسكينة من بيجامات من تخفيضات شبرا و المتكامل وقاهر الاسعارطبعا هذه نخبة مولات الباحة - دعايه مجانيه
هي تشتري مخفضة ليس تقليل من قيمتك و لكن لأن الأمل ضعيف في انك تلبسهم لو انها من دبنهامز أو ماركس و سبنسر ما راح تلبسهم


ياشباب!! ' الشياب توو ليت ماعاد فيه أمل يتعدلون' ّّّّّّّّّأنا متاكد أن مافيه أنثى بتقول لها ' حبيبتي' و ترد عليك بجفاف ..الأنثى معطاء جرب تعطيها حنان و بترد لك أكثر .

الشي الثاني يا أبني لو أنت تشيكت و لبست داخل البيت مستحيل أم العيال بتجلس في خلاقين أو لبس أقل من اللي انت لابسة ..أصلا طبيعة الأنثى غيور و بتجاريك في لبسك تلقائيا يأما حتى ترتقي لمستواك_ أو_ عشان ما تعرس

ومثل ما يقولون الأمريكان ' إت تيكس تو '


ذكرت سالفة طريفة و هي سالفة النجدية ' أم علي' اللي جتها جلطة عندما قال لها أبو علي ياعيوني بعد 40 سنه من الحياة الزوجية ماكانت تسمع فيها الا ياهيش و يامره .. و عندما سألوا أبو علي عن سبب التغيير المفاجئ ..أجاب
بلاها والله بقرة ولا هل يعقل أني بعد 40 سنه أبي أقولها ياعيوني ؟؟ ماطرت علي ..بس ذا الخبلة أقول لها ياعيوني ذبحها اللقاح حق االنخل وهي اللي طارت بالعجة و حسبتني أنهبلت و بديت أقول لها يا عيوني ..الله ياخذ الروح قبل المكروه

ارجو من شبابنا يتدركون الوقت ولا يبخلون على الانثى بلكلام الزين والنظاااافه