علي السبيه ...و... ابو صالح ( محاوره )

شرفني الشاعر الكبير الاستاذ علي السبيه
بهذه المجاراه ان وجدتم فيها ما يروق لكم
فهو بفضل الله ثم بفضل ابو طـــــــــــــــلال
وان كان هناك من قصور فهو مني انا
ولكم كل الاحترام والتقدير

السبيه=
.=
الا يامعشر الشعار هات النضم والقيفـان=نبي تطرب قصايدنـا وتتمايـل قوافيهـا
ونسبح في بحور الشعر ونغرّد مع الالحان=وتختال الحروف الابجديه فـي معانيهـا
.=
ابو صالح=
.=
من اجلك ياعلي ومن اجل ربعي داعية زهران=اجي واعاف كل الكـون واشغالـي نخليهـا
لكم في قلب ابو صالح قصر ومشرع البيبان=بدون اقصور في كل القبايل جيـت احييهـا
.=
السبيه=
.=
هلا شرفتنا يامرحبا ترحيبـة الصفطـان=عدد هل الوكون اللي نخيّل غزر ناويهـا
هلا ياالشاعرالدوسي وله بين القبايل شان=من احفاد الطفيل ومنبع الفيده وراعيهـا
.=
ابو صالح=
.=
بقي راسك ودام بك البقا يافـارس الميـدان=ويافزعة بنـي عمـك وياغصـة معاديهـا
عزا منسي نهار الحرب بندقهم على الذرعان=قبيله تردع المخطـي بحاظرهـا وماضيهـا
.=
السبيه=
.=
هلا ياالشاعر الدوسي هلا ياقايد الفرسان=قصايدك الثمينه اللي يشرفنـا نباريهـا
وزلزال الجنوب الشاعر الموهوب والفنان=وباقي جملة الشعار بعالي الصوت اناديها
.=
ابو صالح=
.=
انا شاعر لدوس وشاعر(ن) في باقي العربان=وياكم من جروح(ن) ياعلي نقـدر نداويهـا
اذا نجم السماء غادر يكفيك القمـر ولعـان=واذا الشمس اشرقت صبحا فمن يقدر يصاليها
.=
السبيه=
.=
لنا والا لكم تبنا وترجـح كفـة الميـزان=بيوت الشعر نبنيها وفي المبنـى نعليهـا
ترى بعض القضايا ماتبي شاهد ولا حلفان=وليالي العيد ياسيدي تبيّن من عصاريهـا
.=
ابو صالح=
.=
نمرن صقرنا الغالي على القمري وع السمان=بسرعه يخطف اعناق الطيور وغصب يلويها
ومن يعرف سلوم الصقر ما يقنا من الغربان=عسى ربي يعز الصقـر والغربـان يهبيهـا
.=
السبيه=
.=
لنا عاده في المقناص مانقنع مـن الدّمّـان=وترى حتى صقورالجو نذبحهـا ونشويهـا
ورمحي راسه المسنون يعشق مرتع الغزلان=يطاردها ولايخطي هدفهـا يـوم يرميهـا
.=
ابو صالح=
.=
يقولو حمرة الكتشـب تسلـي خاطـر الشبـان=ولو شافـو صقـر قالـو دجاجـه واب نربيهـا
ومن يقنص برمح اجرد قنصنا انحن على النيشان=وصيدتنـا ولـو هـي طايـره بالجـو نذكيهـا
.=
السبيه=
.=
ترى النقّاد ياابن الناس تلقاهم ورى الشفيان=عساك اتوضّح الهرجه لنا ويبـان مافيهـا
انا ماني غشيم افهم واضنك شاعرً فهمـان=وغيبات الصدور الله يعلـم عـن خوافيهـا
.=
ابو صالح=
.=
انا ماضن جا زحمه تعيبك يالجمل سمحـان=وكل السالفه حملـه وانـا اضنـك توديهـا
وانا وانته على القمه ونرقب سرحة الرعيان=واذا شفنا خطا الراعي نقولـه لا تسويهـا
.=
السبيه=
.=
انا ودي بطيب الخاطر اللي يجلـي الهمّـان=ونسبح في بحور الشعر والخطّـر نصفّيهـا
ومن صوبي ومن صوبك بيوت الشعر ماتنهان=نخطّي المخطيه واللي على المعنـى نقدّيهـا
.=
ابو صالح=
.=
انا قلبي بحر يبلع سفن ماهو كمـا الغـدران=وانا خابرك بحر(ن) تغرق امواجه سواعيهـا
واشوف ان القوارب جنبت عن موقع الطوفان=تخاف ان البحور الهايجه تغضـب وتفنيهـا