طريقة استخراج تأشيرات المسار السريع و متابعتها بنفسك

موضح لكم طريقة معرفة الرصيد من التأشيرات الممنوحه لك و كيفية إصدارها


(( هذي الحركه الي يقولون لك المعقبين حنا نطلع لك التأشيرات بس تعطينا يوزر و باسورد وزارة العمل ))



هذي تجربه أنا قمت فيها و أصدرت التأشيرات بنفسي بدون اي استغلال من اي احد
1- الدخول على خدمة الاستقدام للمنشآت و الشركات
2- اختار موافق
3- خدمة طلب رصيد او توسع في النشاط
4- تقديم طلب رصيد
5- طلب رصيد توسع في النشاط
6- تختار المهنه المطلوبه في خانة المهنه و الجنس في الخانه اللي بعدها و تكتب في العدد 999
7- توافق على الشرط الظاهر لك تعلم عليه بالموافقة
8- إرسال
اذا جاك فلاش في الشاشه مكتوب فيه هذا الطلب يمكن دراسته و الموافقه عليه من خلال المسار السريع إذا كان الرصيد المطلوب اقل او يساوي ( يظهر لك عدد رصيد التأشيرات المتاح لك ) يعني انت تستحق
9- تلغي الطلب وتعيد الإعداد حسب ما ظهر لك في المسج ولا يحتاج تضيف عقود وكذا
ضيف اي شي في خانت الاضافه عقد او رخصه بلديه او سجل او اي شي
عشان يجيك خيار الإرسال فقط
10 - اضغط على إرسال
11- يظهر لك مسج في اول الشاشه ( تم حفظ بيانات الطلب بنجاح و الطلب قيد التنفيذ ورقم الطلب هو ....)
12- احفظ رقم الطلب اللي طلع لك وبعدها بدقايق شيك عن طريق
*الدخول على خدمة الاستقدام للمنشآت و الشركات
*خدمة طلب رصيد او توسع في النشاط
*ادخل رقم الطلب في المربعات اللي موجوده ويظهر لك حالة الطلب

اذا تمت الموافقه من لجنة الاستقدام

موضح لكم طريقة إصدارها

*الدخول على خدمة الاستقدام للمنشآت و الشركات
*خدمة إصدار التأشيرات
* تقديم طلب إصدار التأشيرات
وتظهر قدامك التأشيرات وتقوم بتحديد الجنسيه و جهة القدوم و الديانة
وتكمل باقي الخطوات والأفضل ان تكون مسدد قيمتها
وبعد ما تسدد تقدر تشيك بنفس الخطوات وتشوف رقم الصادر تبعها
وان شاءالله يكون شرحي واضح
(إن أحسنت فمن الله، وإن أسأت أو أخطأت فمن نفسي والشيطان)