%%% (( المطرود ... كنخره وأخوانه )) %%%

بيض الله وجهك
ابداع تطرب له الاذان والله اني تحمست وبغيت ارد وافتكرت اني ماعندي سالفه...
مدرسة يابو زياد وصح لسانك ملاييين

بيض الله وجهك
ابداع تطرب له الاذان والله اني تحمست وبغيت ارد وافتكرت اني ماعندي سالفه...
مدرسة يابو زياد وصح لسانك ملاييين

مدري وين ملقيه تيه يالمبدع
خذوووك وخذووو تاعك البدويه المبرقعه
ضيعت اخوك
هههههههههههههههههههههههههههه
صح لسانك وفي انتظار الردووود

المشاركة الأصلية كتبت بواسطة المبدع.

الشامان ... إن ناسبتك هذي الحويسه فأكرمها بالرّد

وإن ماناسبت فخلّ برطمان يتمطّخها ههههه

البدع : الزيادي=
**=
يابو رايد ...كنت (أنا وأخواني العشرين) ... جُبّرا=
لكن الله أخذل (آخوي الكبير) وحَبّ له (بدويّه)=
ماهو لجل (الدِّين ... وإلا للحسب .... وإلا جمالها)=
غير يمكن عندها (كم قرش) وآخي (ميّتٌ من جوعه)=
وإلا يمكن يوم أخي (عازف ربابه) كنّه أبْدوي=
وآنا يوم الله نوى ينكب عفوشي حطّ منّي شاعر=
والبديويّه لها (بصمة هوى وإمتاع) ذايقه=
أول ماقامت (تدوّن كل بيتٌ للبدو رومنسي)=
تحت عنوان (إنّ هذا البيت أخوكم فيّ قايله)=
قالت : (ياتختار أخوك الشاعر اللي تعرفه) ....وإلا (أنا)=
وأستشار أخواني اللي كُلّهم (ياكافي البلا)=
كُل من هو (قام في صفّي) تُردّه قايله (يابن آخي)=
لين تَمّ المؤتمر وأعلن : (بطردي من حدود البيت)=
وأستدار الوقت (والمطرود بَرّا البيت) سوّا دوله=
(وأخوان المطرود) خلّوا (بيتهم) ... وألجوا (لدولته)=
آخر المعنى : بغيت آقول كلمه للقصي والداني=
اللي مثل أخواني العشرين واللي قَلّ واللي زاد=
الله لافَرّق رِجَالٌ بعثروا في جَمْعُهم (بالبُنْدُق)=
والله لاجَمّع رِجَالٌ فَرّقت مابينهم (مَرَه)=
**=

صح لسانك يازيادي حتى ترضى يوه كسرو ظهرك مثل ماكسرت ظهري
لكن والله امتعتنا بهذ المعلقه علقوك بقراعك عموما الله يصح لسانك
والعذر على التاخير يالغالي وانا ردين رد كما حب الدجر

الرد من ابو رائد=
*=
يازيادي للمشاكل والفتن كسر(ن) وجبرا=
واللي قفو عالمشاكل والذي تبدي لها بدويه=
واللي ينهج للفتن وش له في المنهاج ما لها=
والذي وجعان يلقا له علاجا عندنا لوجوعه=
والمرض يخفى ولكنه بقلبه كنه ابدوي=
واللي مايشعر بما نشعر به الله حط مني شاعر=
كيف وامتى نحصد اغصان الثمر وامتى عذايقه=
انا مدري تذكروني دوم يابدر البدور او منسي=
انا والله مانسيت اصحابنا صبح(ن)وقايله=
والله اللي حط مابين القلوب القاسيه والا نا=
والذي يبلا بلاءاً حسنناً ياكافي البلاء=
انا بانوخ قوافل نجد وابل الباديه وابناخي=
وانا باراعي حدود اشعار فكري في حدود البيت=
واسويد الوجه بالافعال بين الناس سوود اوله=
والذي بيلد ويناظر لنا لدو لدولته=
اللي باوديه الى الفايت على درب القصي وداني=
واهل الزود الذي بين البشر وش فاده اللي زاد=
انشد اللي في جبل خولان دقت من غصون البن دق=
والتمر لو ينهمر نعسف عذوقه بين همره=

ي الربع انا مايطلع عندي الرد اذا حطيتم
أقتباس

وانا متحمس ابغى اشوف رد اشامان
افزعوووووووووو

الف الف شكر لكل من مر من هنا وعلق لاهنتم يالنشاما

صحت السنتكم ،،، شعراء رباع

لاخلا ولاعدم

صح لساانك يالشامان
رد جميل ورائع من شاعر
رائع في كلما يتحفنا به
تقبلو تحياتي وتقديري

صحة الالسن
ياكنخره ذيه كم حده يبغي له بالمسحل حتين يبيح

الظاهر أنني مررت على هذه القصيدة ولكن لم أتمعن فيها وكان مروري سريع جدا
هههههههههههههههه أضحكتني هذه الأبيات الملغمه يالزيادي
وأعادت لي الذاكره حسبك الله على هذا الحبك والسبك

أنت خطير ومحترف ولكن الزمن كفيل بالمرور على الحالي والمر
ودفنه رغم قساوته أوليانته(المعنى في صدر الشاعر)وليس بطنه