آلشامان .... لاهنت ياغالي

هاتك شويه حتى الله يكتب اللي فيه خير

البدع=
لانقفل شارع يبو رائد فتحنا شارعين=
لاتكدر خاطرك والاتظيق ولاتميل=
من يكدر خاطرك جعله يعيل وشمعيله=
والمسيره لايجي تفويت وشرايك بها=

لاتميل = تمل من الملل
وشريك بها = الشرك

والمسيـره لايجـي تفويـت وشـرايـك بـهـا

الله الله هنا ابداع رائع

صح لسانك وكلامك واضح ياخي تفضل لاهنت

الرد من ابو رائد=
*=
من ورا سبت العلايه نظرتاً واشار عين=
وانت خلك في طريقك لاترنح لاتميل=
باقي الى ذلحين فارس مابيدري وش معي له=
لونشدتك عن علومي قلي وشرايك بها=

ماعليه يابورائد صح الله لسانك

البدع =
لومني لخطيت وانا ادري ان بعض اللوم .. زين=
انت ونعم جارك الله منت لاش ولابخيل=
البخل والذل قسم(ن) للمعول والدني له=
ونت كسرة الجبال السود حتى صلبها=

الرد من ابو رائد=
*=
ليتني سواق تكسي والا سايق لومزين=
والا عندي مهرت ال سعود واخيل بخيل=
ماباقل يافارس المشوار تكفى ودني له
والله لو امشي على عكوز حتى اصل بها=

البدع=
لاتمد ايدك ولاتقرب على حد السنين=
صيف وابعد للبحر والا لصوب البر ..حيل=
كم شيع(ن) يقحمه وغداه وتم .. النار .. حيله=
الخباله لونشب.. النار.. ونحاقر ..بها=

مبدعين يالنشامى ...صحّت ألسنتكم .تحيــــــــــــــــة

الرد من ابو رائد=
*=
كملي اتوجد على عمري مع حد السنين=
لكن العمر انقضى واصبح يهدد بالرحيل=
الذي تبغاه يرحل عنك تم النا رحيله=
والله ان ادور الاصحاب وانحا قربها=

البدع=
دوبنا يادوبنا يم القصايد منتشين=
لايفوتك من صفوف القول فرد ولاجميل=
ودي بك تعرف لطرق المسحباني من زميله=
يمكن تلقالي معك بيتين وتغنا .. بها=

زميله = قصايد الزمل