من قديمي...((الدمعه اللوليه))

المشاركة الأصلية كتبت بواسطة سمّار

رقّ قلبي لدمع الفاتن اللعّابه...=...والله اني حنون ولا بها حنيّه
رقّ قلبي ولو هو موصدات ابوابه...=...غير لاتحسب اني في الهوى لي نيّه
علموا الترف ما ني من قريب اصحابه...=...كان موقف وعاملته بالانسانيه
لو سكب من دموعه لي يبلّ ترابه...=...ما به الا ادعي الله له وللي زيّه
قد سكن خافقي اللي كان دوم اولى به...=...لي ملأ القلب سنتيه على مليّه
يالبى الدمعه اللي عالقه باهدابه...=...ودّها ما تفارق عينه الدريّه
قلت له خلّها عندي لها طلاّبه...=...كل قطره بدمي تعشق اللوليّه
وقام يضحك ودمعات الفرح منسابه...=...يا لبى ضحكته وشفاته الورديّه
قال قلبك حنون ونَعْنَشَتْني اطيابه...=...كلّ ما اشمّ عطرك قلت يا ويليّه
ذاك حُبّه غدى فعلا لقلبي لابه...=...هو ذرأ القلب لا زادت عليه الغيّه
شام بالنفس عن هالعالم النصّابه...=...يسعده ربنا في روحته والجيّه
لو بغى اللعب فرفرهم على السبّابه...=...وانْ كوى غير ينضِج في عداه الكيّه

الله الله
صح لسانك مدد لا عدد
حاولت أقتبس بيت وكل بيت يقول دعيني أنا الأجمل
لذالك إقتبست القصيده بأكملها
لله درك ولنا دررك
تقبل تحيتي وتقديري ودمت بود
ترانيم