قصص من طفولتي ... اتمنى المشاركة من الجميع

عين الجمل صراحه ماعااد اقدر اكتب من كثر ماضحكت ودموعي على خدي
المروجه بنت عين الجمل ياحليلها ياربي تموت ضحك وتحزن القلب في نفس الوقت براءه
وياكثر مايسوون الاطفال مواقف محرجه في الاباء والامهات تحكيني وحده صاحبتي تقول عندها فرح وهي من النوع اللي ماتحب احد يشوف لبسها ولا لبس بناتها الا يوم الفرح
من حقها ماتبغى احد يقلدها
المهم جات احدى قريباتها سألتها شريتي لبس الفرح قالت لسى بدري ولا فكرت
والميزانيه ماتسمح في الوقت الحالي المهم صرفت الحرمه اللي عندها وغيرت السالفه وراحت على المطبخ تجهز الشاهي جات بنتها عمرها سبع سنوات جلست عن الحرمه قالت خاله اوريكي لبسي اللي ماما شرته ليه مره حلو واخذت تحكي للحرمه عن فستانها وفستان مامتها ومن وين امها شاريتو لا وبعد راحت على غرفة امها وجابت الملابس
المهم والحكي من صاحبتي تقول اول مادخلت وشفت البنت تشيل وتحط بالاكياس وانا يجيني رجفه وخجل واتماسك نفسي خايفه على البراد لا يطيح من يدي
تقول واغير الموضوع واقول ماشاء الله جبتي الملابس حقت زواج ولد خالتك ياحبيبتي
تقول الحرمه تطالع لي بنص عين وتقول
والله منتي هينه يام فلان بس بنتك على نياتها
قالت لا صدقيني ان اللبس اللي جابته اللي شريته لزواج ولد اختي واخذت تحلف لها ان الزواج اللي كانو يتكلمون فيه ماشرت له ولا قطعه وعلشان ماتطلع كذابه
والطفله المسكينه بعفويتها وصدقها كلفت على الام بشراء ملابس جديده
وانا هنا اقول الاطفال صفحه بيضاء والاباء والامهات يكتوب فيها كيف يشاءون منهم يتعلمون الصدق والطيبه ومهما يتعلمون الخبث والكذب يعني لو قالت الام شريت شوية مقاضي والباقي بعدين وش راح يحصل على الاقل تكون الفشله اهون