قصص من طفولتي ... اتمنى المشاركة من الجميع

احلى الديار الله يعطيك العافيه
والجميع لهم مني الشكر والتقدير على تفاعلهم راح احكي لكم موقف حصل معاي وانا تقريبا عمري من تسع لعشر سنوات تذكرته وانا اشارك في موضوع معاني الكلمات بلهجة الزهارين
في يوم من الايام كان عندنا ناس وكان الوالد رحمه الله دايما يناديني اجلس معها طبعا مافيه احد غريب اخوالي وكنت انا اللعب خارج البيت في الحوش
ناداني الوالد وكاني اسمع صوته الان رحمه الله وغفر له وهو يقول لي بحنيه وبصوت هادي يابنتي تعالي بحذايه وانا فداك قلت له طيب وعلى طول انطلق على الحوش واجيب له حذيانه الله يكرمكم جميع
وادخل والمجلس مليان اخوالي والوالده واخواني واخواتي
واعطيه الحذيان وانا اقول اتفضل يابوي ونظرت الاستغراب في عيون الجميع وهم يطالعون فيه هاذي صاحيه ولا مجنونه وش اللي في يدها طالعت الوالده فيه وقالت بنت وش اللي في يدك وين رايحه بها ماحد عنده حذيان الا ابوك على بالها اني ابغى اشيلها اخاف عليها احد يسرقها قلت لها امي ابويه قالي تعالي بحذايه هو اللي طلبني اياه قالت حاح من عقلك الله يخلف علينا
ويضحك خالي ضحكه قويه ويرد على الوالده الله يخلف عليكم يام فلان بنات اخر زمن والجميع بعد يضحون وانا اطالع بخجل وش فيهم وش الشي اللي سويته غلط
طالع الوالد فيه بنظرت حنان قال تعالي يابنتي ماعليك فيهم معهم منك ضيقه تعالي بحذايه كرر نفس الكلمه اقتربت منه وجلست بقربه مديده على كتفي قال لا تزعلين انا السبب انتي فهمتي غلط واخذ يشرح لي معنى الكلمه ومعناها كان موقف جميل ببراءة الطفوله وعفويه والاالان خالي دايما كل ماشافني يذكر الموقف
لي عوده كل ماتذكرت شي من ايام وذكريات الطفوله
ويارب ماتكون مشاركاتي ثقيله وممله
تحياتي وتقديري للجميع