عتاب إبن الجنوب على مسئولي الثقافه والفنون بمنطقة الباحه...

المشاركة الأصلية كتبت بواسطة عاشق المها

وووردبدع ابو فيصلووورد


لا تـشـرّه يا فهد قزعه واعرف وش تقول


ناس في ضحكن تشمّت وناس ٍ في ذهول


وانـتـقـاد اهـل الـشـيـم والـكرامـه والعقول


مـفـتـرض يـبـنـي ويـرقى بنا في كل حول


ذا تـراث اهـل الـوفـا والـشجاعه والحميِّه

واجـبـك تـحـمـيـه بـالـسـيـف الاملح والقنا

صح لسانك يابو فيصل واسمح لي بالرد عليك...

*=
الرد:إبن الجنوب=
*=
ياللي تلوي في الملاعب ولا سجّلت قول=
من براد العافيه تتّجه لملاذ هول=
والجمال العاديه في المداور والعقول=
وانت تقلع رجل والثانيه بين الوحول=
سار عادي بارد اللقمه عندك والحميّه=
فيك مافاد الكلام المجمّل والقنا=

لاشك ان الجمعية وكافة الافراد المشاركين قدموا الشي الكثير هذه السنة ولولا ذلك لما اخذوا المركز الاول .. وعتبنا هنا عتب محب لاعتب كاره . تخيل وسط العرضة تنزل بنت تتمرقص وسط الرجاجيل وكأننا في مصر او سوريه والله لايرضي الله ولا يرضي خلقه هذا عتابنا فقط ابعاد النساء عن تراث الرجال الاصيل . وهذه اعتبرها غلطة الشاطر يتحملها رئيس الجمعية الشاعر علي البيضاني وحده .
الانتقاد والاختلاف ظاهرة صحية وهذا واجب على الجميع لنصل بمنطقة الباحة الى المستوى المأمول بإذن الله .

أخي الغالي صقر الجنوب :مافيه إنسان عنده إنتماء لوطنه أولا ولمنطقته ثانيا ويودّ أن يظهر في المحافل أوفي اي مكان كان بصوره غير لائقه إلآ من لايهمّه سوى نفسه... علي البيضاني أنا اعتبره صديق شخصي وبيني وبينه زاد وملح واتصالات وقصايد قد تتجاوز معرفته بفهد قزعه ... ولكن هذا لايعني السكوت على الغلط ... إذا كان فهد قزعه يملك صلاحية التحدث بإسم الجمعيه فيناقشنا بكل هدوء ويبتعد عن النعره وشوفة النفس اللي مالها أساس وإذا كان يعتبر بمثابة شخص عادي حضر في حفله وجوده يشبه عدمه فلماذا كل هذا التهجّم علينا يترك الامر لمن يعنيه الامر... ياأخي والله تعبنا يانسكت على الغلط يانعتبر نفوسنا داخلين حرب ... من هنا يثبت لي فهد قزعه عكس مايقال عن مشاركة الباحه لهذا العام وأنا مستعد أعتذر للجمعيه وللقائمين عليها لو كلفني الامر اطلع لهم في الباحه وإلآ يريّح نفسه ولا يجادل في ماليس له به علم... تحياتي وتقديري وتمنياتي لك وللجميع بدوام التوفيق والسداد...

وفيت وكفيت ياابن الجنوب وصح لسانك ملايين والضاهر المسؤلين في التراث
انطبق عليهم المثل اللي يقول بغى يكحلها واعماها بغو يطورون التراث وجابو
الطامه لو كان انسمو وخلو التطوير لهله احسن لهم وترى اللي يشوف منضر
العرضه في الجنادريه والبنت ترقص بينهم يحسب ان هذا االلي حاصل عندنا
نندر البنات يترقصنه في العراض والله انها قمّة السخريه وسوّد الله وجوههم

اول ماأنتقدك ارحامك على هذه القصيده الرائعه
اما كوني اشيل الزير اهون من اني اشيل حاجه ثانيه
عموما التقييم كان لجهود الفرقه الشعبيه يعني العرضه ماله دخل في تطوير البيت اغو الوفد كامل
بعدين البنت اللي نزلت ترقص حصل معها مقابله ربما تطلع في احد القنوات اوفي الصحف لكي تثبت انها نزلت ترقص اختياريه وابوها موجود وامها موجوده ولاتنتمي للباحه اما اللي علقوا في مقطع اليوتيوب فاشكلهم من الباحه ربما شرذمه قليله بمعدل 20 % واما التعليق العاقل اللي نظرته كبيره فبمعدل 80%

يافهد قزعه كلمتين باقولها لك أسمعها زين وكم مره قلت لك إذا لك عندي شي خذه بعيد عن المنتدى ماودي والله نقعد نتجادل انا وياك ولن نطلع بنتيجه وعيب نقعد نزيد ونعيد قدام الناس هنا...

1- أرحامي لهم وجهة نظر زيهم زي اي واحد أبدا وجهة نظره في هذا الموضوع وانا مااقدر اكمم افواه الناس مع العلم إن ماحد كلمني منهم بهذا الخصوص لكن مستكفين فيك يمكن وأنا اتقبل النقد من اي شخص إذا كان في مكانه واعتذر عن كلمه قلتها ولكل شخص يرى إني اسآت له...
2- البنت اللي في المقطع الله يستر عليها وعلى ابوها وامها مالنا علاقه فيها يهمّنا ماتشارك به المنطقه أن يكون فوق مستوى النقد ... لايهمنا أخذ المركز الاول بقدر مايهمّنا تكون المشاركه مشرّفه ...ياأخ فهد في اختيار ملكات جمال العالم رغم إن التشبيه بعيد لكن اوضح لك احينا يختارون (فرخه)يمكن ماحد يرضى يستقدمها شغاله في بيته ...
3- بطرح عليك سؤال انت وكل من انتقدني على القصيده:أكثر الحفلات في الصيف تقام في رباع في قصر الاجيال والجيل عندكم إستعداد تجيبون بنت أو ثنتين بعمر اللي في المقطع أو اصغر مافيه مشكله يرقصنه مع إن حفلات القصور ليس لها حضور كما في الجنادريه جاوبني على هذا السؤال فقط؟؟؟ وانا اكتفى هنا ماعد عندي اي كلام اضيفه في هذا الموضوع...

ارجو من احبتي اقفال الموضوع نهائيا ونبقى احبه واخوان وارحام واقرباء واصدقاء
ومشاركة الباحة انتهت بخيرها وشرها . نحن نشجعهم وننتقد الخطأ اذا حصل
انا شخصيا والله ما اطلعت على الفديو اللي فيه البنت لكن سمعت انها نزلت وسط العرضة
الاخ فهد بين الحقيقة انها من خارج المنطقة وان اهلها هم اللي شجعوها للمشاركة
انا اقول اصطفقوا عقل ابوها وامها كان انتسموا هم وبنتهم ماحد شره عليهم وكان المفروض
من القائمين على مشاركة المنطقة منعها وعدم السماح لها كون هذا الفعل لايمت الى تراثنا بصله
اتوجه بالشكر الجزيل الى رئيس واعضاء فرقة الجمعية المشاركة لهذا العام ونقول لهم مبروك المركز الاول للعام الثاني على التوالي ونكرر لهم اننا من حبنا لكم انتقدناكم والقادم بإذن الله اجمل .

.

.

.

...

اجاوبك ابشر اذا تبغى جواب العقل

اذا جتنا عروس من قريه ثانيه وجامن ضمن الضيوف رجل ومعه بنت صغيره بنت صغيره
وكان عندنا عرضه وهو قاعد يعرض وبنته معه ترقص

احنا كناس عاقلين اكيد بنتقبل الموقف

اخواني الافاضل الله يعطيكم العافيه جميعا
مريت على هذه الصفحه سابقا شاكره للشاعر ابن الجنوب على ابياته الرائعه التي لا يجيدها الا شاعر مبدع وهو غني عن تعريفي او شهادتي وجميع من مر وعلق اشاد بجمال الابيات ومضمونها وهي وجهة نظر الشاعر التي عبر بها من خلال ابياته التي هي مجرد عتب واضح من عنوان الابيات
ونحن هنا وفي منتدى رباع اعتدنا على حرية التعبير وطرح وجهات النظر ولو حدث بعض الاختلافات فالحترام والتقدير باقي بين الجميع ولا يفسد للود قضيه ومن حق اي من يمر او يعلق ان ينتقد او يبدي ملاحظته او يبدي اعجابه بالابيات ولكن لا يحق له ان يتلفظ بالفاظ لا ترضي الجميع لاي من الطرفين سواء من طرح الابيات او من علق عليها ولا يحق له ان يحول الصفحات الى ساحه لاثبات من الافضل
انا لن اوجه كلامي لاي طرف ولكن اوجهه للجميع ولكم حرية الحذف ولي حرية طرح وجهة نظري وكتابة كلمة حق بكل صراحه ووضوح واتمنى من الجميع عدم المجامله فهنا قسم يفترض من الجميع اداره واعضاء التعاون في ابرازه بالشكل الذي يشرف الجميع فهو قسم خاص بالموروث الجنوبي وجميع شعراءه من نخبة الشعراء يعتبرون اساتذه يتعلم منهم الصغير والكبير ويتخرج على ايديهم الكثير
اتمنى ان اكون اوصلت مافي نفسي بكل صدق وامانه وطرحت وجهة نظري وانا اعلم انها قد لا تعجب الكثير
وربما ينتقدني الكثير ايضا ولكن كلمة حق اسطرها هنا ممزوجه بعبير الورد والجوري مطرزه بعبارات الشكر والثنا ء للجميع
لؤلؤة زهران