نزال القوافي ***** ( قارعه )

الموضوع رائع وفي انتظار ابداعات الجميع ..

ولكن المفروض اللي بدأ الموضوع يبدأ القارعة ..

خلونا نبدأ ياشباب وسيكون التحدي بين الكبار

أبو محمد

أبو تركي

وبين الشباب

أبو خالد

أبو فارس

ونشوف لمن تكون الغلبة وارجو من جيل الشباب ان يبدأ لانكم المتحدين هذه المره ياشباب .

ياخوان شوقتونا للتحدي وكل يوم نشيك على الموضوع

وما في شي

وين ابومحمد وابو تركي وابو خالد والفارس

يالله شدو حيلكم

ابشرو غالين والطلب رخيص

البدع /

القصر ماينطلع من غير سلّم وبيبان

أمّن حدودك في الديرة ترى امّنت حدي

المحكمة ماتطلّع صك ذا مله ديره

لازم يقدم له استرحام يتراحموا له

سلامي لكم جميعاً



وعذراً لطول الغياب بسبب إشكال مع الإتصالات
كما أشكر الجميع لقبول هذا الإقتراح والتفاعل معه

هذا رد على أبو خالد:

سمحان لاجاه وقت الحِمل يظهر وبيبان
يبرك لحِمله برغبة , والثقايل تحدي
ماكل من شاهده يعرف خفايا هديره
جهز له الحمل يالجمال وترى حموله

أبو محمد

البندقه ما تصيب إلا برقماً ونيشان

والرامي انكان عنده بندقه قال جدي

عند الذي يشري البندق بحيل وبصيره

مايملك البندقه ذلالاً او ولد عوله

أبو تركي

يامالك القلب لك شاناً مغبا ولي شان

احسبك تمزح معي واثرك في العلم جدي

فدتك روحي ومالي بالعيون البصيره

تذرف عيوني عليه الدمع لا ودعوا له