دق البروقي للوطن .......

السلام عليكم ورحمة الله
تشرفت بالمشاركة في حفل محافظة المندق بمناسبة اليوم الوطني بهذه القصيدة مع تعديل بسيط لتغير الاحداث

دق البروقي للوطن ياشعب قم رد الجميل=وارفع علم رايته عالرايات غير لحالها
راية عقيده بالشهادة دونها سيف صقيل=تشهد لمن شيد شداد بلا عمد تشتالها
انه تعالى جل لا له لا شبيه ولامثيل =ديان يوم الدين لامن زلزلت زلزالها
يوم بخمسين الف عام الله ياهو من ثقيل=.و ياويح نفس جت تشيل اثقال مع اثقالها
صلوا على خير البرايا لأشرقت من عقب ليل=ولا ودعت شمس النهار وبين اضمحلالها
صلى عليه الله ما تقطع مسافه ميل ميل=وعد الغصون الوارفه وعداد فيّ ظلالها
سلام تسليم السحب لاساقها الغربي بسيل=تضحك​ مع لمع البروق وتعلن استهلالها
العلم خير ودارنا في خير والحاسد ذليل=نعمة​ عسى الله لايغيرها بغير احوالها
ايماننا نتوارثه بالله جيل بعد جيل=والا​من عم وزمرة الفتنه تجر اذيالها
زمرة تسوق افكارها العوجا على غير الدليل=وناس​ تلقاها بجهل عقولها وهبالها
هم مادروا ان المملكة ظل لأهاليها ظليل=ديره ثرى قبر النبي والبيت بين جبالها
ديرة ابو متعب عسى عمره في الدنيا طويل=الله​ يرحم والديه ووالدي من قالها
له بيعة من دونها لا نستقيل ولا نقيل=وسود​ المنايا لا اقبلت بأرواحنا نسعى لها
من بحر جده لين ما توصل الى بحر الجبيل=ومن حد نجران الجنوبي للشمال رجالها
انحن عصاته لاعصى العاصي ويبغى له صميل=وانح​ن عماة عيون عدوانه وليل اهوالها
من قدم الحسنى نجيه بالحسن والفعل النبيل=واللي​ يجي بالسيئه نجزاه عشر امثالها
عمار يرض(ن) مالها بين الاراضي من عديل=ياكم​ حوالينا بلاد اوضاعها يرثى لها
شوفوا العراق اللي غدت مابين قتال وقتيل=استنعج اهل الحق فيها يوم ساد أنذالها
الطائفيه خيمت وآخر ضحايا في الدجيل=نار يشعللها المجوس بحقد بين عيالها
وهذي بلاد الشام مابين النياحه والعويل=شيخ كبير معتقل وام تصيح اطفالها
بشار في سوق الدما بالصاع يكتال ويكيل=وشبي​حته بأمره عثت وتغطرست بافعالها
ريحه مع ريح المجوس ان ميلت معها يميل=عميل سلمهم مفاتيح البلد واقفالها
ماهو بالاول كان حافظ بوه من قبله عميل=أعطى اليهود الاذن في الجولان باستحلالها
عمر الظلوم اليا انتفش بالظلم في الدنيا قليل=يقصم بدعوه في توالي الليل تم ارسالها
ان ما استمع وانصت لبو متعب يدور له كفيل=لامن لحق روس غدت في سجنها واغلالها
واللي حصل في ليبيا كنه شفى بعض الغليل=ثارت​ على ذاك المريض بحربها وقتالها
بالله ذاك العقل عقل انسان والا عقل فيل=عطل اشارات الدماغ ووقف استقبالها
اسمه غلط لبسه غلط شكله كما قاطع سبيل= روح وريح ليبيا من سيطرة دجالها
وهذي مصر لاهي مصر والنيل ماعود بنيل=فوضى عسى الله في قريب الوقت يصلح حالها
واما اليمن حاله عجيب ولادرينا وين نميل=شع​به مدجج أسلحه بانواعها واشكالها
ياشعبنا وانحن بنعمه حقها الشكر الجزيل=ثمار​ دعوه في ثنايا الوحي تم انزالها
دعا بها ابراهيم ربه واستجيبت للخليل= حنت لموطنا قلوب ورزقها يجبى لها
ماشح ابو متعب حشى ماكان في شعبه بخيل=ياك​م لدينا مالفرص لو نحسن استغلالها
دق البروقي للوطن ياشعب قم رد الجميل=ويوم الوطن ماهو بيوم الا السنين بحالها
بادرالى العليا وناطح دونها نجمة سهيل=العلم والايمان حقق للشعوب آمالها
نقدر نسوي في بلدنا مانشوفه مستحيل= لكن متى..؟ الا اذا ..باخلاصنا قمنا لها
انحن بستر وعافيه مانبتغي عنها بديل=هي زينة الدنيا وبهجتها وروس أموالها
نشكي فساد احوالنا والعمر مقداره ضئيل=أصحى القطر بذنوبنا والأرض تشكي امحالها
لكن طلبنا من سقى في البيد هامات النخيل=انه يسوق السحب شهر ولايقف همالها
هذي علوم الدار وأهل الدار يالجمع الأصيل=فكرة براسي عبر بحر القاف تم ايصالها
تمت وصلوا عالنبي اليا اشرقت من بعد ليل=واليا أغربت شمس النهار وبين إضمحلالها
صلى عليه الله ماتقطع مسافه ميل ميل=وعد الغصون الوارفة وعداد في اظلالها

وسلامتكم

رااااااااااااااااااااااااااااااااااااااااااااائع يابو عبدالله

والله إنك شاعر حقيقي في زمن قل فيه الشعر والإبداع

صح لسااااااااااانك ملايين

ولا تحرمنا من إبداعك وجديدك

تشرفت بمعانقة السحاب هنا

اللهم صلي وسلم على سيدنا محمد وعلى اله وصحبه وسلم
شاعرنا القدير
ذي يزن
ابيات صيغت من ذهب صح لسانك وسلمت يداك
تقبل مروري المتواضع مع اطيب التحايا

حضور فاخر كما هي عادتك شاعرنا المبدع
صح نبضك .. وكل عـــــام وانــتَ بخير ..


تقديري /

المشاركة الأصلية كتبت بواسطة الهجيــــر

رااااااااااااااااااااااااااااااااااااااااااااائع يابو عبدالله

والله إنك شاعر حقيقي في زمن قل فيه الشعر والإبداع

صح لسااااااااااانك ملايين

ولا تحرمنا من إبداعك وجديدك

تشرفت بمعانقة السحاب هنا

هلا وغلا بأخي الحبيب الهجير , وصح الله بدنك وسلمك على مرورك العذب وجميل عباراتك , أعتز بك وبرأيك دائما ولاتحرمنا من نقدك مستقبلا فمن بعضنا نستفيد

هنا نستظل تحت اوراق الشعر
صح لسانك ملايييييييييييييييييييين
وبيض الله وجهك
تعجز الكلمات والشكر ان توفيك ماتستحق
بيض الله وجهك

تقبل حبي تقديري واحترامي

صح لسانك في هذه الرائعه الدرر ولانوفيك حقك أبداع ، تقبل تحياتي

ذي يزن صح لسانك ....

اللهم صلي وسلم وزد وبارك على خير خلقك محمد بن عبد الله
صح لسانك وبدنك ياشاعر على هذه المعلقة النادرة

هلا وغلا بلؤلؤة زهران

بشاعرتنا الرائعة تشرفت بحضورك , وبجميل مشاعرك ,,,
شكرا لك من القلب