يابري حالي

يابري حالي من عنا الشوق برياه
ويا طي عمري كل ماشفت بيته
وياعزتيلي لا بغيته ولا القاه
ويا عل كبدي لا ذكرت وطريته
ظروف تجبرني ولا اكون وياه
اساير الدنيا لعل وياليته
ما كني الا اللي رجا شي ما جاه
والا مبشر في عزآ من رجيته
لا ضاق صدري اقصد الرجم وارقاه
واناطح الغربي ليامن رقيته
ابيه يجلي هم صدرً تمثناه
والا يخفف بالهوى ما عنيته
هذآك حالي من بعد يوم فرقاه
حالي تردى ليتني ما هويته
ممسي وطيف داخل القلب ممساه
واصبحت ادور له معي ما لقيته
اثره سرآ وانا اعرف ويش سرآه
يحسبني اني في بعادي نسيته
نذرً علي لو طول الوقت منساه
لو طال مدت غيبتي ما جفيته
والله يصبّر من زمانه تحداه
ويرد له غاليه ويزور بيته
سوره ضلوع الصدر والقلب مبناه
حوشه وساع الصدر والحب ليته
والله يسامحني ويغفر خطاياه
كانه يظن اني سليت ومحيته .

يابري حالي يابنات عتيبة
الف شكر لك أختي بنات عتيبة

الله الله كلمات قمة الابداع
صح لسانك وعلا شانك وسلمت الانامل التي كتبت هذه الدررالراقيه والرقيقه تقبلي مروري ودمتي بود

بكاااااااااءهذآك حالي من بعد يوم فرقاه
حالي تردى ليتني ما هويته
صح لسان الشاعر وسلمت انامل الناقل ابدعتي في الاختيار والنقل اهنيك على كل هذا ويكفي جروح للمحبين
لك الود ودمتي بود

تسلمووووووووووووووو على الردود