قصيدة بنت حبت شايب

حبيت شايب لا تقولـون لـي ليـه

لقيت عنده ما أبـي العـزّ والجـاه

ولقيت عنده حبّ من قلـب يعطيـه

هو حبّي الاول ولاخر وانـا افـداه

قرب على التسعين لا شـي يشكيـه

سلفه يـدّق بـلا اشتـراكٍ وتحمـاه

مهما طلبتـه قـال حاضـر ولبّيـه

يركض على شاني ولا همّـه شـراه

لو هو لبـن عصفـور لابـدّ لاقيـه

يفرح اذا من قلـت يـارب تجـزاه

وان ضاق صدري بان حزنه بعينيه

ورحت اتمشـى فالبساتيـن وايّـاه

يجمع لي أجمل ورد من نقوة ايديـه

والشوك عن دربـي يشيلـه بيمنـاه

واذا رجعنا البيـت فالأنـس يحييـه

شال الهجيني والرقـص دوم يهـواه

وان كان ابي "ديسكو" فلا هوب خافيه

"البريك داون" يضبطـه مـا تعنّـاه

يا بنـت خـوذي شايـبٍ لا تعدّيـه

خاتـم بيـدّك والمخاليـق بحـمـاه

وش لك بـورعٍ تايـهٍ فـي مفاليـه

امـا سهـر والا دشـاره وبـلـواه

والا فقيـرٍ راتبـك مــا يخلّـيـه

والا غنـي والبخـل دوم بخـطـاه

والا مطـوع وحـدةٍ مـا تكفـيّـه

ولو هي وحيده تنتهي مـن سوايـاه

حتيش لو دينه عـن الغـي ينهيـه

سيارته مـن كثـر كرفـه تشكّـاه

ولا تاخذي شاعرترى العشق يغريـه

يا سرع مـا يقلـب لحـبٍ تحـرّاه

**ولا تقبلي راعي "تـداول" وتشريـه)

**فكره مـع الاسهـم عشيـقٍ وليـلاه)

فالشايب اللـي كبـر جـدّك تمنّيـه

لو قدّر الله مـات فالـورث ذكـراه

من بعدهـا تشريـن زوجٍ وتغنيـه

دام الشبـاب اليـوم فقـره توطّـاه

ويصير لـك ظـلٍ وتيـسٍ تربّيـه

برويتبٍ مثل الموظـف ولا احـلاه

مشكورة يابنات عتيبة ...

والله يخليهم لبعض ان شاء الله...


"ومن الحب ماقتل"

شكرا اخ مثالي على ردك اي الله انك صادق الله يخليهم البعض الظاهر بنا خذ نصيحتها ههههههههههههههه

القصيده في مجملها رائعه واتمنى لكل المحبين التوفيق والسداد وهذه دعايه للشيبان لك ودي ودمتي بود

ههههه
الله يعطيك العافية
سابقى اعزب حتى اشيخ واصبح عجوزاوووردحوااجب

يعطيك العافيه اي والله مو مهم العمر اهم شي القلب شباب هههههههههههههههههه

سلمت اناملك الذهبية يابنات عتيبة على النقل الجميل
وصح لسان قايل هذه الابيات ولقد ابدعت واعترفت بلحقيقة وكما قيل لايعقلها الا شايب
اهني هذا الشايب على حب هذا الفرس التي لم تهجن الا من قبل هذا الشايب
واهني هذه الفرس على اخلاص وحب هذا الشايب لها
هنيئن لهم وموفقة والا الامام 0000

ويصير لـك ظـلٍ وتيـسٍ تربّيـه

برويتبٍ مثل الموظـف ولا احـلاه

الرويتب والسيطره هذا اللي خلاها تحبه عفوا تحب مصالحها ههههه

الا وش عاد ورى التسعين سنه
واغلب وقته نايم متى عاد يمديها تحب حوااجبههههه

مشكوره بنات عتيبه

صح لسانك فديتك وانا اشهد انك ماقلتــــي غير الحق
فديت الشياب والله
حوااجب
واسألي مجربة حت لبن العصفور جاني
غرور انثى
ووورد