يامسهرني وانا يتــعبــني الســهر

وين أنت ياللي ما لغيرك في هواجيسي مكان
......... ولا كتبت الشعر في غيرك لي اكثر من شهر



كتبت لك مالا خطر في بال انسيٍّ وجان
...... اروي غرورك من ضما اعروقي واسيّل لك نهر



واداعب احساسك بحنية واسوي بهلوان
......... ورغم هذا يبتسم قلبك ووجهك مكفهر



اش رايك اقلبها نكت ما دمت مليت الحنان ؟؟
...... طيب خذي هذي عسى تخرجك من هم الدهر



يقول لك: واحد محشش شاف بنوته جناااان
............ كلمها واعدها ولا جاها لانه منقهر !!



يقول انا مدري مواعد وحده الساعه ثمان؟؟
....... وإلا مواعد لي ثمان الساع وحده في الظهر !!



تصدق اني انا مقهوره مثله من زمان
......مدري السهر هو سبّبك وإلا انت سبّبت السهر



محتاره اجي لك في قصايد شعر وحلاوة لسان
....... و إلا اجي في صمت ولساني حلاوة لك مهر



المشكله لو جيت اجي في صمت ما للنفس امان
.......... يمكن تفشلني توافق سر ترفضها جهر



مبدأ وانا أومن فيه موت بعز لا تحيا جبان
......... واجي على قلبي ورغباتي وانا عمري قهر



نلعب على قلبي وقلبك من شقاوتنا رهان
........ لعبه شبيهة لعب شد الحبل واجهدت الظهر



نذرت نذر إني ما اجي لك لين مستورك يبان
..........وإن غبت وريتك نجوم الليل في عز الظهر


مـــــــع حبـــــــــــي

الله الله الله ابداع يتجلا في كل بيت من ابيات القصيدة
شكرا يابدويه على اتحافنا بهذه القصيده الرائعه

رائعة من روائعك عسى الله يرعاك كلمات راقية ورفيعة المستوى بدوية الف تحية

الأخت في الله بدوية : ابداع رائع وقمة في المعنى الفكاهـي .
صح لسانك ولك تحية وتقدير واحترام .

المشاركة الأصلية كتبت بواسطة علي السبيَه

الله الله الله ابداع يتجلا في كل بيت من ابيات القصيدة
شكرا يابدويه على اتحافنا بهذه القصيده الرائعه

شاعرنا القديرعلي السبيَه
شكرا لهذا الحضور الزاهي الذي عطرصفحاتي ..

رائعه بالفعل
واسلوب طرحها فريد
الله يعطيك العافيه وكلك ذوق
تسلمين ياالغاليه

اما انا فأحب السهر لأقرأ مثل هذه الرائعة
صح لسانك وقلبك على النقل الرائع والاختيار الاروع

المشاركة الأصلية كتبت بواسطة د.ليل الوعد

رائعة من روائعك عسى الله يرعاك كلمات راقية ورفيعة المستوى بدوية الف تحية

ليل الوعد

كل الشكر لجميل حضورك

المشاركة الأصلية كتبت بواسطة almooj

الأخت في الله بدوية : ابداع رائع وقمة في المعنى الفكاهـي .
صح لسانك ولك تحية وتقدير واحترام .

شاعرنا القدير الموج
شكرا لهذا الحضور الزاهي الذي عطرصفحاتي

المشاركة الأصلية كتبت بواسطة ملك الليل999

رائعه بالفعل

واسلوب طرحها فريد
الله يعطيك العافيه وكلك ذوق

تسلمين ياالغاليه

ملك الليل
شكرا لهذا الحضور الزاهي الذي عطرصفحاتي