العيد

العيد
وين العيد ... وأنتي بعيده
مرت ثلاث ايام ... وبعدك ما هو بكيفك
ادري غصب عليك ...دنيا عنيده
أحس فيك ...اعرف كيف يومك
مثل يومي ... الوقت ما يفنى ابد
انتظر يوم جديد ... يوم التلاقي
بطلعتك بنور وجهك بضحكتك
لكن الوقت يذبحني ... يتلذذ فيني
يضن الوقت إني أعيشه
مادرى إني أبي فراقه ... ما هو وقت ... بدون حبيبي
كل جزء فيه يطعني ... هو سبت جروحي
اكره الوقت دونك حبيبتي ...اسأليني ليه
أقول لك لأن غلطاته عديده
أنتي تعيشين داخلي ... كل شي أنتي
أنتي فيني
أنفاس صدري ... نون عيني ...شراييني
ضلوعي شجوني .. دموعي ... كلامي صمتي
هيجاني هدوئي ... عقلي جنوني ... ذاكرتي نسياني
ملابسي اطيابي ... أشعاري أوراقي .. بيتي حديقتي
جنتي ناري
أنتي كل شي كان أو بيكون
بفعل عينك ... بملامح بوجهك ... بشفتك
بقلبك بروحك بيدك .. بكل الجسد الطاهر
حبيبتي إن كان للكون
أسطورة في الجمال .....أنتي
وان كان للحب مثال ..... أنتي
وان كان للشوق قتال ..... أنتي
وان كان للجنة جمال ..... أنتي
وان كان للحور عين..... أنتي
وان كان للوعد وفاء..... أنتي
وان كان للاسماء اسم ..... أنتي
وان كان لنسمة عبير ..... أنتي
وان كان للشعر قاف ..... أنتي
وان كان للوجود وجود ..... أنتي
وان كان للحب عشق ..... أنتي
وان كان لي حبيبه ..... أنتي
بدونك الوقت ... ما هو وقت
والعيد ما هو عيد ... تعالي أنتي كل شي
لا عيد ... ولا وقت ... ولا حب
أنتي أنا .... تعالي ... ما لقيت نفسي
ضياع أوهام ... احبك ما أبي عيد
تعالي تعالي ....نفسي شريده
مدام أنتي .... عمري وعيده
وين العيد ... مدام أنتي بعيده

للشاعر السعودي

عبدالكريم العبدالكريم