الشايب ومدير البنك

هذي اول مشاركة لي ان شاء الله تعجبكم

كان فيه شايب كل يوم يروح البنك يودع في حسابه 5000 ريال استغربوا الموظفين واخبروا المدير بالقصه قال اذا جاء بكره جيبوه عندي اتفاهم معه

جاء الشايب اليوم الثاني واودع خمسة الاف قال له الموظف المدير يبيك روح له شوف وش يبي منك
راح الشايب للمدير قال المدير ياوالدي اذا معك فلوس اودعها كلها دفعة واحده ولا تروح كل يوم للبنك عشان تودع خمسة الاف

قال لاوالله ياولدي ماعندي شي الا اني كل يوم احصل خمسة الاف واجي احطها في البنك
قال كيف تسوي ويجي لك خمسة الاف كل يوم
قال بالتحدي

قال طيب تتحداني في شيء واعطيك خمسة الاف
قال الشايب نعم
قال وش هو الشي الذي بتتحداني فيه
قال ابوس عيني
قال المدير ماتقدر
قال الشايب حط خمسة الاف وشوف
حط المدير خمسة الاف
قام الشايب اخترج عينه وباسها ورجعها مكانها لانها عين صناعية ماهي حقيقية
راح الشايب ورجع اليوم الثاني يودع فلوس
قال المدير تعال اليوم اما اتحداك واخذ منك خمسة الاف والا اعطيك خمسة ثانية
قال الشايب يالله تتحداني اعض اذني
قام المدير ولمس اذن الشايب لايكون تركيبه بعد فلما تاكد انها حقيقية قال اتحداك
قال الشايب حط الخمسة الاف
حطها وقام الشايب واخترج طقم الاسنان من فمه وعض به اذنه واخذ الفلوس
اليوم اللي بعده جاء الشايب عند مدير لبنك قال شوف اتحداك اليوم بخمسة عشر الف قال وش السالفة
قال اذا طلع كلامي صح ما ابي منك شي واذا غلط تاخذ خمسة عشر الف قال طيب قال الشايب للمدير سروالك فيه نقطة زرقاء قال المدير اتحداك مافيه شي
قال يالله نشوف
قام المدير فسخ السروال الطويل واللي تحته ماطلع فيها شي قال المدير وهو مبسوط هاه مافيه شي قال الشايب تدري خذ الخمسة عشر الف لاني اخذت من ذولا الناس اللي تشوفهم خمسين الف اذا قدرت اخليك تفسخ سروالك والحين اخذها منهم واعطيك حقك0

ههههههههههههههههههههههههههههههههههههههههههههه..
ههههههههههههههه وربي انه فله ...
تسلمين والله على هالقصه ...
بالمرة جووونان ..

مشكورة على مرورك

هههههههههههههههه
حلووووووووووووه

شـكــ وبارك الله فيك ـــرا لك ... لك مني أجمل تحية .

هههههههه
حلوه