مرثية الهمس

يقول الهمس فلبي جاه من كثر العنا ماجاه=هموم تسرق الفرحه وتدمع عين كاتبها
بلا موعد ولا انذارو داهمه الحزن فاجاه=بليله مابها قمرا فجع نفسي وباغتها
خبر جاني بتالي اليل يقول اخوك ودعناه=غديت الوم في نفسي اصدقها واكذبها
نشف دمي من اعروقي ادور دمع ما القاه=تجمد فيني الأحساس وروحي الهم سالبها
بعد مافقت من روعي ذكرته بوم كنت امعاه=ذكرته يوم ودعني ولحظاته اناشدها
توادعنا بعصريه يميني صافحة يمناه=توادعنا وداع احباب ونفسي مع حبايبها
بكيت ابحرقة المؤمن الا يالله الا يالله=تصبر خافقي تكفي وروحي في مصايبها
ابو خالد غدا ماضي وكنا يوم ما شفناه=غديت اصفق ايديني من الدنيا او عجايبها
وزاد الحزن في قلبي عجوزٍ عينها ترجاه=احس ابقلبها ينزف بدمعٍ في محاجرها
غدت من حزنها تصرخ تجر الأه عقب الأه=وتتوكا بعكازٍ شكت له ما بداخلها
بعلو الصوت تصرخ به تنادي كنها وياه=اصبرها واذكرها برب البيت حافظها
اقل يمه انا عندك ودمعي مسرعه مجراه=تقول اشلون تنصحني وعينك ما تقاومها
وضمتني وهي تبكي تقل ماقدر على فرقاه=وقامت هي تصبرني بدمع غصب غالبها
اشوف الكون من دونه ظلام دامسٍ ماقساه=وكن الشمس بالمشرق قريبه من مغاربها
بعد ما الناس راحوا به على كرسي الى مثواه=عرفت انه مفارقنا وروحه عند خالقها
صحيح انه رحل عنا لكن اتعيش له ذكراه=علينا حق ندعي له ونفسه ما نعاتبها
طلبت الله من قلبي يعم ابرحمته وارضاه=على روحه ويسكنها بجنه كان طالبها