يابن الجنوب الرمي ماعنه مدراق(6)

من نبع رباعي مع النبطي
خاص باالاكاديميه
الاخ الشاعر (ابن الجنوب) المبدع هنا وفي الشقر
وشهادتي فيك مجروحه
احببت ان نحاول ان نطوع القوافي
هنا

يبن الجنوب ان ثار بالراس طاروق=قعدت ازين فيه الى وقت الاشراق
اسرح بفكري والشوارد تقل نوق =متفلتاتٍ من عقلهن على اوراق
ان حن بيتي للغزل يروي الموق =ياما شكى وابكى على هجر وفراق
لكن فتل الشعر والنقض مرموق=ابداع يروي القاف الى حد الاغراق
انا عطيتك سلك للوصل موثوق=جديد ماهو ملتمس او به حراق
يالشاعر اللي حي من عهد فاروق=جيتك ورمي القاف ماعنه مدراق

حياك الله وصح لسانك ولي الشرف في مجاراتك ولي طلب العذر على التقصير...

*
يامرحبا حيّاك ياشاعر الذّوق=ماهلّت الغيمه وما لاح برّاق
الفكر فوق الوصف والبيت منسوق=رمي الصواب ومن طويلات الاعناق
فهمت منطوقك وردّيت منطوق=وأقول طيب الشخص من طيب الاعراق
أميل ميل الغصن إلى هزّه الشوق=مالي بروضً ماربت فيه الاشواق
نبتي وفا وأروي ضما عاطش حلوق=لاأتصنّع الكلمه ولاني بسرّاق
انكان (برقا ماأنصفت داعية روق)=لا به دلال ولا فناجيل تنساق

الله الله

صح لسانك ولاحصل قصور
وافي ونقض معتبر
لاهنت
بقيت ياصقرن رقا فالسما فوق =حد البصر ماغمضت منه الاحداق
سباق ماهو بالمواقيف مسبوق=لامن دعيته فز وافي ومشتاق
ينقض بيوته كنها طلع من فوق= بين الخزامي لين مامرجها لاق
جاب الجواب وجاب لي شهد مدلوق=رحب وسهل قلت ياليتها عناق
دلال بن وهيل مع تمر جالوق=من بيت جود وكيفها للهوى راق
ياصاحبي دامك كذا مانت مفروق=دربي طويل وحار به كل سواق