فهد جعدان

المشاركة الأصلية كتبت بواسطة علي السبيَه

اتصل بي الشاعر فهد جعدان وكان له مده
غايب وسئلته عن سبب الغياب وقال انه
مريض وبغى يموت على حسب وصفه من
شدة المرض بدعت له قصيدتين ورد فيها
وبغينا ناخذ عليها قارعه لكن ضروفه ماساعدته

البدع
الحزن له ميل لاجا يافهد للونس بوع
واللي طلع بي على الشفيان ماحدرابي
احسبك تقدر تهد الجدر واحسب تهلموت
واللي يلمّون ماي البحر والاّامن العين
لا تاتفيا وتلقى لك في الفيه حيه

الرد \فهد جعدان
ياصرم حالي مريض وطايح اكثر من اسبوع
ماحد من اهلي نشد عني ولا حد درابي
احسبتها ساعتي قد جات واحسبته الموت
مادام يبقى دواي الصبر وابلاي م العين
اضحك مع اهلي وحباني وانا فيه حيه

البدع\علي السبيه
ما للجرس في خيام الباديه صوت مقروع
البادوي يترك الفيده وهي منح سابي
العين تعصاك لو يارمشها ترف عصّوت
والى ندرت الجلب حل ع الهزل وانتقا اسمين
ماعاد يمديني اترجا السنيين القضيه

الرد\فهد جعدان
وش حيلتي ياعلي في اخوي لاقال مقروع
حلف على ارضيتي والا وهي من حسابي
واللي رشدنا يقول اسكت ولا ترفع الصوت
اللي ورثتوه قبل العين قد راح قسمين
وانا بعد دوبي اطارد ملف القضيه

صحت ابدانكم والله انها قصائد تشرح الخاطر تقراها ماتمل منها