يازين يامن خضبت ايدك بحنّا وحنّيت(عندك ياالشامان)

المشاركة الأصلية كتبت بواسطة الشامان

صح لسانك ياعلي السبيه على البدع الرائع وانه يشرفني ويسعدني الرد عليك
يالغالي كيف مارد الا ارد واتشرف
اتمنى ردي يرتقي الى بدعك الاروع واذا حصل قصور الاجواد عذاره

الرد من ابو رائد=
*=
ياهيل بعد القساوه لان قلبي وحنيت=
ياكملي اتالي الزفره وحني وحني=
واهل الهوى من قساة اقلوبهم مايحنون=
القلب مجروح ماطابت جروحه وحيناه=
درب الهوى من بيمظي سكته مايحنه=

الله الله ياالشامان وافي وصح لسان لين ترضى يامبدع
وانا اللي لتشرف بمجاراتك يااستاذي وهذا بدع جديد
على القارعه وخذني من قيس المعرفه

البدع:علي السبيه=
.=
انا مع اللي من البستان جنّى وجنّيت=
من الثمر كم قطف كفّي وجنّى وجنّى=
واليوم مات الثمر عاد العرب مايجنّون=
ودّعت قطف الثمار وداعي الجنّجيناه=
واقفى زمان الرجاء والناس ماقد رجنّه=

(الجنّجيناه) اقصد جناية الثمار