بيت x بيت..( مسابقة شعرية )

ليه كذا ؟؟؟اوووف

أمسح أبياتي يعني ؟

هههههههه وش بلاك يالطيّب ؟؟؟ هههههههه
صح لسانك ولاهنت ...

قلب الهوى مثل قطعه من ثياب الخيال=
ولو شرب كوثر الجنه تولّع حريق=
يوم إنت شاعر كتبت من البيوت الجزال=
وقلبك أخضر من الواقع وشكلك أنيق=
أنكرت وجه الغزل.. لك حق يأإبن الحلال=
الدايم الله .. ولو ماضي هوانا عريق=
ياما وياما تعبنا بين روح وتعال=
وياما حملنا من الأوهام ما لانطيق=

قدر مكتوب وانا راضيه باللي لنا مكتوب =اراد الله من عنده بعد جمعه يفرقنا

لؤلؤة زهران

الجفن كم له وطيف النوم ما نبّه
حلو الكرى لا هنا السالين .. مالي به
ولامن غفا له دقايق فزّ متنبّه
(من شوفة اللي بحلو النوم أهذري به)
ولا قمت دكّ الحشا دكّاك ٍأسهبّه
آسجّ به عن وجيه الناس وأسهي به
وإليا تورّا لعيني قمت أرحبّه
آفزّ .. لا مرّني طيفه وأهلي به

هانت جروحي عليك وخذتها علكه=
تمضغ لبان الهوى .. والله ولا همّك=
يقطعني الشوق يوم أمشي على سلكه=
ماخفّف الشوق ..طعم الريق في فمّك=
***

( المبدع )

كنت أظن الحب في وسط القلوب
اثر حبك مالي الدنيا علي
دايم مشرق ولا يعرف غروب
منور ونورة تعدى كل ضي
كان حبك غلطتي ماراح أتوب
راح أحبك لو كواني الحب كي
لي فؤاد في هواك دايم يذوب
من عرفتك وأنت عندي كل شي..

همسة شوق < ملطووش

همسة شوق < ملطووش ههههههههههههه يعطيك العافيه

يالاطش أبيات غيرك لطشها جايز=
حتى ولو قالوا الأبيات مسروقه=
إن قلت لي ( ماأبي ) وإن قلت ( مش عايز )=
وإن صرت تحت السماء وإن صرت من فوقه=
مادمت في كل حالاتك أبد فايز=
تفتح لك أبواب كانت صدق مغلوقه=
***

( المبدع )

اسمحولي بالمشاركه..............
هات الوفاء يازين وآنا بوافيــــك
ماللخيانه عندنـــــا قرب وانساب
(الباء)

لو... و....ليت ... وليت هذي مثل لو=
المهم إنّ المكان اللي تركته .. مقبره=
يعني الله لايهين الا إنت ... تكفى ياحلو=
وفّر الكلمه لنفسك وإنت عايش جرجره=
***

>>الله يعاافيك وصح لساانك :cupidarro

هني من عاشر من الناس شرواك
في ذمتي يعيش والراس مرفوع
تبقي عزيز وتعجبني مزاياك
ياللي بيمناك اجزل الطيب مطبوع
عسي البلاوي والمصايب تعداك
تصيب ناس عنهم الطيب مقطوع...