غليل المسمى اتمنى ان تنال الاعجاب

أنا اجاوبك ياعاشق المها غليل بفتح الغين وليس بضمها وهي حمى اهل رباع يقع بين العيص والقمده جبل لو تروحه مره تدمن عليه فيه العتم ياسيدي والتين والحيا ومنظر يهنيك عصريه تتقهوى شاهي فيه وترمي الحراج .. ولي يبغى الحطب يروح يتحطب من هناك .. كان اول محمي لكن الحين الزفلت لاعنده .. كان النشاما ذلاك الأولين ماحد يقدر يندر فيه ولا يقدر ياخذ منه لزه ولا والله ليعزرونه قدام الناس وحصلت مع ناس كثيرين وكانوا يحمونه حتى في الليل ويتكاوفون عليه .. هوه ياسيدي بعيد عن قريتهم وبينه وبين رباع عدة قرى .. لكن سالفته مع الجدان والأولين يقولون ان في بدو مدري اتراك كانوا جالسين هناك وحتلوا هذا الموقع من هيالته ولا طلعهم الى اهل رباع ..وصار حماهم الى مده قصيره ولكن اخذته الدوله وزفلتته .. وغيره من المناطق خذتها لقرى عده والسبب انهم ماتقسموه .. ولا حد يغدي ياخذ منه شي حق عماره قاموا الجماعه عليه لكن الدوله خذته وخذة من عندنا خلقته جبلن وبلادن والله ماحد يقدر يقول كلمه وانا من الناس الي رحته هذا المكان ورميت فيه الحراج واخذنا التين والحطب ..