أكاديمية الحكيم القرشدي

شاعر على مبدا الوفا ماهو ردي= شاعر كبير ..مواهبه متعددة
قصايده جزلة بلحن المنشدي= يطربك جزل الشعر يوم يردده
لا خوف يمنعني.. مصيري في يدي=ماني رقيقاً في مهانة سيّده
لا همني جاهل وناقد مبتدي= ولا حقوداً للخطأ يتصيّده
ومن كرهني ما بيعرف مقصدي= مادام حاقد وش لنا من مقصده
يزعل نهار اليوم .. يرضى في غدي= صغير سن وما بيحرز مقعده
ومن تضايق له شراب مبردي= الى زعل يشرب مياة مبردة
ولكم تحيات الحكيم القرشدي= قرشد مميز في زمان القرشدة

على القوة

داخل هجوم وكأنك تنتقد الناس قبل ينتقدونك .. وأكاديمية .. وقرشد ؟ .. زمان القرشدة ؟

طيب ياقرشد صح لسانك تقبل مروري

على رسلكم يا اخوان
اخوكم قرشد ودّه يتعلم منكم فلا تجفلونه ترونه مطيور
يعلم الله انيه احبكم يارفاقه

يعلم الله ما يحبك هذه القصيده الا شاعر محنك .. صح لسانك يا قرشد حتى يلين راس صميد

الله يحفظك يا نديم القوافي والله يجبر بخاطر مثل ما جبرت بخاطريه
لا وانا اخوك ترى ما عندي حنك حتى اصبح محنك
بعد بعد يالييييييييييييل مطولك

مع اطيب تحية وتقدير لرجال لمنتدى رباع طويلين الباع هذه مشاركة بسيطة لي معكم ومشكورين على ماقدمتموه من مساحة للاعضاء وحبيت بهذه الكلمات . مع اطيب تحياتي معكم اليوم ودوم

..

مابهدي الجزلا من اشعاري هدي = بس الكلام الي ترى مستسردة
خل الجزاله لهل طولات المدي = والقاصرة تاتيك من مستوردة
قال الشمالي .. مرحباُ بك يبعدي = يامال من قفى وشاور لي بيدة
مانجبر القافي على ترك الردي = ومانزبن العادي ولا المتشردة
ماشوم للهزلا واهرول مفردي = والي ضما من حرنا مانوردة
ومن بنا ساسة على جرف الحدي = لايامن النيشان دارة يصعدة
ون كان ساق التين عود امجردي = ماهو غريب الغصن يتبع سيدة
من قال انا عاقل وصفق باليدي = وهو على بعضه توسد مقعدة
مابينت شمسه بليل السرمدي = ون طال به ليله كذا يامقردة
ذي كلمتي تعلو بعلوات الجدي = وكل حلم يموت حدي واجلدة
ولو تزيد النار فالعود الردي = مازاد فيه الطيب حتى اترمدة
والصقر مايشبة كبيرات الحدي = والذيب يبقى ذيب لو بتوسدة
التاجر العاقل يصرف كل دي = لوله مصالح فيه ..ماكان ابعدة
والتاجر الخاسر شرا بالقرش دي = لافادة الديدي وضاع القرش دة

صح لسانك وبدنك ياشاعر ترانا دائما نحب المزح والمداعبة بعيدا عن الرسميات لكنك شاعر متمكن

تسلم يالغالي ......... والأخو لزوم يتحمل المزح الثقيل من اخوة ... ويشرفني ويسعدني مرورك .

احترامي وتقديري للجميع ......