الجوازات : اتصل على ثلاث تسعات اخوي | الشرطة : اتصل على تسعة تسعة اثنين يابوي | وهكذا

السلام عليكم ورحمة الله وبركاته

اليوم بعد صلاة العشا

راح خالي هو وخويه مع بعض يطلبون مطعم من عند الشباك .

لين جاه واحد مخالف ،،،،، تخلف في أنظمة الإقامة والعمل بالكامل

المخالف هذا يشحذ خالي

ودار الحوار بين خالي والشحاذ المخالف (وصديق خالي)
خالي باللون الأخضر
المخالف باللون الأحمر
الصديق باللون البني

جا الشحاذ وطلب من خالي (وخالي وصديقه ينتظرون الطلب من عند الشباك)

- سلام عليكم
[*]عليكم السلام
[*]بالله ياخي انا رجال مسكين فقير محتاج تساعدني عسى الله يرضى عليك
[*]طيب ابشر بس عطني شي يثبت انك مستحق
[*]مثل ايش
[*]مثل اوراق صور .. يعني اشياء ثبوتيه تدل على انك فعلا ً مستحق .
[*]يافلان < يقصد خالي عطه او خله يروح
[*]اسكت انت ، انت ماتدري عن السالفة
[*]هاه وش قلت؟
[*]والله ماعندي شي
[*]ابد ابد؟؟ ماعندك شي ابد؟
[*]لا والله ، انت عطني وخلني اروح
[*]طيب عطني اثباتك ابي اعرف من انت
[*]انا (..) الله يخليك
[*]انت من الجنسية (..)؟؟؟
[*]ايه نعم
[*]طيب ورني جواز سفرك لا هنت اشوفه واعطيك اياه
[*]ماعندي والله
[*]ماعندك شي يثبت ابد ابد؟؟
[*]لا والله
[*]فلان < يقصد خالي ياخي خلاص خله يروح؟
[*]ياخوي انت اسكت تراي بديت اشك فيه

(المخالف هذا انحاش)

وخلال ثواني استلم خالي الطلب

وخالي دخل من جهات خلف المطعم لين لقى المخالف

ويلحقه من مكان لمكان

لين هالمخالف استنجد للهنود والبنقاليه

خالي مسك هالمخالف

وقال له

-انت ليش تنحاش عطني اوراقك؟
[*]ياولدي خلني في حالي اعتقني لوجه الله اعتقني عسى الله يرضى عليك
[*]ياخوي ماختلفنا كلنا نبي نرضي الله ، لكن لكل دولة سيادة ودستور وانت الان في دولة خالفت أنظمة دستورها .
[*]اعتقني الله يخليك
[*]طيب هات شي يثبت لا هنت

(المهم خالي إتصل على 999 الشرطة)

-الو
[*]الشرطة : عمليات الدوريات الأمنية مرحبا
[*]لو سمحت اخوي عندي واحد مخالف لأنظمة الإقامة والعمل
[*]الشرطة : وشلون يعني؟
[*]ماعنده جواز ياخوي ويبدو انه داخل السعودية بطريقة غير نظامية !!!!!
[*]الشرطة : هذا مو شغلنا يابوي اتصل على الجوازات
[*]زين اخوي يعطيك العافية

(اتصل خالي على 992 الجوازات)

[*]الو
[*]الجوازات : الجوازات السلام عليكم
[*]عليكم السلام ابوي يالغالي عندي واحد مخالف من الجنسية (..) مخالف لأنظمة الإقامة والعمل .
[*]الجوازات : مافهمت عليك طال عمرك
[*]اقولك يالغالي فيه شخص معي ماسكه بنفسي... من الجنسية (..) مخالف لأنظمة الإقامة والعمل
[*]الجوازات : طيب وش المطلوب اخوي؟
[*]يالغالي اقولك مخالف لأنظمة الإقامة والعمل تقول لي وش المطلوب؟
[*]الجوازات : اتصل على الدوريات اخوي احنا دوامنا رسمي . اتصل على 4418558 تحويله 605
[*]زين اخوي شكر
ا[*]ياخوي اذا معك اوراق طلعها قبل لا يمسكونك تراك في دولة ثانية غير بلدك وداخل بطريقة غير نظامية اذا ماتملك اوراق
[*]تكفون اعتقوني لوجه الله خلوني ....!!!!!!!

(اتصل خالي على دوريات الجوازات 4418558)

[*]الو
[*]دوريات الجوازات 4418558 : دوريات الجوازات ألوو
[*]هلا اخوي يالغالي عندي مخالف من الجنسية الفلانية ماعنده لا جواز ولا أي ورق يثبت انه وجوده في المملكة نظامي .
[*]دوريات الجوازات 4418558 : اخوي هذا مو عن طريقنا هذا عن طريق الشرطة .
[*]ياخوي الشرطة قالت عند الجوازات والجوازات قالت عندكم !!!
[*]دوريات الجوازات 4418558 : لا ياخوي مو عندنا اتصل على الشرطة .
[*]زين اخوي شكرا

(رجع خالي يتصل على الشرطة 999 )

[*]الوو
[*]الشرطة : عمليات الدوريات الأمنية فلان الفلاني تفضل
[*]اخوي عندي شخص داخل المملكة بطريقة غير نظامية وابي تجي الدورية تمسكه لو سمحتم .
[*]الشرطة : اخوي هذا عند الجوازات
[*]يالغالي اتصلت على الجوازات مرتين للدوريات وللفرع وما افادوني فقالولي ان الموضوع عندكم
[*]الشرطة : لا اخوي مو عندنا
[*]يعني اتركه؟
[*]الشرطة : مو عندنا ياخوي
[*]شف اخوي المكالمة مسجله الحين صح؟
[*]الشرطة : ايه مسجله اخوي
[*]أحب اقول اني اتصلت اكثر من مرة عشان افيدكم ان المخالف..........

(سكروا الخط بوجهي)

خلاه يروح ومن نظراته كلــها سخـــريه

اسألكم بالله لو المسؤولين الكبار في وزارة الداخلية وعلى رأسهم سيدي سمو الأمير / نايف بن عبدالعزيز آل سعود .... انهم عرفوا ان خالي اتصل على هالجهتين

وهو انجحد ..!!!!

تتوقعون بيسكتون ؟

مع الأسف الشخص هذا عربي اللي خالف أنظمة وإقامة بلده الشقيق تركه خالي وقال : للأسف بديت اشك ان الجهتين فيهم فوضى ، ونسوا ان المسؤولين حفظهم اللهم حمّلوهم الأمانة ان يراعون الله ويحافظون على الوطن من كل سوء وضرر .


طبعا منقول

تعليق

لو الدعوى فيها هيئة ؛؛ علي الطرب يارجل ان يجونك زحف << الهيئة ماشاء الله
عليهم خلال 6 ثواني إلا 4 أجزاء يكونون عندك <<< يؤدون عملهم على أكمل وجه <<<<الدعوى
فيها 500 ريال على كل قضية
تدري ليه لأنه يقبضون مقابل كل عملية

طبعا مهزلة

انظروا في ماليزيا يا اخوان يعطونك تاشيرة طويلة ماهناك مشكلة لكن اذا ماغادرت في وقتك تلاقي الشرطة تدق عليك الباب تقول لك ليش ماغادرت عندك محاكمة ويقودونه للمحكمة
وهناك يحكمون عليه باقل شي يدفع 1000$ او السجن وهذا اخف حكم
لو طبقناه عندنا كان ميزانية المتخلفين عدت دخل البترول

مع الاسف اهمال وعدم مراعاة للمسؤليه وخدمه الغير
كل واحد يرمي المسؤليه على الثااني
واذا كانت السالفه مخالفه اومداهمه او فيها هيئه الكل فزع وطاار بالسياره ويمكن فيها وااسطه يترجون بعض عشان يخلون واحد منهم يطلع

مع الاسف الاهمال بدولتنا والا الحكومه ماقصرت بس في ناس ماتخاف الله ولا تراعي الاماانه بكل شي وماينلام الاجنبي يوم يخالف ويلعب بلدنااا لان المسؤليين لسى نااايميين ..


ييعطيك العااااااافيه على المووضوع

دمت بخير .....//

مرينا بمثل هذه الموقف ومواقف اخرى وتوبه ما عاد نبلغ ولا ندلي عن شي سواء ذابح ومذبوح او سارق ومسروق او ...............

مره وصلت لمحطة الصعاق ببلخزمر وانقطع البنزين وناتعتها لين وصلت المحطه ووقفت وجالس انتظر العامل واطالع في المرايه في دوريه امنيه للمرور كامري واقفه في الخلف عند شباب يسولفون المهم الخط شبه فاضي وشوي والا والدوريه يقودها ورع ما يستحق البدله العسكريه يلبسها
المهم حرك الا خ من بالدوريه ويهعطيها مع التقويمه تفحيط وتفحيط

انا انقهرت والبنزين بعد ماتعبت السياره ابي الحقه ورجعت دقيت على 999 قلت ماشاء الله اذا رجل الامن يفحط وبالدوريه اجل لا تلمون المواطن ... ومن حب الفضول عند اللي رد قال وش السالفه واعطيه العلم وفي الاخير قال اتصل على 993 واتصل ونفس الشي قال لحظه احولك وحولني على رقم ثاني واعطيه العلم قال مو تبعنا اتصل على 999 قلت اتصلت وحولوني عليكم قال لا عندهم ما فيها كلام

قلت خلاص الحمد لله انا مصور الدوريه بالجوال فيديو ولحقته وكملت التصوير التقطت اللوحه بانزلها موقع وزارة الداخليه واعلق عاللي صار
اسمع اسمع اقول ..........ز وقفلت الخط
وجتني بعدها ارقام ثابت بس ما رديت غريب الرقم ياصقر

وانا لا سجلت ولا شي بس ارهبهم على الاقل يتصلون عالمندق ويشوفون اللي كان مستلم ويعاقبونه انا اخرعتهم بس على الاقل يعاقب