قصيدة مبتدأ

السلام عليكم ورحمت الله وبركاته
حبيت اشارك معكم في هذا المنتدى الرائع الي استفدت منه الكثير الكثير وادري ان القصيدة دون المستوا لكن وشتقولون مبتدأ وماطرحتها إلا لأستفيد منكم ومن نقدكم

اناجي الليل ليش الخل غايب=ترا والله ماتحمــل غيــابه
ثلاث ايام يجافا النوم عيني =ثلاث ايام تسكني الكئابه
ثلاث ايام جوف الحزن مطوي=ثلاث ايام ملبسني ثيابه
ثلاث ايام ودموعي تناثر =يهون الدمع في حظرة جنابه
ثلاث ايام ياعمري كثيره=ثلاث ايام تسمع لي نحابه
اقسى القلب لكن دون جدوا=وبرد الحب يالليل التوابه
ياراعي الوجه يلي كن نوره=بليله بدر والساري سرابه
جديله ليل تلعب به نسايم =يروح العمر لاشفته نهابه
نهار وليل سبحان المصور=غدا بالقلب ياعالم غدابه
شفاهن حمر معسوله بهرجه=ووسط الجمر ثلجن ياغرابه
وصوتن ويش اوصف ويش=اخلي لحون العود مجارير الربابه
يفز القلب مع ايات ذكرا=وتحن العين لاذكرة خطابه
دخيلك ياظلام الليل قله=ترا قلبي تعذب في غيابه

وسلااااااااامتكم

صح لسانك لاهنت يالمالكي وموفق بإذن الله تعالى روعة
بوجودك يالغالي واصل وبالتوفيق إن شاء الله تعالى .

وانت سالم وغانم يا المالكي وصح لسانك يا النشمي
القصيدة كبداية في مجملها طيبة وانت لديك الموهبة
واعتقد انك تحتاج الى قراءة الكثير من كتب الشعر
والاطلاع على دواوين ومحاورات الشعراء الاساتذة
هنا في الاكاديمية لتتعلم منهم فن الوزن والقافية
اتمنى لك التوفيق

ثلاث ايام يجافا النوم عيني

خلها :

ثلاث ايام جافا النوم عيني

لحون العود مجارير الربابه

خلها :

لحون جرها قوس الربابه

غير كذا فالقصيده رائعه رائعه والله يالمالكي واذا كانت بدايه فهي تختلف عن كل البدايات

صح لسانك والله

اخوى المالكى بداية موفقة جدا وتنم عن موهبة رائعة نتمنى لك مزيدا من الارتقاء فى عالم الشعر والشعراء

رائع يالمالكي وبداية موفقة

أنا معا ما ذكره الأستاذ الهجير بالإضافة الى إنك أكثرت من ذكر ثلاثة أيام فلو حاولت أن تضع مكانها كلمات أخرى ستدعم النص الشعري وأنا أجزم انك مع الاستمرار سيكون لك شأن في عالم الشعر

أتمنى لك التوفيق

السلام عليكم ورحمت الله
أخي المووج اشكر مرورك والله انه شرف لي
استاذي صقر الجنوب اشكرك على مروورك الشكر الجزيل باذن الله اكون عند حسن ضنك
استاذي الهجير اشكرك والله تعديلاتك زادت النص روعه وكلها في محلها ومشكور على مرورك
د.ليل الوعد اشكرك على المرور ونتمنا الخير للجميع
استاذي عبدلله اللبيدي اشكرك وانتقادكم في محله وعلى راسي انت واستاذي الهجير ومشكور على المرور

بداية تختلف عن كل البدايات تعتبر ناجحه بكل المقاييس وقصيده فوق المستوى
قافيتها جميله ومعانيها رنانه واتوقع سطوع نجمك في سماء الشعر قريبا جدا

السلام عليكم ورحمت الله
أشكرك يااستاذي علي السبيه والله اني انتظر مرورك وتقييمك لنص وشهاده وسام على صدري وردك بحد ذاته قصيده واشكرك مره ثانيه

هلا وغلا بأخوي الكريم : المالكي ..

الحقيقة تشجعت كثير أتواجد لأن المنتدى لكرام فحضرت أحييهم أحيي المالكي وأقواله وليتك تتقبل مني مجاراة القصيدة بقليل مما لدي ..

والعذر على القصور يالربع ..

سلام الله على شاعر جنوبي
أشوفه قد بلغ حد الخطابـــه
أهلي به وأقـــــول الله حيــه
لمثلك بس نقول أهلا هلا به
وأنا جيتك وشاعر لي مكانة
أرحب ثـم أقــــول الله جابـــه
وإذاشاعر حضرفالهيض يسري
خصوصا لا بلغ حد النجابــه
تجرعنا الهوى لين انكوينـــا
ومظلوم الهوى محدٍ درى به
حدودك في الهوى ماهي بكيفك
ولو قلبك وصل حد الصلابه
وأنا أشوفك على حد المنايا
عشان الحب ذا تحسب حسابه
ترى ما هو هنا ولا سعادة
من أهواله تحسك وسط غابه
هلا بالمالكي واللي يقوله
وأنا والله جيت أنوي انتخابه
وأكرر لك تحياتي وفخري
كلامك مثل سيفٍ في نصابه
تحياتي لكم يا أهل الكرامة
رباع اللي لهم قدر ومهابه


مع التحية للكرام في هذا المكان الرائع ..