ღ•:*¨`*:•.ღ أخترت انا الباحه ღ.•:*`¨*:•ღ

صح لسان الشاعر عبدالله بن عايض القنيزعي الغامدي على هذه القصيده الرائعه
وصح بدنك ياشعلة المنتدى ياغامديةvip وشكرا على نقلك لهذه القصيده للمنتدى

يالله يالله ياللي كلنا نرجوه ونخاف= تغفر لنا الذنب يامعبودنا يوم القيامه
لاختار كل من أبناء المملكة في الصيف مصياف= أخترت انا الباحه وبااقول كل له مرامه
الباحه اللي منحها ربنا مشتى ومصياف= فيها الجبل والسهل والقاع والخبت وعدامه
والجو فيها لطيف والزهر من كل الاصناف= مويه وخضره وحريه وعفه واستقامه
والخضره اللي كست رؤس الجبال وكل مشراف= والماء نظيف بوسط الصخر يعمل له علامه
ولاشجار فيها يمايلها الهوى في كل الارياف= عرعر وعتم وسدر وسمر واشجار البشامه
والامطار تهطل على طول السنه وا بلاتوقاف= وفيها الضباب الذي يعجبك سيره وانتظامه
وفيها عطور طبيعية بسطح الارض تنشاف= برك وكادي وريحان يسقي من كظامه
وأميرها محمد بن سعود صاحب عدل وانصاف= ونائبه فيصل حبيب الكل مرفوعاً مقامه
وسكانها غامد وزهران أهل عادات واعراف= عاداتهم مايحبون الضعافه والرخامه
رجــالهم عادته في واجبه حسن التصراف= ويباشر الضيف بالترحيب بعد الابتسامه
فبنصحك مني نصيحة طيبه ياكل مصطاف= بالصيف رح للسراة وفي الربيع انزل تهامه
وأن كان تبغــي نخيل طلعها في كل مخراف= انزل لواد العقيق ارض الأصاله والشهامه
وأن كان تبغي الفياض اللي جميله مالها اوصاف= انزل الباديه دار الضيافه والكرامــه
تلقى حليب الابل اللي حالياً ماهو بينعاف= حليب خلفات ترعى عشب ماحوله قمامه
ارجوك لاتروح للخارج ومكسبك التحساف= وتندم على ما صرفته من بخاشيش وغرامــه
كم واحد راح للخــارج وبعد التجربه عاف= ولاصدق انه يعود في بلاده بالســلامه
حنا عرب من عوايدنا الوفاء في كل ميقاف= اهل الكرم والمرؤه والشجاعه والزعامه
وحكامنا في بلدنا يحكمون بعدل وانصاف= حكم الشريعه يطبق للسعودي هو نظامه
ونعيش بأمن ورخــاء واحــرار واشراف= واللـي يحاول يفـرق صفنا نرفض كلامـــه
واللي بيمشي عـدل في سيرته ماجائه اخلاف= واللي يخون الوطن في شرعنا يلقى عدامه
واختم كلامي بذكر الله عدد من حج وطاف= وصلـــوا على المصطفى شفيعنا يوم القيامـــه