وقفات الجمايل والوفاء

مدخل :
الصداقة كنز الحياة ...
والصديق الصادق ( ليس وقت الضيق ) بل تجده بجانبك في سرائك وضرائك وجميع أوقاتك ....
واقع لابد منه :
بعد 33 عاما من الخدمة والخبرة في سلك التعليم اتخذت قرار التقاعد المبكر والحمد لله ...
وفاء سريع وغير مستغرب :
أخي وزميلي وصديقي فارس الحازمي عرف بموعد أخذي لإخلاء الطرف فأرسل
بيتين شعر من اختياره هما :

لك حق عندي مثل حق الجار وحقوق الشقيق=ما دام لي عين ٍ يداري جفنها عن موقها
إن ما وصلتك لا تنشد لا عدو ولا صديق = أسبل دموعك واعرف إن الأرض ماني فوقها

كان لها اثر في نفسي فأرسلتها لأخي وزميلي وصديقي الأستاذ والشاعر سعيد القرني
فرد عليها بثلاثة أبيات هي :

أخاف لامن رحت ما ألقى لا صديق ولا رفيق = وتذوب نفسي والدماء تيبس بوسط عروقها
واقعد لوحدي واقف أتلفت وأدور للطريق =وأرقب غروب الشمس وأترقب شعاع شروقها
الله معك دربك سفر يا راعي القلب الرقيق=ذق لوعة الفرقا وأنا من كأسها باذوقها

كانت كل الأبيات كفيلة بتحريك القريحة وإذكاء الذائقة فتجاوبت مع أحبتي بنبض قلبي وحبي وقوافي شعري ومشاعري
لكم ولهم ما جادت به القريحة لعله يروق لكم ......

يا صاحبي والعهد فيما بيننا يبقى وثيق=يشبه لما يربط عتيبه برقها مع روقها
اللي يفارق مثلكم ما ظن للفرقى يطيق =ونفس ٍ تفارق وافي الأصحاب تشكي عوقها
والله ليبقى لك بفكري من سناء فكرك بريق=يضوي بفكري مثل ما تضوي سما ببروقها
انته تمثل في عيوني لا بدى بادي فريق = والقاك لامن بان في وجه الحياه فتوقها
ذا هاجس الذكرى يئجج داخل افكاري حريق = الله يجيرك من ظنى الذكرى ولفح حروقها
انت الصديق انت الرفيق انت الفريق أنت العريق=مشاعرك من طيبها يشهد لها منطوقها
البعد مهما طال عن نفح المشاعر ما يعيق=لاشعارك اللي تعتبر مثل العسل في ذوقها
يا صاحبي والصقر من سجنه غدى حر وطليق=حلق على الصيده وهد وسطوته من فوقها
خله يحلق في سماه ويهجر السجن السحيق=واترك جناحينه ترفرف بالفضاء من شوقها
اللي سبح في بحر ما هو كفو غباته غريق = ما يحتمل في سطوة الامواج وقت صفوقها
يزأر أسد في غابته وغرابها ينعق نعيق= وشاعر يغرد باعذب أبياته وحلو طروقها
وأنا أحمد الله لا ذليل ولا ضعيف ولا شفيق=كسبت وقفات الجمايل والوفاء من سوقها
اللي يحاول ينتقص من حقنا خبره عتيق = والله ليطعم غصة الايام قبل يذوقها

مخرج : دعواتكم الطيبة

تقبلوا تحياتي
أخوكم
سعيد بن عبد الله الغامدي
أسير الطيب