محاورة بين حبيب وحبيبته

هي: يعني نويت السفر بتوادع احبابك ...

يعني بدت رحلة الغربة بوجداني ....

يعني بتم انتظر واضيع بغيابك ...

يعني من اليوم بفقد نصي الثاني ..

هو: حبيبتي والله اني حاسب حسابك ...

ودموع عينك تشب النار بشجاني ...

غصب علي هالسفر مجبور بسبابك ...

قولي لكل العوذال راح من شاني ...

هي: حبيب قلبي احـــــبك موت واحيابك ...

وابغاك في كل حــالاتك وتبغاني ....

مبغى فلوس وذهب ابغاك بثيابك ..

دامك معي اتحدى الكون بإيماني ...

هو: عهد علي لزرع اجمل ورد بترابك ...

واني لأرويه من دم بشــــــــــرياني ..

تستاهلين العمر والعمر يزهــــــــاك ...

حلفت انا لسعدك كان الله احيــــــاني ...

هي : قول وفعل يابعد عمري انا ادرابك ...

واعرف ظروفك ولكن قـــلبي اذاني ...

ارجوك تعذر غلاي اليـــــــا تمادى بك ...

حاولت أخفي دمــــــوعي بس ممداني ...

هو : من شان هذا الغلا ومن شان اهدابك ..

ومن شان عينك بسافر بك لعنواني ...

بس اطلبي لي أنا واقف على بابك ...

وقولي احبك ويكفي منك ماجاني ...

هي : مليون احبك واحبك حيل واشقابك ...

رح في طريقك مثل ماكنت تلقاني ...

الله يردك لقلبي واتهنـــــــــا بك ...

ومـــاعاد يقدر على توديعك لساني ...