ياخيالي قل هـلا يامرحبـا قـل يـا خيـال
دامها جت فـي مزاجـك لا تخليهـا تـروح
ياخيالـي جـاك مـن وده ينـال الا يـنـال
قلها وشهـو منالـك قلهـا وشهـو الطمـوح
اغتنى فكري بطيفك عاشـق عيـون الشمـال
يوم قلتي له لطيفك عينـي واهدابـي تنـوح
عشتك جنون الأسد لاشاف من حوله غـزال
تسبقه عينـه تلـذذ قبـل ضربـات الجمـوح
مالقيتك في كياني وفي خيالـي لـك مجـال
ورده بفكري وطاري خافقـك طيـب يفـوح
استغفرك يالله.. لقيت الفكر لك شـد الرحـال
ناوي الهجر لوصالك ياخذك صـدرا شـروح
كيف اعيش بدونك الا في جنونـي والمحـال
اخذك بجنون فكـري لا نزيـف ولا جـروح
ان لفيتي ما رخيـت ولا اشـد مـن الحبـال
وان رحلتي في ضلام العشق ما غيرك يضوح
ادري انه ما ملا عينك من اصنـاف الرجـال
غير ابو نايف وتبغينه مـع فكـرك نصـوح
وادري اني ما عشقت الا معك عشق الجبـال
للمطر من بعد بركـان ٍ تفجـر مـن سفـوح
وادري انك للحلا كل الحلا واصـل الجمـال
وادري بطيبة خفوقي وكلك الخاطـر سمـوح
ياهلا بك مكسبي مـدام روحـي راس مـال
ياهلا بك في قصيدي صـادق الكلمـه تبـوح