أنا برويك ياحبي وبضما لـك وبشـرب منـك=وبرشرب لك وبروي خافقك ياحـب بعروقـي
وفي جوف الضلوع اللي تودك ياهـوى بدفنـك=واباضمك واعيشك قمرتـي يانـور بشروقـي
وبتحايل على نفسي تـذوق انفاسـك وتدمنـك=واعيشك شوق في صدري وابشتاقك هوى شوقي
وبرخص كل ما فيني لعمـرك وأنـت باثمنـك=تعيش بداخلي مضغه وبأصلك أنت لي طوقـي
تحاصرني بعشقك لـي وتأسرنـي وباعاونـك=على نفسي لانك نفسهـا يـاذوق فـي ذوقـي
تطمني بوجودك وأنـا اشعـر بـك وباطمنـك=انام بحضنك الدافـي واصحـي رق مخفوقـي
وترويني وتضما لي وتشرب مثل مشرب منـك=وتسقيني هنا عمـرك وأنـا بشربـك بشفوقـي
الشاعر
ألم القلم