بن سلمان مـــــــــــــــات

الحقيقة اني مامت لكن يشهد الله لمر علي شهر محرم هذا بكل عنف (اللهم لاطيرة ولا تشائم) لكن حقيقة انها لتوالت المصائب علي في ذالشهر بكثرة واخرها حادث البارحة ببرحرح وسلمت والحمد لله وعساه اخر الشر. فهيضت علي القريحة واقبلوا المتيسر والي بيرد حياه الله

البـــــــــــــــــــــــــدع

مدري على من تقوم الشيمه وعلى من تهون
ليتها ماترتحل وينكد العيش الرحال
الشيم سيلاً ومن بعده يديس الما نحي
لو نمت بالغرس ماظني يبنسى الما نمات
ونحن لو نقطف الريحان ماظنه محرم
له شذا نغمظ عليه العين وشذاً نحسبه

الحمدلله على سلامتـك وطهور ان شاء الله

وصح لسانك عل الابيات الرائعه

اولا مساك الله بالخير والحمد لله على سلامتك ياخوي والمؤمن مبتلى والله يجعلها اخر المصائب
ثانيا هذا الرد على قد المعرفة واني مستعجل لا احد يسبقني عليه

الرد من اللبيدي

كلنا في حكم رب العرش الاعلى منتهون
بعضنا عاش النعيم وبعضنا في شر حال
يالله اني احمدك مادام ان بن سلمان حي
ابيتكدر خاطري لوقيل بن سلمان مات
والمقادير ابتجينا في صفر ولا محرم
لا تقعد لا مر شهر ن قلت وش ذالنحس به

البدع:علي السبيه=
.=
كلنا ياشيخ عُرضه للمقدر والمنون=
ياعسى عمرك يطول ولا يجي شمسك زوال=
ياشاعر في منهجه يشبه للشعر المالحي=
ابن سلمان الذي يحكم نضام القافيات=
الكريم الوافي اللي في ميادينه مقدم=
ياالله ياربي تجنبه الوقوت المنكبه=

الحمد لله على سلامتك يابن سلمان وما تشوف شر والله يجعل ايامك كلها رغد وسعاده ..
وصح لسانك على هذا البدع الرائع ..

وصح لسانك يا لبيدي على هذا الرد الوافي اللي جى بكل تأكيد على مافي خاطر بن سلمان ..

تحياتي للجميع

حياك الله يابو طلال وشرف لنا جميعاً ان تكون معنا في هذه الرباعية

المشاركة الأصلية كتبت بواسطة بن سلمان

حياك الله يابو طلال وشرف لنا جميعاً ان تكون معنا في هذه الرباعية

.................................................. .............................
تسلم يابن سلمان والحمدالله على السلامه والشرف لي طال عمرك
في مجاراتكم خاصه وجا معك الشاعر الكبير اللبيدي وانا اعتبر نقطه
في بحوركم الغزيره

الرد / برق الجنوب=
....=
لا يهمك يا علي هرج القوافي والمنون=
انسها يا صاحبي فكة مقاعد والزوال=
الذي عطشان ما يروى بماي المالحي=
وانت لا تنظر لهرج الشامتي والقافيات=
الاوامر واضحه هذا عقيد وذا مقدم=
والجندي ما يحتمل رتبة ملازم منكبه=

هههههههههه والجندي مايحتمل رتبة ملازم منكبه طيب يابرق الجنوب شرفتنا حياك الله

البــــــــــــــــــــــدع

ياعلي باح المطر واهل القوافل منيخون
والابل متعوده من طبعها تبغي رمال
من يدور للحيا في واديً مايستحي(مايستحي ماينبت به حيا)
ياحليل الحادي الي مامعه غير العصاة
كان عايش قبل يحداه الزمن في خير ونعم
وبلش في وقت ماله لانظير ولا شبه