قصائد (البصمة)

	بسم الله الرحمن الرحيم السلام عليكم ورحمة الله وبركاته (قصائد الشاعر عبدالواحد الزهراني "]( الرواتب ) يا الشماغ الحمر لو كان حتى السماء تمطر ذهب = خل ما دمت حـيالله موطـن وحـيالله موظـف = لا زواجـه ولا بيتـه ولا موتـره مـن راتبـه = الرواتـب لتسديـد الفواتيـر تسديـد القسائـم = والذي ما معه في جيبه ريال ما يسـوي ريـال = واحنا وش عندنا غير الرواتب وكم حد الرواتب = الرواتب كما نافورة المـاء مايهـا منهـا لهـا = هذا حال السعوديين عيشـة فقـر وبلـد غنـى = ( زهران ) أنحن زهران يوم الخيل يحضا بها رزم الرجال = ولدنا ينقل الرايـة ومـن نقلتـه فيـه الكفايـة = والله انـا لبـاس الفهـد للحـرب والا لسـلام = ود راع المنا يوصل ويبلغ للناس ما درت بـه = ما نضيع لوازمنا ولا نقطـع الحبـل المتيـن = ما كسابنا المعارك بالغنانـي وزيـر الداخليـة = الا بالبندق الغالي وذيـك السيـوف المنصبـة = ( البوسنة ) الذي مسلم دينه على نهج دينـي صـار اخـي = ديني يفرض علي آمد كفي لجاري وانصر آخي = حتى لو نفقد الأرواح في نصرهم ما شي غبون = واخوتنا في بلاد البوسنة تغتالهم حرب العقيـدة = والنصارى بعوا يستبدلون المنـارة بالصليـب = واتحاد الدول يعقد لهم مؤتمـر ومجالـس امنـا = واثر ذيـك الـدول يالله لهـا تحتمـي قواتهـا = وعلى كل مسلم مانعيـن الحـزام وحاضرينـا = والذخيرة تصل للصرب واعوانهم من كل صوب = أبشروا فان نصر الله موعود نصر بعد صبرى = وابشـروا بعـد عـون الله بمداتنـا وبغيثـنـا = قوة الصرب والكروات يا كم قتيل شنعـت بـه = كيف نصبر على وحشيـة المـوت وشنوعيتـه = ( اهل المناصب ) خافوا الله فـي اهـل الله ياهـل المناصـب والرتـب = مـن معلمكـم استبعـاد الاحـرار واولاد الحـرايـر = ماهـم اولاد تسـع اشهـور وعـيـال حــواء وادم = قولوا لي كيف صار الشعب في خدمة اصحاب المناصب = والمناصب كما يقلـون فـي خدمـة افـراد الشعـوب = لو تذكرت ذل العدل مـا عشـت فـي عـز الولايـة = الـذي ثبتـه جـرت قلـم تمسحـة جــرت قـلـم = لو دريت ان كرسـي المشاهيـر دوارا علـى اسمـه = ان عـرش الله الباقـي وعرشـك ذراعـا فـي ذراع = لـو قريـت ايـة الكرسـي ولقمـان وايـت بعدهـا = كرهـتـك المنـاصـب وارتباطاتـهـا وعروشـهـا = ( التاريخ ) يوم كل هجع في مهجة النوم رحت أقرى كتاب = في سطوره بقية مجد واثار من تاريخ ضايـع = من هنا لا هنا متناثره مثـل حبـات الغبـار = عشت حلم امبراطورية الروم وايوانات كسرى = قبل نصبح رعاع في حكومة هرقل وقيصـري = ونهزاميت الفرسان ذات الصـوراي خلفتهـا = لولقي ما لقينا جف من وادي اليرمـوك مـاه = ساعتها قلـت للتاريـخ متمرديـن يلمعونـه = يقحمون الحقيقة الواحضة بين كذب وبين زيف = والتهمت إن في عيني من أيام وليالـي قذيـه = انطوت في جفون العين وأخرجتها واذرفتهـا = ( أسعار البترول ) كلها منك لولاك انت ما عندنا شـيء اختلـف = كلها منك يالبتـرول والا فمـا كـان انتقدنـا = ما يكن مجتمعنا خيمة وبيـر بتـرول وجمـل = يدم اجدادنا المدفون يا مرخصة ينبـاع دمهـم = يدم الارض ياواقي متى ينتهي هـذا النزيـف = يا من شوهت سمعتنا وطمعت فينـا الطامعينـا = يا من اسقيتنا سما زحاحا قتل فينـا الضميـر = ان قمنا قالوا البترول خذ بيدهم وتعنـزوا لـه = وان طحنا قالوا البترول هدم بنـا ليـن طـاح = يامن هزيت عرش الله بعصيان وقطيعت رحم = يا من عبدتنا الدينار واللحم الابيض والخمايص = يا من اعتقت من يدنا المماليك واصبحنا رقيق = يامن حفظتنا عن ظهر قلب امس كنا وامس كنا = يا من اقسمت لخرجهم من ايامهم صفر اليديـن = ما دام القبه الخضراء ومن حولها العشر المناير = مـا دام البيـت الاسعـد وزمـزم والمـقـام = ما دام انا سعوديين والحكـم بيـد اولا مقـرن = ما دام النور والفرقان والشمس تشرق من بلدنا = ان تجي مرحبا والا فرح غير ما سوفن عليك = ما دام انا سعوديين والحكـم بيـد اولا مقـرن = ما عليك الغبون ولا علينا من الدنيـا خـلاف = ما دام الادمي بأصله وفصله ومعروفه وطيبـة = رح بدولار والا بالف دولار والا رح بـلاش = ما علينا من البترول والـي يصـارخ بثمنـه = ( مونيكا ) يا سبتمبر لو ان الامر لي لحذفك من كل عـام = الله الله يا شهر السخافات يـا شهـر الفضائـح = كل عام تجـدد كانـه اليـوم والا كنـه امـس = كنه اليوم والتاريخ مـا يحكـي الا عـن ديانـا = اطهر العالم الي كـل يومـا يعاشرهـا عشيـر = كنه امس وكلنتون يلزم الصمت في قصة لونسكي = حايرا مثل خصله من شعرها تهفهفـه الريـاح = ما هدفهم ولا عنوانهم غيـر ترويـج الرذيلـه = والا فان الهوى والفحش في طبعهم ما هو غريب = عالم كانه الشطرنج فيه الخساره شـيء عـادي = الخساره بسيطه لـو فقدنـا البنـادق والقـلاع = وانا والناس من حولي على رقعة الشطر انجبتنا = مادام ان اصبعي في مسمعي من يقلي كش ملـك = لعبـة ابليـس والله اشغـل العالميـن بلعبـهـا = ( جنوب لبنان ) ما سمعتم بكذبة عـام اللفيـن مـا حـي ظحـك = قال قايل تراث جنوب لبنان مـن قيـدة تحـرر = قلت ما ظن يتحرر من القيد شي اسمـة جنـوب = الجنوب الذي يظلمة الانسان حتـى عنـد نومـة = ليش مدري ليا جـا النـوم كـل يلقيـة اظهـرة = ليش مدري شمال العالم أعز واغنى مـن جنوبـة = والفلل والعماير مـا يجـي واجهتهـا الا شمـال = صدق يا جنوب لبنان انك اصبحت حر ولا تصدق = اصبر اصبر وفضل الله واسع ونصر الله قريـب = مادام ان احتفالي بك وبارضك يسمـى عنصريـة = يشهد الله ويشهد من بغى يشهـد انـي عنصري = في رايي واحد يوقد لنا في ظلـم الليـل شمعـة = خير مـن مئتيـن الـف ادمـي يسبـون الظلـم = يعني لو سرت في طابور الاقزام وانت طويل قامة = قالوا خارج عن القانون ولا تمرد علـى النظـام = اما تنقص حتـى مستـوى الـروس والا تنحنـي = ( خط الجنوب ) قال ابو متعب الله لا يسامحك يا خـط الجنـوب = كلها جرعه او ثنتين حتين يـروون العطاشـي = وانت عطشان ما تروى على ما شربت من الدما = يقولون ان نهر النيل في كل عـام لـه ضحيـه = واضحاياك يا نهر الشقا والعنـا عـدات الـوف = وامقاتيلك اكثر من ضحايا الحروب وما الكوارث = اسـرة تخطفهـا واسـرة شملهـا يتبعـثـري = كم غلام يقول احرمتني من مناي ومن شبابـي = ويتيم يقل لـك يـا طريـق الجنـوب ايتمتنـي = الدموع التي في العين فجرت منها مـا تحجـر واسفكت الدما واحرمـت الاكبـاد فـي لذاتـه = ( الكبرياء ) يارفيقي تواضع يارفيقي علـى أيـش الكبريـاء = ادري انك جعلت الليل يسود في وقت البـداري = وادري انك جعلت الشمس ترتد من دون الشفـق = وادري انك جعلت البحر مالح وماي النيل حالي = واجتهادك وعزمك يفلق الحـق ويشـق النـوى = وادري انك بنيت القاهره واقتحمت اسوار يافـا = وادري إنك بنيت السند والهنـد وابـلاد انقـره = وانك اللي تعدا خط برليـن ذا فـي دار سينـا = وانك اللي جلبت النصر في حرب تحرير الكويت = غير وانا رفيقك صبغة الكبريا صبغـة بغيضـة = راعي الكبر يا ما سار فوق الصعيد أبغض منـه = أخبـر النمـل كلمهـا سليمـان واتنـازل لهـا = ( العرب ) يا عرب هونوا من قول تحيا العروبه يا عـرب = العروبه طواها كف الاحداث فـي مـا ينطويلـه = وقتلها الزمـان ولفهـا فـي حنوطـن وكفانـا = العروبه غدت سلعه بليا ثمـن واشعـار زايـف = واصبحت كذبت التاريخ من ظمن اساطير الزمان = مر خمسين عام آراقب امتي تعود القـدس لينـا = خدعوني وصدقت ان تحريرهـا بـن اصبعيـن = يا عرب باقي التاريخ يكتب بلاتينـي وعبـري = ثم يكتب على ربطات الاعناق ميـد ان تلابيـب = قبلوا حايـط المبكـى ودقـوا نواقيـس المعابـد = واهتفوا للسلام العادل من المحيط الـى الخليـج = لاتقولـون بعـد اليـوم لبيـك عبدالنـاصـري = ( امريكا ) ياعجوز لها عـن غيرهـا ميـزة الوجـه البشـع = والمساحيـق والمكيـاج مـا زودتهـا الا بشاعـة = ربما تدعـي للخيـر لكـن وجهـك وجـه شـوم = يا عجوز هدفها طمس الاخـلاق واعـدام المبـادي = مثل ما همها تبـدي لـلازواج كـل اربـع سنيـن = ندري ما دامها في الغرب فالشمس تشرق من جهتها = والسـؤال الـذي تلقيـه مالـه جـواب الا نـعـم = يـا عجـوز تغـذي طفلهـا بالحنـان وبالدلايـل = تبغيـنـا كلـنـا خــدام لاهدافـهـا ولطفلـهـا = لكن لا والـف لا والفيـن لا بـل عشـرة آلاف لا = كم دعينا من اعماق المحاريـب واكتـاف المنابـر = ولثمنا الثرى حتـى تحجـر مـن آثـار السجـود = مثل ما ناحة البومة على مملكـة كسـرى وقيصـر = مثل ما ضبح الواوي علـى مملكـة عـاد وثمـود = يقـدر الله يجعلهـا حطـام واثـار بعـد عـيـن = اكبر الغلب لو تبقـى اللعينـة تجـرب سيطرتهـا = والشرف ينتحر والحال يبقى على مـا هـو عليـه = ساعتها يصبح الدم الذي في العروق ارخص من الما = ساعتها يضحك الشيطان من مسمعه الـى مسمعـه = ( ظروف الزمان ) يا ظروف الزمان الله يجزاك عنـي كـل خيـر = اللي لولا خفايا غيهب الوقت واسرايـر زمانـي = ما فهمت الحياة ولا عرفت العدو مـن الصديـق = لو صرفت الذهب واللولو والماس وأنفقت المبالغ = ما قدرت اكتشف معاشر ماسوف تكشفه الظروف = ساعة البسط كنت اعد الأصحاب واغلط في عدهم = وارجع اعد واغلط وارجع اعد واغلط من جديـد = بعضهم قلت وده هذا الإنسـان يفيدنـي بروحـه = ان شاء الله ما تجيني زحمة إلا وهو مني قريـب = والله إني شكرت الوقت لما كشف لي عن قناعـة = حصلته ما معه وجهين لكن معه عشـرة وجـوه = الصداقة مع ذا الجيل مثل السراب اللـي بقيعـه = ينكسر فيه ضوء الشمس ويظنه الظميـان مـاء = راعي العقل في هذا الزمان لا يثق في كم ثوبـه = وش يدريه يمكن قطعة الثوب فـي يـوم تخـون = قولة ما يجيكم باس والحمـد لله علـى السلامـة = ذيك الأيام عنـدي خيـر مـن بندقـه بحزامهـا = ( خفافيش الظلام ) يابلادي عساك بخير والعود في عين الحسـود = فدوتك يا بلادي كل راعي خيانة وأهـل كيـدة = الذي مات واللي ينتظر والذي في ظهـر أبـوه = يامن أوقعهم الشيطان وسط الحبال اللي نصبها = والله أنه بري دين الاسلام مـن مـا يدعـون = دين ألاسلام ينكر مبدى ألارهاب ويدين الجريمة = دين ألاسلام ما يرضى بقتل النفوس بغير حـق = والله أنا سعوديين ما نختلف شعـب وحكومـة = واحنا والفهد واخوانه كما العواد الاخضر واللحا = كل ابونـا جنـود للعدالـة وحـراس يقاضـا = لو رقدتم ولو نمتم يالانذال مـن حـن نايميـن = فجروا كل شيء يتفجر من طرود ومن قنابـل = وازرعوا الرعب في متفجرات الدمار الناسفات = واقتلوا واسرفوا والليل يسير فضايحكـم بثوبـة = يقدر الله يفضـح ستركـم ياخفافيـش الظـلام = مثلو والعبوا نفس المشاهد ونفـس المسرحيـة = تنتظركم نهاية مسرحيـة ريـاض الهاجـري =

	( الخليج العربي ) يا سلامي عدد قطرات ماك الثمينـة يـا خليـج = يا سلامي عدد ذرات رمل الشواطي والسواحـل = يا خليج جمعنا مثل مـا يجمـع القلـب الجسـد = الرياض العظيم ودوحة العز وأرض النصر مسقط = وأبوظبي السعد ومنامة الخير واصرار الكويـت = عربي من أعلى موجة فيك ليـن ابعـد محـارة = لو يسميك بعـض الحاقديـن الخليـج الفارسـي = ( صفر سبعه ) حسبك الله على الـروح التـي حقدهـا فيهـا دفيـن = يالجنوب الـذي لـو قـدروه الخلايـق حـق قـدره = كان حتـى ذراع البوصلـه مـا يشيـر الا جنـوب = الجنوب الوحيد اللـي يجيـة المطـر فـي موسمينـا= واعلى قمة جبـل واقـرب بقـاع الجزيـرة للسمـاء = ياجنوب الجزيرة ضمة احظانك اكثـر مـن رسالـة = جا رجاجيل علم وجا رجاجيل حـرب وجـا ملـوك = والله ما هي بوصمة عار اذا قالوا انـا صفـر سبعـة = أي نعم صفر سبعة ضاق من ضاق ورضي من رضي = تشهد الارض والسبـع السمـوات والسبـع السنابـل = والسبعة تحـت ظـل الله والسبعـة ابـواب العـذاب = انشد الجامعات السبع والقاهـره وارحـاب الازهـر = وانشـدوا هارفـرد وكنبـرج واكسفـورد ومتشجـن = انا فيها حصلنـا عـا الشهـادات وافـاق المعـارف = كـل هـذا ولا نرضـى بمـا دون مرتبـة الشـرف = والغريـب انـا مـا يهزابنـا الاحثالـة مجتمعـنـا = ناس ما عندهم حاضـر مشـرف ولا ماضـي تليـد = مادام ان الغرض قتل المواهـب وتجريـح الكرامـة = نعلبوا واحـدا مـا يحمـل السيـف ويناضـل لهـا = ( مستشفى الملك فهد بالباحة ) كل غبنه تبـرد الاغبـن مستشفـى الملـك فهـد = الميات مـن الملاييـن انفقتهـا واهلكتهـا الدولـه = فـي سبـل انـك تلبـس منطقتنـا ثـوب عافيـة = أثر من ياجيـك يتزهـب لتوديـع الحيـاة الدنيـا = والمريض اللي يوقف عند بابك مـا يـرى الشفـى= تدعي حمل النظام وفي ممراتـك تعـم الفوضـى = وطبيب الجهل يجـري فـي حمـاك اول تجاربـة = واما راعي الكرسي الدوار ما يرعا شعور المرضى = والمرض ما يمـد ايـد الحنـان ومـا يمرضـى = ما انت باللي تبعث الموتى ولا انت اللي ترد القـدة = يـا نديـم المـوت خـل النـاس تتهنـا وفاتهـا = ( مدير المدرسة ) اسعد الله صباحك والمسـاء يـا مديـر المدرسـة = يمكـن انـي تجـاوزت التقاليـد واداب اليـاقـة = لكن الصمت في بعض المواقف قهر واكبـر قهـر = عندي لك كم سؤال اشبعتها صبر وخلاص وصراحة = وانت يرجـع لـك ان جاوبـت او مـا جاوبتنـي = اولا الـى متـى انـت بهـذا السيـاج مسـورنـا = ودي ادفع العمر واتعرف على مدرسة من دون سور = ثانيا الى متى تفرض علينا الثقافـة فـي الاذاعـة = تنتقي لها مـن يقرونهـا فـي طوابيـر الصبـاح = ثالثا الى متى والطالـب الاجنبـي عنـدك مقـدر = والشماغ الاحمر منبوذ فـي مدرستـك الا غريـب = رابعا الى متى نبقـى ملطشـة لطـلاب المـدارس = ساعة انشج راسي بالحصى جيتك اوريـك راسـي = رديت ايدك على جيبك ومديـت لـي حفنـة نقـود = والدراهم ورق واحبار ما عمرهـا تبـري جـروح = امـا تأخـذ قـرار وتعتبرنـا بشـر والا شغبنـا = والا يمـوت الا يـمـوت ويعـيـش الا يعـيـش = يمكن المـوت خيـر مـن حيـاة تخفـظ روسنـا = ( خيري من عدوي ) ليت اخى يذكرون الناس بالخير اذا متنا ومات = انى اسير واسرح بالافكـار والقلـب ضايـع = مدرى من عاد يوفى بالعهود الوثاق من يخون = مابى الا يميل شد الايـام والدنيـاء تجـورا = لا بداء فتنه حتى اللذى يحمل التاج ارحمـوه = والله مادام خيرى من عدوى وتعباتى من اخى = لاخذ اللقمه واعطيها عدوى واخى يبكيى لهـا = ( الضمير العربي ) اصـح يـا نايـم صبـاح الضمـيـر العـربـي = ادري ازعجتك اعذرني ولكـن مـاذا وقـت نـوم = وانت في عامك العشرين من قرنك الخامس عشـر = يعني بالضبط هذا عام الالفين من ميـلاد عيسـى = يعني ان كان ما قمت ابغى افهم متـى ودك تقـوم = يالصديق العزيز الظاهر اني نسيـت انـا عـرب = نصف تاريخنا عنتر وعبله وابـو زيـد الهلالـي = نصف تعليمنا زيد ضرب عمر عمـر ضـم زيـد = لاقامت كـل دولـه تفتخـر بعلماهـا وبعضماهـا = قلنا حنا ربـوع الشيـخ فـلان والشاعـر فـلان = عشنا لا فيزياء لا كيميـاء لا علـوم ولا صناعـة = عشنا لا هندسه لا طـب لاعلـم نفـس ولا فلـك = وحنا في عصر الاستنساخ وارقى جرحات المجاهر = ننسخ العار هـذا مثـل جـده وهـذا مثـل ابـوه انا وياك من حرب التفاعيـل لا حـرب الحداثـه = لكن الغرب من حرب العصابات الى حرب النجوم = ننقـد النـاس والله يـدري بحالنـا وش عنـدنـا = ( الرقص ) كل قلب يحب الرقص لاكن بعض الرقـص عيـب = ود بعض العرب يرقص وهو يبصر الطابور قبلـه = كنه ما يبصر الا صف ثـروات وطوابيـر مـال = يا سعود الليالي دوره أقبل زمـان الرقـص دوبـه = خل شوفك بعيد ولا تقل لي زمـان الرقـص بـاح = رقص بعض الخلايق نقص واما نحن بالرقص نوفي= رقصنا يوم جا الباشـه وحيـدر يقاتـل بالرقـوش = رقصنا بالرصاص وبالسيوف البريعـة والجنابـي = رقصت الموت ماهي رقصت أهل الطرب والدندنه = ( جرح جيزان ) يا سلامي على الجرح الذي كل ما ضمد نزف = يا سلامي على جيزان جرح حضيض النزايف = جرح جيزان جرح من سود العيـون مضيمـدا = أبيض الناس مد لهم يده أخـرج القفـاز منهـا = والمرض علموه أنه مـع ذي فـلان ولا عـداه = قالوا جيناك بالعين البصيـرة واليـد القصيـرة = وانت وش تقترح قال أقترح زيدوا أعداد القبور = لاكن الكون كله ما يسع قبر لو مات الضميـر = شي نحسه وشي ندركه بالعقول وشـي نشوفـه = حولكم طرش والا عمي والا على من تضحكون = كل ما جا مصيبة قلتم الوضع تحت السيطـرة = ( متعب ) طولت غيبت المحبوب وان كان ودي مـا يجـي = صار خوفي عليه أبعد من أبعاد شوقي وانتظاري = وآنا ياما طلبته من سما الغيب وارض المستحيـل = ياحبيب سكن في صومعت مهجتي واطرى بروحي = المعاليق لك واعماق الأعماق لـك والـروح لـك = لا تجي يعلم الله إن هذا الزمـن مـا هـو بمنـا = أشفك أنك تعيش من إضطهاد العمر ما عاش أبوك = لا تجي في زمان الكبريـاء والتخلـف والجهالـه = زمان الاقويا والمال والجاه رغم أنـف الضعيـف = في زمان أهتـزازات الثقـة وانعـدام الجاذبيـة = والمعاصي ونبضات الكباير وغفـوات الضميـر = لا تجي في زمـان الكفـر والفاسقيـن الملحدينـا = ودهم يخلقون أبني آدمي مـن جديـد وينسخـوه = لا تجي بكره يصرخ فيك يستنجد الطفل المشـرد = لا تجي بكره تشهد قهر لبـس النشامـا للحجـاب = زمن يرقب الدجـال مـا يرقـب الاشـر قـادم = زمان الظلمـات اللـي يـردد بعاضيهـا بعـض = إن شا الله إني آنا وانـت ميعادنـا يـوم القيامـه = الرجا في نهار العرض الاكبر وما يرجا قريـب = لا تسل عن أهل العرض لو قدر الله واصطدفنـا = صبغة الحزن في نظرة عيونـي علامـة فارقـة = ( مية عام ) يا بلادي فالك النصر المبيـن وعـز ميـت عـام = فالك التوحيد والمجـد التليـد ورايـة مـا تنـدث = راية لون الخضر والسيـف الاملـح والشهادتيـن = رفرفت وازهق بها عبدالعزيز ارواح جيش الباطـل = وارتفع صوت البشير النصـر لله ثـم لآل سعـود = والجزيره ددت لبيـك يـا حـي النـدا والداعـي = واحنا في زهران لبينـا لا بـو تركـي وبايعنـاه = مسلميـن مسالميـن معاهديـن بالـولا والطاعـة = ما رفعنا رمح في وجه الامـام ولا شهرنـا سيـف = وحنـا مـن قدامهـا بايـام كنـا نحتفـل ونعيـد = ربعنا لما قتل عجلان كانـوا فـي صفـا عجـلان = كانوا يستاقون كاس الموت هم والمستبـد التركـي = بالسيوف وزمهريات الرمـاح وباشهـب البـارود= ليت لك مبد على ارض بالـدم الحنـان صبغناهـا = والا فرحة خيل اطلقها الرعـاد وقادهـا الفـراس = يومها كان السما ما هو سما والارض ما هي بارضا = يومها غاب الشفق حتـى نسينـا صـورة الشفـق = يومها عرش السلاطين ارتعش حتى بـدا ينهـاري = طالته يدنا في اسطنبول واحنا فـي شفـا زهـران = يومهـا مـا زاح مسـراب النجـوم الا جباهـنـا = ( الشعوذه ) رحت لا شيخ في المغرب وسويتلي جلسات زار = جبت له كلما يلزم ويحتاج في ظـرب المنـادل = زيبق احمر لبن عصفور مخلوط بنخاع آدمـي = وحرقت البخور الين همت عظامـي تحتترقبـه = وسمعت النجوم تون والريح تصرخ مـن بعيـد = ودعينا عتاولت العفاريت دولـة والـف قايـد = حسقياييل وشمهروش وآمون والـروس الكبـار = قالو وش عندكم قلنا لنا مشكله فالشرق الوسـط = وأظن المشكله تعنيكم ان كـان فيكـم مسلميـن = قالو لا شك فان المشكله واحـدة والهـم واحـد = لكن ماحد يظن ان العفاريت مـا فيهـم يهـود = فيهم اليهود وأمريكان وايظن عرب مستظعفينـا = كلما فاتحو للسلـم ثغـره دبليـو بـوش أبـى = واحنا ما همنا الا كيف الانسان يفقد نصف عقله = هـذاك انقيـده باحبـال وذاك نركبـه الجبـال = قلت لا باس أنا غلطان والشعوذه ما هي سياسة = قالوا ان السياسية كلهـا شعـوذه مـن شعـوذه = ( حقوق الانسان ) قولوا لمنظمات حقوق الإنسان مـن يبتـزَ مـن = دين الإسلام دين فيه الإنسان محفـوظ الكرامـة = دينه وعقله وروحه وعرضه وماله تحت صون = وانتم مبدآكم القانـون مـا يحمـي المتغافليـن = كان يجدر بكم تقلون هذا الكلام لبيـل كلنتـون = وإلا شيـراك ولا تونـي بليـر ولا يلتـسـن = حيث الإنسان عبـد للغريـزة وعبـد للمكينـه = ماله أي اعتبار مجرد حـروف ومجـرد رقـم = الأنثى عندهم مهتوكة الستـر مبيـوعٍ جسدهـا = بينما فـي بلدنـا عزهـا الله تعلـى بالحجـاب = أصل الإنسان فينا خلق أكرمه جبريل وسجد له = واصل الإنسان في قانونهم قرد يا حي النسـب = أي ورب السماء لو كان في الغرب للإنسان قيمه = ما يكن من كسر غصن يساوى بمن ذبح أدمـي = وين هو حق سود ينزفون اضطهاد وعنصريـة = ما لهم ذنب في دنياهم إلا أنهـم سـود الجلـود = وين حق أربعه مليون متشردين بـدون ملجـا = في فلسطين محرومين من حق تقرير المصيـر = اللي بيته زجاج لا يرمي خصومـه بالحجـارة = فاقد الشي لا يعطيه والضرب في الميت حـرام = بالله لا تحرقـون أكبـاد الإنسـان بإنسانيـتـه = ( الوراثه ) لاتفكر في المستقبـل أن كـان مالـك واسطـة = اصبح العلم والتوظيف حكر على الناس المهمـة = قلي من بوك وأقلك من اليوم واش باقي تصيـر = الغني ما يزيد ألا غنـى والفقيـر يزيـد فقـرى = ناس فوق السحاب وناس يحبون من تحت التراب = ابشر باسم يهز السوق اذا انك ولد راعي تجارة = وابشر بالمنصب المرموق اذا ابوك راعي منصبا = غير من للفقارى والمساكيـن والنـاس الغلابـة = بعظهم ما ورث من بوه غير الصلع والسكـري = ( وزير المعارف ) ياوزير المعارف يـا معالـي مديـر الجامعـة = قلتوا من سار في دربه وصل مير سرنا ماوصلنا = واشتبون أكثر مـن الثانويـة بتقديـر امتيـاز = لا تظنون في يوم وليله حصلت علـى الشهـادة = اثنى عشرة سنه رغبة ورهبة وحيرة وانتظـار = مبغى ابدل دواخين المعامـل بدخـان المعسـل = ولا بدل دروس العلم باوراق بشكـات البلـوت = اعطوني مقعد في الجامعة واقبلوا منـى الوثيقـة = ولا قولو لي انقعها على الريق واشـرب مايهـا = ( ابراج التجارة ) أمس وانا مسافر نـام قلبـي وعينـي وِش غفـت = أو إنّي ما رقدت وشِفت حِلم ٍ من أحـلام اليقاضـا = طِحت في قبضة نكير إبن مُنكر ومُنكر بـن نكيـر = حسّيت إنّ اللبان اللي رِضعته خرج من تحت ظِفري = يوم قالوا لنا وِش تِعرفـه عـن بـلاد العـمّ سـام = قُلت ويش أعرِفه عن جُرّة الخمر عن بيت الدّعارة = والرِّبا والقُمار وغسل الأمـوال والكيـل الطّفيـف = دولـةٍ وِدّهـا تِصبِـح ولايـات والعالـم ولايــا = دولـةٍ تِشعِـل العالـم حـروبٍ وتدعـي للسـلام = كيف ماقول شيخ البيت الأبيض يهودي بن يهـودي = بوش يرسل علينا بوش من بوش الأب لبوش الإبنى = هكذا كُلّما جـاء بـوش جالـه ولـد سمّـاه بـوش = قالوا وِش يعرف المذكور عن قِصّة أبراج التِّجـارة = قُلت وأقسُـم بـربّ البيـت ماهـو بنـا طيّحتهـا = ( ارهاب ) عفوا ياسيدي ياملـك المـال مـا كـان العشـم = كنا في حاجة العشـرة ملاييـن دولار الزهيـدة = ما كنا ناقصيـن يحملونـا البشـر مـا لانطيـق = قلت انا بورة ارهاب وصدقت انما لو تسكت افضل = الشجاعـة الجنوبيـة حقيقـة يوكدهـا الزمـان = بورة ارهاب لكن بورة اخلاق واخلاص ومبـادي = الا بورة لبذل الروح والمـال بـورة تضحيـات = من ينسى كم شهيد كم جريح ومعاق وكم مضحـي= من ينسى عايض الشمراني اللي في الجـو أعتنـا = الدمـا مـا تروعنـا ولا نفقـد الوعـي بسببهـا = علمتنا الحوادث لعبة الموت فـي خـط الجنـوب = والفقر مـا يخوفنـا بتاتـا ولا يعنـي لنـا شـي = ما احنا مليارديرات ولنا الفخـر مافينـا وزيـر = ميتين الف جندي جنوبي فـي الجيـش النظامـي = واكثر من أربعة مليون تحت الطلب جيش احتياط = ننتظر من طويـل العمـر كلمـة يوجهنـا بهـا = ( نهر الحبر جف ) يا اهل الاقلام شقوا صدري إن كان نهر الحبر جف = واسكبوا من دمي في البحر حتى يعود حبر صافي = واخضبوا بالحبر ما فوق وجه البسيطة مـن وراق = وافردولي اكتاب الله واحلف لكـم مانـي بشاعـر = واكتب اسمي وتوقيعي على بصمة ابهـام اليميـن = يكفي إنـي نسجـة لكـل معنـى ثيـاب يكتسبهـا = يوم غيري يجرد عورة الشعر من باقـي اللبـاس = واقـدر آقفـل الدنيـا بالاقفـال وابتـر باسـهـا =

شـكــ وبارك الله فيك ـــرا لك ... لك مني أجمل تحية .

الله الله

جمع فريد للعملاق بن سعود

شكرا لك ياجندب

ويستاهل شاعرنا

اهتمامك

لاهنت

تقديريالعلم الاخضر

يعطيك علي العافيه علي هالنقل المميز والرائع
لا عدمناك