وجهي على كفي له سنين مكبوب - عبد الواحد الزهراني

قصيدة للشاعر عبدالواحد الزهراني

وجهي على كفي له سنين مكبوب= ما غير أهوجس واقرع السن والناب
آكل شبيه اللي على الزاد مغصوب = وأغفي مثل مشفوق في ديرة أجناب
وأبكي بكى طفل(ن) يرى أبوه مصلوب = وأعوي كما ذيب(ن) صعد راس مرقاب
الغبن قبلي دمر بلاد وشعوب = أدري ما انا بأول من يفارق أحباب
كل نصيبه في هوا الغيد محسوب = وفي كل قلب منشب العشق مخلاب
لاهل الخدود الناعمة قسوة قلوب = وتحت النهود الغضة صخور وهضاب
ترف تقول بتطلع الشمس ويذوب = ويذوب الدنيا وهو ما بعد ذاب
وأنا من الحسرة مجرعني الكوب = ممشوقة فرعا جديرة بالاعجاب
خليت وجداني لها كله دروب = وملكتها قلبي من الباب للباب
دلع وشوفة حال في رقة أسلوب = تبدا الحديث تقول تقرا من كتاب
عذرا لها نحر من العاج مصبوب = يشع حتى لو تغطيه بحجاب
وصدر تقول بداخله طير مرعوب = كله وجل لا تنهبه كف نهاب
ووجنة شبيه الشمس في لحظة غروب = تدفن سناها في غياهيب الأهداب
وغرة شعرها باتجاهين مسحوب = لي حركتها ترتجف عكف الأشناب
وجسم رشيق وناعم القد وطروب = الى طرب قام يتلوى تقل داب
دللتها وأعطيتها كل مطلوب = وعز الظهر ورتني نجوم وشهاب
أنظر كما ينظر للأزهار يعسوب = وتنظر كما ينظر للأغصان حطاب
ورّتني أكذب من مواعيد عرقوب = كذاب من قال ان عرقوب كذاب
سوت بقلبي فعل سالب لمسلوب = قلب الظلال اللي نهيته ولا تاب
يا من تقوموا ضد الارهاب بحروب = يا ليت تدرون انها بؤرة إرهاب