ذا حِس طارٍ او ضميرك خفوقهْ بن لعبون

ذا حِس طارٍ او ضميرك خفوقهْ


ذا حِس طارٍ او ضميرك خفوقهْ يدقّ به من نازح البين دَقَّاق
الحيّ هُو حيك وطابت وفوقهْ والدار هي دارك وهذيك الاسواق
يا عبيد خل اللي تشكل بسوقهْ شيخٍ وهو عبدٍ يذكر بالاعماق
يا قلب وان كانت علومك صدوقهْ بينك وبين الدار عهدٍ وميثاق
شرواك ينشد عن مغاني تروقهْ حيثك محبٍّ للمغاني ومشتاق
تذكر بها عيش مضى ما تذوقهْ يا عونة الله يوم تقسيم الارزاق
إلا ولك فيها مقامٍ طروقهْ يا عبيد لبسك ناعم الشاش ورقاق
العبد عبدٍ هافياتٍ عموقهْ ان جاع باق عمومته وان شبع ماق
والحرّ حرٍّ يرفعنه سبوقهْ والبوم يلعي بين الاَسواقْ خفاق
بع بالهجير وصال حيٍّ تشوقهْ دارٍ عساها للرزايا بتيفاق
دار الثنا للي بها والمعوقهْ لو هي عن الدولة على سبعة احواق
دارٍ بها الوالد كثيرٍ عقوقهْ واللي يعقونه مصلين الاشراق
راعي الوفا منهم عميله يبوقهْ تلقاه حلافٍ مهينٍ و ملاق
بأركانها المستور ضاعت حقوقهْ وحقوق داني الجد جت له بالاوفاق
يمسي عريب الخال فيها و نوقهْ ترعى من الوجلا بها نور الاشفاق
يغدي صبوحه في جباها غبوقهْ في نازح البيدا من اللال رقراق
كم جر مصقول النمايم بسوقهْ عليك لبقٍ في مناباه ورقاق
دون العشاير هافياتٍ عروقهْ والفعل ما يعتاض به طيرة الغاق
ما بين شقاقٍ ورافي شقوقهْ وشمات مخلوقٍ وعصيان خلاق
تلقى بها هذا على ذا يسوقهْ الله يعزك و الخواندات بزحاق
يامال هطالٍ صدُوقٍ حقوقهْ يشبه كما ليلٍ على صبحٍ انساق
ياضي كما حرب النصارى بروقهْ يطرب له البهلول منهم ويشتاق
يفتل نداف الطها من طبوقهْ مثل النعام ان ذارهن زول تفاق
ترفا مريضات النسايم فتوقهْ لجبٍ عسى ما في نوِيه بتيفاق
تسوقه الغربي والأخرى تعوقهْ مترادفٍ مبناه طاقٍ على طاق
يفتر عن مثل الدحاريج موقهْ أربع ليالٍ مدلجاتٍ على ساق
وخامس تشوف الدار و الثلج فوقهْ مثل السرير مجللٍ عاد برواق
تلقى العذارى حسرٍ في صفوقهْ ياضي لميع خدودهن مثل الاوراق
بين الطموح وبين من شاف شوقهْ صرعى بها من غير خمرٍ وترياق
تسمع بذا زَجرْ الملك في صعوقهْ قضى القضا وَالتَّفت السَّاق بالسَّاق
عمت مغاني لاهيٍ في فْسُوقهْ يظنها خِضْر بن دابيل و اسحاق
رواد بهُمْ ما رادْ بيضا سحُوقهْ من طولها تمضي على سبعه اطباق
منشي الخيال الى غشى في شروقهْ يحده اللاهب ويغويه براق
كل النجيب وكل ماله يسوقهْ وكل العقب ومن بغا الطيب ما ماق
واللي يرى ضد الوفا ما يذوقهْ يدق به من نازح البين دقاق

واللي يرى ضد الوفا ما يذوقهْ يدق به من نازح البين دقاق



رااااااااااااااااااااااااااااااااااااائع هذا وحده ابدااااااااع



صح لسان من قالها

الله الله يامشهور قمة الابداع
هذا هو مشهور الشخص الانيق الذي لا يأتي الا بما
يناسب اناقته وذوقه الرفيع
في الحقيقه قصيده في غاية الابداع وصح لسان قايلها
ملايين ولا عدمنا وجودك يا استاذنا مشهور

ابن لعبون ياخ علي قايلها
شاعر متمكن ويوسفني فقد سقط سهوا اسمه اقدم لك الشكر
انت وكل متذوك لشعر الحر والشعر النبطي والشعر االفصيح
والشعرالشعبي وشعر الغزل اشكرك اخي علي على المتابعة الدايمه
كما اقدم الشكر لسحايب ا لسراة ولا يفوتني هنا ان اقدم لكم التهنئة بمناسبة
عيد الاضحى المبارك ارجو الله لكم ولجميع اعضا ومرتادي منتدا رباع كل تقدم
وازدهار وارجو الله ان يديم السعادة على الجميع وكل من ساهم ويساهم في هذا الصرح
مشهور

ابن لعبون شاعر كبير نتمنى اضافة المزيد من قصائده يابو مشعل