قـنابلك فيّت البندق وعالزرت فيه

استاذي / عبدالله بن غازي

اذا سمحت ظروفك تشرفني بردك ،،،، تفضل لاهنت ....

البدع / عبدالله يحيى=
ياصحاب الارهاب وش ذا الفكر الاهوج وش انتم !=
ماعاد نقوى على نقل الخُطا من كباين=
عليك يامرهب اهل الدين بدعي ورديت =
قنابلك فيّت البندق وعالزرت فيه =

أبو عبدالرحمن الله يصح لسانك ويعلي شانك
على هذا البدع الغير مستغرب

الرد ربما لايصل لمستوى بدعك الجميل لكن أقبل المتيسر



الأخوان جميعاً كل من مر وعلق لكم
أجمل تحيه وعسى الله يجملنا منكم
لنقول مايليق بكم وبالمنتدى

الــبـــدع / عــبـــدالله يـحــيــى=
ياصحاب الارهاب وش ذا الفكر الاهوج وش انتم !=
ماعاد نقـوى علـى نقـل الخُطـا مـن كبايـن=
عليـك يامرهـب اهـل الديـن بدعـي ورديـت=
قنابلـك فـيّـت البـنـدق وعـالـزرت فـيـه=
الرد/ عبدالله غازي=
ياحلو وش علمكم من بعد غبتم وشنتم؟!=
أقولها بعد ماشفت الخطأ منك باين!=
أعماك عنا هوى الأصحاب بدعي ورديت=
أمسي تكيل الغلا واليوم عزرت فيه=

كل الشكر والتقدير لجميع اخواني الكرام الذين مروا على هذه المشاركة المتواضعه
بيض الله وجوهكم وطالت اعماركم يالنشاما .

صح لسانك يابو محمد عادتك الابداع

~

معي لك بدع مكسر يحتاج تجبير او لحام تصرف
تفضل لاهنت

البدع / عبدالله يحيى=
من خاف وقت الضحى ماظن يأمن عشا أقتم=
ماهو كما اللي نهار الحرب علوى الدخاين =
تعيش ياللي شويت قلوب الاعدى وشعطيت=
ومن يهييك للتعبه على (مكر) هيّه=

أكرر شكري وتقديري الصادق
لكل من مر وعلق
على المشاركه من
الأخوان الكرام
فمروركم
هو محل تقديرنا
وهو الوقود الذي يجعلنا نواصل
للجميع تحياتي .

أبو عبدالرحمن بدوعك تنومسك وتنومس أي شاعر يرد عليها
صح الله لسانك .. إستلم الرد لاهنت

الــبــدع / عــبــدالله يـحـيــى=
من خاف وقت الضحى ماظن يأمن عشا أقتم=
ماهو كما اللي نهار الحرب علوى الدخايـن=
تعيش ياللي شويت قلوب الاعدى وشعطيت=
ومن يهييـك للتعبـه علـى (مكـر) هيّـه=
الرد/ عدالله غازي=
مادام خُنتم عهود الحُب يامِن عشقتم=
ماني بمجبور أحب إنسان ع الود خاين=
وش خذت ياراعي الحب المزيف وش أعطيت؟!=
الا الجفاء وإحتقار الذات والمكرهيه=

صح لسانك يابو محمد ، على الرد الراائع ، الله يبيض وجهك .

اخواني المعذره على القصور ، ودي ارد على كل شخص رد منفرد ولكن لضيق الوقت الآن ارد عليكم من خلال هذه المشاركه ، ومهما نقول لا نوفي بكرمكم وطيب متابعتكم ، الله يطول اعماركم يالمطاليق.

استلم يابن غاااازي...

البدع / عبدالله يحيى=
أبو محمد فواده ضاق من مايزمزم=
أثره حزيناً وداخل صادره علم كاين=
ياهم حطيت في قلبه شرابك وحليت=
وان ضاق عبدالله غازي حيّر الجوء (لجيه)=

الأخوان الكرام
علي السبيه
عاشق المها
فهد قزعه
صقر الجنوب
تسلمون على هذا التواجد الذي يثلج الصدر
وأنا هنا بينكم ما أنا الاطالب في مدارسكم
لاخلا ولاعدم يالنشاما لكم جميعاً أصدق التحايا وأطيبها .

أبو عبدالرحمن صح الله لسانك وعلا شأنك على
هذا النزف الشعري العذب
أما أنا فمخدوم معك من خلال هذه البدوع
التي أتمنى أن أسدد وأقارب معك في الرد
والا العذر والسموحه .. إستلم الرد لاهنت .

الـبــدع / عــبــدالله يـحـيــى=
أبو محمد فـواده ضـاق مـن مايزمـزم=
أثره حزيناً وداخـل صـادره علـم كايـن=
ياهم حطيت فـي قلبـه شرابـك وحليـت=
وان ضاق عبدالله غازي حيّر الجو (لجيه)=
الرد / عبدالله غازي=
يالآيه الخالده للناس ياماي زمزم=
مكانك الله شرف منزله ع المكاين=
من الكلوريد ماعولج شرابك وحُلّيت=
سرك دهى البيلوجيه وحير الجولجيه=

ابو محمد .. الله علييييييك يالشاااعر الراااائع .. اشكرك على هذه الردود . وجمّل الله حالك. استفدنا منك في البدع والآن استفدنا منك في الرد . الله يبيض وجهك ويطول عمرك.
اعذرني على القصور.... ولنا لقاء ان شاء الله .