وين الشعار نبغا نشوف تفاعل في المنتدى

حي الله الجميع

ابراهيم من مثلكم نستفيد انت والدرمحي والرباعيه قرت واسمع

ورد على البحر وان البحر ماله قياس

ون كنت ضميان ورد لك على ماء بعد

احلى من الدله الرسلان مع بن وهيل

وابيض من الشاش ومن البفت وامنشره

ماهي سوالف مع طرقي يعلونها

لاهنت اخي راعي الغنم واستلم الرد

ماني كما اللي قسى ياخي بماله قياس (القسوه)

ما لي غنى عالصديق وباقترب ما بعد

واحاول ابني قصايد بنوها بنو هيل

وازيد في كل معنى قبل ما ننشره

بيوت الامجاد بالقاله يعلونها

طيب طيب


استلم يااحمد الله لايهينك

بغيت لي من هل المشفى سبب والتماس

اربها تبتعد عني عيون الحسد

لكن مافادني الطب الحديث البديل

شكواي لله ياهل الطب والدكتره

لاتمرضون القلوب ولاتشوفونها

الله الله عليكم جميع كلام يخلي ابن آدمي يتمايل من الطرب

استلم يابو خليل الله يعطيك الف عافيه

يا شيخي ان كان في قلبك لظى والتماس

لاتحسب ان الاسد يرضى على ذبح اسد

ما دمت صياد فالبس محزمك والبديل

يشوفك الصيدلكن انت ودك تراه

يا كيف ترمون ضبيه ماتشوفونها

ابراهيم صح لسانك وطيب يا الطيب

الدرمحي من عويدك

استلم يابو خالد وسمع ياسامع


انا افتكر ساكت(ن)في قصة ابو نواس
يرقص عشان العباه ان كان ماذاق(صد)
وباعض الطير راح العش ما جاد ( ليل)
يسا بق الطير برجوله وهي طايره
ولا تطير الصقورالا بجنحا نها

عوافي عوافي يادرمحي ابوخليل ابوخالد راعي الغنم

الله يعطيكم العافيه في الحقيقه امتعتمونا
بدع رائع/ رد اروع / بدع جميل / رد اجمل
واصلوا الابداع الله يوفق الجميع

واصلول الابداع

يادرمحي

ابوخليل

ابوخالد

راعي الغنم

الله يعطيكم العافيه

نحن في انتظار المزيد من ابداعاتكم

سلام عليكم




معذره يالربع



تاخرت عليكم لكن لاني كنت مسافر ولم اتصفح النت لي فتره







عن قريب ساعود ونكمل القارعه







لكم تحياتي