وصية الغويد لأبنه

الأولـــــه يـــــاالله يـاجــالــي الــهـــم --- طالـبـك يــا الـلـي تطـلـع كــل حـالـي
يـاربـنـا تـلـطــف وتـعـفــي وتــرحــم --- قـــدام شــــرح أعـلامـنــا والـمـقـالـي
يـاالله يـا اللـي بأمـرك الأرض تـرحـم --- يــا الله يامنـشـي صـــدوق الخـيـالـي
يــارب قـلـبـاً فـــي المـعـانـي تفـلـهـم --- الأفكـار مـن يعنـاه سـيـن او سـوالـي
من هاجس فـي القلـب ينهـض ويلتـم --- والـعـيـن تـسـهـر طـايــلات اللـيـالـي
والـيــوم يـامـسـفـر بـعـلـمـي تـفـهــم --- وافـهـم جــواب مـثــل عـــد الـريـالـي
هـات القـلـم والـبـوك واكـتـب ونـظـم --- واخـبــر بعـلـمـي طيـبـيـن الـرجـالـي
عـسـاك مــن جـمـع المـخـلات تسـلـم --- بـنـوالـعـز مـبـنــاك كــــب الـهـيـالــي
خـلـك عـلــي ريـــع الجـمـايـل تـقــدم --- مـبـداك خـلـه فــي طـويــل الجـبـالـي
رجــــم لــيــا مــنــك بـديـتــه تـعــلــم --- مـبـنـى الـعــلا ولـكــل عـلـيـا تـنـالـي
رجـــم بـــداه ابـــوك والـجــد مـنـكــم --- مـبـدا الـشـرف والـعـز الأول وتـالــي
خلك مـع الطيـب تـرى الطيـب لـه يـم --- لــه يـمــة ًوبـــه الـشــرف لا يـزالــي
والـــلاش لا تـمـشـي مـعــه لا تـكـلـم --- بيـعـه رخـيـص او زنـتـه مــا تكـالـي
بـنـي الــردى راعـيـه يبـنـي ويـهــدم --- وامـا العـز منـصـوب والـخـظ عـالـي
ضيـفـك لـيـا مــن جــاك خـلـه مـكـرم --- لانــه عـلــى بـيـتـك عـزيــز وغـالــي
بـاشـر لـــه التـرحـيـب قـــدام يـزهــم --- وخلـك علـى الماجـوب عجـل مـوالـي
تـرى الضيـوف انـواع يابـوك واعلـم --- والـعـلـم فـيــد مـشـوعـيـن الـعـيـالـي
ضـيـف تـــرى قـــدره رفـيــع مـقــوم --- تـقـوم فــي قـــدره بـجــود واكـمـالـي
وضـيـف بيـسـر الله والــرزق يقـسـم --- والخـاطـر الطـيـب عـلـى كــل حـالـي
أوصيـك فـي العـانـي إلا جــاك مهـتـم --- ترهـي لـه المـاجـوب قـبـل السـؤالـي
تقضـي لـه الـلازم وفـي المـال تقسـم --- وتشيـل عنـه اقسـى الحمـول الثقالـي
أوصـيـك فــي ربـعـك وبالعـلـم تـعـلـم --- ربعـك هــل الـعـادات واهــل المثـالـي
ربعـك بـنـي عـمـك هــل الـشـور لازم --- لا زمـــت الأشـــوار قــبــل الــدلالــي
تـضـرب بـهـم الأمـثـال وبـهـم تـقــدم --- تنشـي بهـم منشـى الـزمـان الهيـالـي
عـلــى عـــدوك مـثــل سـيــل لـيــا دم --- فــي وادي يغـطـاه مــن كـــل جـالــي
ربـعـك يـسـرونـك إلا جـيـبـت تـزهــم --- حـمـل الثقـالـه عـنـك عـجـلٍ يـشـالـي
الله لا يـــبــــلاك بــــأمــــر يــــنــــدم --- يــاقــاك رب لــــك حـكـيــم ووالـــــي
لـكـن ربـعـك لا تخـاطـي لـهــم عـلــم --- فــي الخـيـر والا فــي نـهـار القتـالـي
أوصيك في الخامس معك يـوم تزحـم --- أوصـيـك لاتنـسـى الرفـيـق الـمـوالـي
خامسـك ليـا نـبـوك قــل تــم قــل تــم --- فــي شــورك ومـبـداك حــالاً ومـالـي
ولا تـطــاوع فـيـهـم الـــلاش الا نـــم --- واحـرص عليهـم مـن هــروج تقـالـي
يــا سـعـد عيـنـك إلا بـديـت إنهـارهـم --- ربــــع عـوايــدهــم دروب الـكـمـالــي
تــرى عوايـدهـم لـهـم حــظ واسـهــم --- واسهـومـهـم عـلـيـا وحــــظً يـنـالــي
أهــل الـشـوايـع فـــي نـهــار يـعـسـم --- عــدوهــم يــاجــي لـعـيـنـه زوالـــــي
الـنـور مبـداهـم فـــي الـلـيـل الأظـلــم --- والــحــق مـبـنـاهـم لــمــرٍ وحــالـــي
خامسك مثـل اخوانـك اللـي معـك ظـم --- ولا تـغــبــي كـــــل عــلـــمٍ بـــدالـــي
والا فربـعـك كـلـهـم لـــك بـنــي عـــم --- ربــعٍ عوايـدهـم عـلــى شـــف بـالــي
بــيــت وثــيــق لـــــه دراج وســلـــم --- بـنـوه عـلـى بـنـو الـعـز مــا يـهـالـي
أوصــيــك تــقــوى الله قــــدام تــاثــم --- واستغـفـر الـمـولـى رفـيــع الـجـلالـي
أد الــصــلاه وحــــج بـيـتــه وصـــــم --- واد الـفــرائــض كـلــهــا لا تــبــالــي
الـديـن والـتـقـوى والإيـمــان تـنـضـم --- وابعد عن اهل الشرك لا قصى مجالي
مــن يلـتـزم بالـديـن ينـهـض ويـلـزم --- يـلــزم حـبــال الـديــن حـــقٍ يـقـالـي
أوصـيــك بـــر الـوالـديـن ورضـاهــم --- خـلــك لواجـبـهـم ســريــع الـقـبـالـي
تــرى رضـاهــم قـبــل غـيــره تـقــدم --- ولهـم عليـك حقـوق فــي كــل حـالـي
واصبـر لهـم واخضـع لهـم لا تزمـزم --- لا بــد مـــن بـعــد الـحـيـاه الـزوالــي
لا بــــد لا راحــــوا تــــرد او تـلــهــم --- تــذكـــر مـحـبـتـهـم وذاك الـــدلالـــي
واصبر ترى ان الصبر له ساس وقيم --- ماضـي علـى ابـو زيـد وبنـي هـلالـي
لا تـامـن الـدنـيـا تـــرا هـــي تـحـطـم --- دنــيــاك فـيـهــا غــبــت وجـتــوالــي
دنـيـاك مـثـل الـنـاوه الـلــي تحـمـحـم --- مــا تـعـرف أيــام الصـحـا والخيـالـي
احـذر عـسـاك مــن المهـمـات تسـلـم --- إحـسـب حـســاب الأولـــه والـتـوالـي
خلـك مـع أهـل الصـدق خطـن منـظـم --- وابعـد عـن ادروب الـردى والضلالـي
وايضـاً حقـوق الجـار يـابـوك تـرسـم --- تــرى عـزيـز الـجــار مـالــه مـثـالـي
أد الــلــوازم عــنــد جــــارك وســلــم --- لا حـــده الـــلازم وعــنــدك يـسـالــي
لا يـنـهـزم جـــارك ولا مـنــك يـظـلـم --- واسمـح لـه الــزلات قـيـس الجـلالـي
ولا تـعــايــب بـــــه شــمـــوت إلا ذم --- بـيـنـك وبـيـنـه لا يـصـيـر إحـتـيـالـي
وإن كـــان زل الـجــار دم الـخـطـا دم --- لا بــد مـــن بـعــد الـمـقـام الـرجـالـي
لا بــد ينـشـر عـنـك الأخـبـار وحـكــم --- لا جـالـهـا بـيــن النـشـامـى مـجـالـي
خـلــه بـعـلـم الـطـيـب عـنــك يتـكـلـم --- الطـيـب لأهـلـه مـثـل نــور الـهـلالـي
واوصـيـك تـقـوى الله والعـلـم يـخـتـم --- يــــا الله يــــاربٍ رقــيــب ٍ وعــالـــي
وختـامـهـا يـــا الله تـعـفـي وتــرحــم --- يـــا الله يامـطـلـوب جـــش العـمـالـي

صح لسان الشاعر وتسلم على نقل هذه الرائعه