قصايد اجمل ماقيل في القهوه

السلام عليكم ورحمة الله وبركاته
أشهر ماقيل في القهوه من أشعار وذلك لما لها من أهميه بالغه جداً عند العرب قديماً وحديثاً ولنكن سبّاقين في هذا الصرح الى تكوين مايشبه الموسوعه في قصائد القهوه التي تعد من عيون الشعر الشعبي مشاركتكم وتفاعلكم يكفل لنا النجاح بإذن الله .
وأبداء بهذه القصيده المشهوره في القهوه للشاعر المرحوم بإذن الله / محمد القاضي .

يامـن لقلـبٍ كـل ماالتـمّ الاشفـاق
من عام الاول به دواكيـك وخفـوق
يجاهد جنودٍ في سواهيـج الاطـراق
و يكشف له أسرارٍ كتمها بصنـدوق
إلى عنّ له تذكار الأحبـاب واشتـاق
باله وطف بخاطـره طـاري الشـوق
قربت له مـن غايـة البـن مـالاق
بالكف ناقيها عـن العـذف منسـوق
إحمس ثلاث ٍ يانديمـي علـى سـاق
ريحه على جمر الغضا يفضح السوق
حذراك و النيـة وبالـك والإحـراق
واصحى تصير بحمسة البن مطفـوق
الى اصفرّ لونه ثم بشّـت بالاعـراق
وصارت كما الياقوت يطرب له الموق
وعطّت بريـح ٍفاضـح ٍفاخـر ٍفـاق
لا عنبر ٍ ريحـه بالانفـاس منشـوق
دقـه بنجـر ٍ يسمعـه كـل مشتـاق
راع الهوى يطـرب ليـادق بخفـوق
واحشه بدلـة مولـع ٍ كنهـا سـاق
بلـورة ٍ منصوبـة ٍ تقـل غرنـوق
خلّه تفوح وراعـي الكيـف يشتـاق
الى طفح له جوهرٍِ صـح لـه لـوق
أصغراقمـوره كالزمـرد بالأشـعـاق
وكبارها الطافح كمـا صافـي المـوق
زلّه على وضحا بها خمسـة ارنـاق
هيل ٍ و مسمار ٍ بالأسبـاب مسحـوق
مع زعفرانٍ والشمطري الى انسـاق
ريحه مع العنبرعلى الطـاق مطبـوق
إلـى اجتمـع هـذا وهـذا بتيفـاق
فصبه كفيت العوق عن كـل مخلـوق
بفنجال صين ٍ صافي عنـه الارمـاق
تغضي وكرسيـه غـدان ٍ لمعشـوق
الى صب فابصر جوهره تقل شبـراق
رنق ٍ تصور بالحمامة علـى الطـوق
شكل غَرَا الفنجال صبغـه كمـا راق
دمّ الغزال الى امّـزع منـه معلـوق
خمر ٍ الـى منـه تساقـى بالاريـاق
وعليه من ماء صافي الورد مذلـوق
راعيه كنـه شـارب ٍ ريـق تريـاق
كاس الطرب واسرور من ذاق له ذوق
يحتاج من خمرالسكـارى الـى فـاق
طفل ٍ يشف شفاه والعنـق مفهـوق
عبث ٍ يعيل ابحُبـة ٍ منـه مـا مـاق
وهو يباهـي باهـي البـدر بشعـوق
في وجنتيه الى غنـج بـارق ٍ حـاق
عجل ٍ رفيفه بالطها الغـرق بطبـوق
سحر ٍكتب مـن حبرعينيـه بـاوراق
خديه صادين ٍ و نونيـن مـن فـوق
كن العرق بخدودهـا حـصّ ارنـاق
نثر على صفحـات بلـورة الشـوق
إلى تبسـم شـع و أشـرق بالآفـاق
نور ٍ يفوق البـدر سحـار منطـوق
والعنق كن المسك والـورس بـراق
ما مشخص ٍ في صدره الشاخ مدفوق
يمشي برفق ٍ خايف ٍ مدمـج السـاق
يفصم حجول ٍ هزه الثقل مـن فـوق
الى صفت لك ساعة ٍ و أنت مشتـاق
فاقطف زهر مالاق و العمـر ملحـوق
فالى حضر ماقلت عنـدي فـالارزاق
بيـدي كريـم ٍ كافـل كـل مخلـوق
والله لو يمشـي شقـاق ٍ بالأسـواق
من الملاء مايمسط الخمـس مخلـوق
هذا و صلوا عـد مـا نـاض بـراق
أو ماشكى الفر قا شفيـق ٍ لمشفـوق
على النبي مـا زج زاج ٍ بـا لأوراق
و آله و صحبه عد ماسيق مسيـوق
--------------------------------------------------------------------------------
ماقال دغيم الظلماوي بالقهوة رحمه الله :
يا كليب شب النار يا كليب شبــــة ..... عليك شبة والحطب لك يجابي
وعلي انا يا كليب هيلــة وحبـــــة ..... وعليك تقليط الدلال الــــعذابي
وادغث لها يا كليب من جزل حبة ..... وشبة ليامن غفى كل هـــــابي
باغ ليـــــا شبيتهـــــــ،ا ثم قبـــــــة ..... تجذب لنا ربع سرات غيـــابي
بنسريــــة يا كليب صلف مهبــــــة ..... لانسنست لياكن به سم دابــي
--------------------------------------------------------------------------------

قصيدة ياما حلا الفنجال للزعيم راكان بن حثلين ،

(( نـص الـقـصـيـدة ))

.:: يا ما حـلا الفـنجـال ::.

يا أبو هلا طير الهوى خبـث البـالالطيـر نـزر والحـبـاري قليـلـة

يالله ياللـي طالبـه مـا بعـد فـالياللي من الضيقـات ينجـي دخيلـه

أفرج لمن قلبـه غـدا فيـه ولـوالوالنـوم مـا جـا عينـه إلا قليلـه

لا من ذكرت رموس عصر لنـا زالشوف الفياض وفقـد عـز القبيلـة

يازيـن شدتهـم إلـى زوّع المـاليتلـون بــراق تــلالا مخيـلـه

يتلون براقٍ سمـر عقـب الأمحـالتلقى التريبـي فايـضٍ غـب سيلـه

يسقى خسيفا والثمان أرضهن سـالمرتـع معطـرة السيـوف الصقيلـة

من جو ساقان إلـى السيـف همـالوينـوش حسنـا والرديفـة هميلـة

فإن قادنا مـن يمـه القفـز خيـاليصبح شديد البـدو عجـل رحيلـه

قاد السلف واستجنبوا كـل مشـوالوالعصـر يامحـلا تخيبـط نزيـلـه

فإن شرف البادي على روس الأقذالوالمال كثر الـزول محمـي جفيلـة

وتكافخت بطبولهـا شهـب الأذيـالومن ضيـع المفتـاح واعزتـي لـه

وركبوا على طوعاتهـم كـل عيـالكل أبلـج يحـري بكسـب النفيلـة

وتغانموا المفـزاع ذربيـن الأفعـالمن قبل سبْـق غارتـه تنثنـي لـه

يبغون طوعة روسهن قبـل الادمـالوتغانمـوا خلـف كثـيـر هجيـلـة

وحال الكمي من دون عطرات الاجهالومـروا ولحقـوا مقحميـن الدبيلـة

واللي تثنوا عقبهـم يلبـس الشـالومـن صـنـع داود دروع ثقيـلـة

لـزمٍ عليهـم علـة قبـل الانهـالومـن غارتـه لـزم يضيـع دليلـه

والدم من قحص الرمك يوشل اوشاليزعج على أوراك السبايـا وشيلـة

هذيك راعيهـا مـن المعرقـة مـالوهذي شكلهـا مطـرق مـا تشيلـه

من وقع كل مقرنسٍ قـد لـه أفعـالوفـروخ صـادن الحبـاري فصيلـه

ياما حلا الفنجال مـع سيحـة البـالفي مجلس مـا فيـه نفـس ثقيلـة

هـذا ولـد عـم وهـذا ولـد خـالوهـذا رفيـقٍ مـا نـدوّر بديـلـه

وليا ركبنـا فـوق عجـلات الازوالوبايماننا حـدب السيـوف الصقيلـة

ما حن نحَسّب لا اشتبك عج وقتـالوتـرَّك صبـي يقتنـع بالفشيـلـة

ياليـت رجــالٍ يـبـدل بـرجـالويا ليت في بـدلْ الرجاجيـل حيلـة

وصلاة ربـي عـد مـا زايـل زالعلى نبـي الحـق راعـي الفضيلـة

شعر الشيخ / راكان بن حثلين
-------------------------------------------------------------------------------
ويقول شاعر آخر في وصف القهوه العربيه ...

دنـيـت لي من غـالــي البن مـالاق

بالكـف ناقـيها عن العـذف منســوق

احـمـس ثـلاث يانديـمـي على ســاق

ريحه على جـمر الغضا يفضح السـوق

وايـاك والنـيه وبالـك والاحــراق

واصـحـى تصير بحمسة البن مطـفـوق

الى اصفرّ لونه ثم بشّـت بالاعــراق

صفراً كما الياقوت يطرب لها الموق

وعـطـت بريـحٍ فاخـر فاضـح فــاق

ريحه كما العنبر بالانفاس منشــوق

دقـه بنجـرٍ يسـمعـه كل مشـــتـاق

راعـي الهوى يطرب الى دق بخـفــوق

لقّـم بدلـةٍ مولّــع كـنها ســــاق

مصـبوبةٍ مربـوبـةٍ تـقـل غـرنــوق

خـله تفوح وراعي الكـيف يشـــتاق

هـيلٍ ومـسـمارٍ بالاسـباب مسـحــوق

مع زعـفرانٍ والشـمطـري الا انسـاق

والعنبر الغالي على الطاق مطـبوق

فيلا اجـتمـع هـذا وهـذا بتيفــاق

صـبه كـفيت العـوق عن كل مخـلوق

بفنجـال صـينٍ زاهـيٍ عـند الارمـاق
.................................................. ................................................
ويقول خلف بن هذال شاعر عتيبه

سوولي الكيف وارهو لي من الدله
البن الأشقر يداوي الراس فنجالـه
كيف لنا نحرقـه بالنـار وانزلـه
واليا انقطع لو ورى صنعاء عنيناله

الله يعطيك العافية
لك مني ما يرضيك

تسلم يالغالي كلك ذووووق

يسلموووووووووووووووو حبوبه