مدونة ونات ونة جنوبية ( أرحب بمشاركة الجميع في مدونتي )

رسالة حب ..
طيب حنون ورقته تخجل النور
وله هيـبة الاحسـاس في قلب لذاع
وفيه الشموخ اللي على الكون مغرور
وفيـه الحنـان ... اللي من الله ابداع
***
حبيت من ربي ولا حدني السور
واهـديـت له كـلي ولازال طـماع
في الحزن احبه حتى لو كنت مكسور
مــا دام هـو للحـب والشـوق فزاع
***
اخاف اغار اهيم له كني مسحور
وان غاب تتلوى على القلب الاضلاع
اثور اتجنن اذا صرت مهجور
الله كم في القلب من هم واوجاع
***
أخطي عليه من المحبه بلا شعور
ما يدري ان الحب ماهوب خداع
ويخطي علي واقول ذا شوك بزهور
حنا في بحر الحب واشواقنا شراع
***
لو غيروا قلبه غدى قلبه اصخور
ما عـاد يمـدي كل قلب له اذراع
الله عطاني بالهوى نقوة الحور
واللي هـوى من جد ماهوب بياع
***
وان كان هو بالحال والجرح مسرور
هذي حـيـاته .. والله ماني بجزاع
يختار درب الجرح من عاش بقصور
ويختار درب الحب من حب الابداع
*******

أرسبه في الحب
ان شفاني الله من عشقه وشوقه
أرسبه في الحب مهما يختبر
وانزع الحب اللي فيني من عروقه
واجعله عبره لمن لا يعتبر
جا يخوفني برعده في بروقه
ومن غروره جا يبيني أعتذر
ياحليله ما تميلني طروقه
لو جروحي في فؤادي تستعر

يفتخر بالصد .. ياروحي الشفوقه
ياحسافة كيف يقدر يفتخر
والله اني حابس عندي خفوقه
وان نسى في يوم لازم يفتكر
الدموع اللي معه لو هي صدوقه
كان من صدقي أصونه وافتخر
لو معاه الحق يجي ياخذ خفوقه
بس فات الوقت عشقي يحتظر

جفولتي
جفولتي تجفل من النبض في القلب
وتفـز لي وتـقـول نبضـك يصحي
قلت إعذري مجنون كله غدى حب
هذا بعض ماعنـد همي وجرحي
***
مجنون فيكي والعقل ماخذ الذنب
عقلي معك كنه يبي يشوف ذبحي
غديت أمشي في هبوبك إذا هب
وانتي ولا انتي تسمعيني وبوحي
***
يانيره.. نورك لحق آخر الغرب
نــورك ولا يحتــاج يا إنتي مدحي
تضوين يطلع من سنا نورك العشب
وشلون قلبي .. إنتي يا إنتي إصحي
***
ياجنة احساسي ويانهري العذب
ياسري انتي وصرختي وكل بوحي
بعدي في هذا الكون أي حب هو كذب
أنا ختـــام العشــق ياكل روحي
................