المهمل المنسي !!

عطش دامي أحسه والسفر مرهق=أبتنفس أبستجمع بعض أمسي
أبحيا شك وجداني بها المأزق=يقيني هزّه المجهول في رأسي
غروبك نور يقتاته جفا المشرق=تمرّد هاجسك وأهتزّ بي بأسي
سفر ترنيمة الهامس بلا منطق=عتب تلويحة الذابل على الممسي
لمحتك كبت بأسبابك غدى مطلق=وهمت بصمت جلساتي بعد همسي
دخيلك والأسى بالعاطفه أورق=وطفل الغربه آثرته على نفسي
كثير إكفوف زارتني قبل تغرق=وهزت جذع وجداني وجيت أرسي
أبادر كبريا حب ٍ وطعن أزرق=أعانقها وعاري حظها أكسي
أهمّش لذّة رقادي ولا تفرق=يهيم بضمّة الغيمة ضيا شمسي
ويوم اعتزت خلاني غديت أحمق=لقيت الوهم ينسج لي قلق حبسي
أنا يا صاح مريتك قبل تطرق=خفوقي يوم أشغلني بكم حدسي
أحس إيقاعك النّازف يبي يخنق=بقايا هامتي والوجد هو غرسي
إلا شفتك حزين أستصعبك وأرفق=لأنك في وناساتك سبب ونسي
وجيتك يوم أرهقني ضما" يحرق=كثر ما أدمنت ببحور الكِحِلْ غطسي
عدد ضيقة شراييني وظلم الحق=دبل ناس" فلا جتني على عرسي
أبي لي لو بعض فزعه أبسترزق=أبتشيخ مشاعر وامتطي كرسي
وش ذنوبي وباب العاطفه مغلق=وحلمي العاثر الخايف غدى عكسي
إذا منتب تواسيني وتتألق=وتنعش نكستي وتهين بي خرسي
ضروري تذكر لولفك وليف أوثق=مدام إني غديت المهمل المنسي

صح لسانـك

شاكر لك عل النقل

الله عليك ياشيخ صح لسانك ملايين على هذه المعزوفه الرائعه

دكتور شعر من جد صح قلبك وبدنك على هذه الرائعة
لم تكن قصيدة بل اوركيسترا عشنا معها الابداع في اجمل صوره

دام ابداعك

صح لساااانك
تقبل مروري

..أبــوفــادي..

أحبة الشعر :

همساتكم آثرها الحس ، واستلطفتها العاطفة ، وسما بها الشعر !!

ماذا أقول ؟!

ما أجمل الحب صادقا !!
ما أجمل الوصال !!

سأنتشي ... سأبتسم ... سأغرد ... سأمتطي صهوة من خيلاء !!


ألستم من آنس المشاعر واستأنس بها ؟!
ألستم من أوقد الحماسة في جوف الحرف ؟!


آه ... ما أنبلكم !!
آه ... ما ألطفكم !!


دمتم معي :

مجدا أدخره لغد مشرق !!

دمتم هنا :

تسامرون قافية السلام ، وتناصرون خفقات الأسى !!


لست إلا بكم :


فلتقبلوا أخاكم الجاهل الثقيل !!


ودي ،،،


( أبو صلاح )