قصائد الشاعر رمضان المنتشري

البــــدع / رمــضــان المـنـتـشـري :

مرحبا عد سيلٌ شال صُمّ الحصـى ومتـان عـود
واحلى مِن موية النيل الذي جُلّ ثروة مصر مِنهـا
قالهـا الشاعـر اللـي ماتقـدّم لزلّـه وافتـنـا
في حفل احفاد شيخٌ ما تواضع لغيـر الله ولانـى
الانشدوا عن كلامي الناس والسّيف والخيل النّجيب
وإنحن عِزوتهم اللي لاهرجنا نُصُبّ اعلامنا صـبّ
وإن وقفنا مسحنا دمعةٌ في طـرف عيـنٌ تُـراب
وإن نشرنا حِبال الـوِدّ ماننشُـر الحبـل المعقّـد
وإن ورد صفّنا لان المُعانِد وراعـي الكيـف لان
والقبايل لهُـم تقديرهـم مايجـوز نخُـص ونعُـمّ
يالجنوب العظيم اهواك مِن كـل قلبـي وانتحـي
لكِـنّ الوقـت باعدنـا ولكِـنّ بالدُّنيـا سمـاهـا
اشغلتنـا ويـا كـم نايـمٌ لـو تحـلّـم حلّـهـا
-- -------------
الرد / رمـــضـــان الـمـنـتـشــري :
-----------------
ياخي الوقت يسرُقنا متـى نِتِّعـظ ومتـى نعُـود
لايغُرّك زمانـك وافتكِـر كـم سنيـنٌ مصرمنهـا
لامتى عايشين اقراب واغراب جـاوب وافتنـا !
لأنت بللي عطاني فُرصه اشرح لك اوضاعي ولاانا
واللي يعطيك ياخُذ مِنك واللي يودّي لـك يجيـب
لاملكنـا كنـوز ولا اشغلتنـا بنـوز ولامناصِـب
خلقنا مِن تُـراب وتاليتنـا لحُفـره مِـن تُـراب
لكِن المُجتمع حسّـاس منحـوس منكـوبٍ معقّـد
ابرك مافيهم اذا مِـتّ يُقلُـون ونعِـم يـا فُـلان
موت وتهنّ موتك وابشِر إنّ الجميع يقول ونعِـم
امّـا ونعِـم لوجـه الله لاتنتظِرهـا وانـت حـي
الاكابر تهاوت مِثل نجـمٌ تهـاوت مِـن سماهـا
مايطيـح النّجـوم إلاّ نـجـومٍ تـحِـلّ محلـهـا

وهذه رائعه اخري انقلها لكم للشاعر المتميز رمضان المنتشري
كل مر ٌ يذاق ولا شيء امر من قهر الرجال
يقولون إن غصن الحنظلة يحتوي كل المراره
وانا اقول إن المر ظلم القريب من القريب
القريب الذي مهما تقدم على أجله ما تقدم
مالك الفضل حتى لو تنوزه بكلوه من كلاك
القريب الذي تعتد به للبلاوي يوم تبلى
والقريب الذي يوقف معك عند عثرات الزمان
وإن وقف لك عدو ضاقت بك الأرض من بحر ومن بر
وإن شمت بك عطا حسادك أخطر تفاصيل الحياه
في بداية كلامي قلت ما مر من ظلم القرابه
يالله الطف بحالي من عذاب الزمن ومشاكله

البدع من الشاعر رمضـان المنتشـري

ياسلام الله لكم من شاعر(ن) لبى الندا وجـاب
مثل ماقال المثل من ثمن الدعوة يجيب الداعي
ان عربون الصداقة كلمة(ن) تنقال في لسـان
والتحية عد همال المزون العـذب لاوزع مـا
يهل حفل(ن) شوق الحضار حتى انا سمرت به
بعد مانادى المنادي قال تكفى لاتهاون تاجـي
انحن شيخان المواقف والميادين انحـن آلهـا
----------------
الــرد للشـاعـر نـفـسـه
----------------
القصايد ذوقها مثل العسل لاعاد فـي وجـاب
والشاعر ذا وفقه ربي من اقواله يجي بداعـي
والكلام البخص ماينطق به إلا كـل فيلسـان
ياشعري والله لونك ملك راعي الكبريا والزعما
انه ياخذ بك على الشعار وعلى الناس مرتبـه
لكن اتواضع وانا كلي ثقه في قدرتي وانتاجـي
ورموز الكبرياء والزود راسي ما انحنى لهـا

قصيده للشاعر الرائع رمضان المنتشري عباره عن نصائح منقوله لك على امل ان تحوز على رضاكم

المحبة في الله والصداقة علـى حسـب الظـروف
ماهو بالشرط طيب اصلك وفصلك يضع لك بهرجانا
ربمايخذلك مـن كٌنـت تحسبـه بأفضالـك مٌـدان
ربما مـا يطيـح راسـك ألا جهالـة مـن ربيتـه
ربما ما يعيشـك أتعـس أيامـك ألا0 مـن تحـب
عش ملك وأتخذ ضمن القرارات ممنـوع التنـازل
وأترك الخلق للخالق وعش مثـل مـاودك تعيـش
أحترم من رفع راسك ومن قـل قـدرك قـل قـدره
واللي حطك بوسط الصف حطه في أتـلاء القافلـه

هذه القصيده للشاعر المتميز رمضان المنتشري بعنوان(مـــــؤتـــــمـــــر مـــــــدريــــــــد)

ليت يا موتمر مدريد ما كـان فيـك ولا وعـود

كذبة الغرب مهلا تعيـد الجـراح اللـي تشافـا

واشغلونا بكذبة سافر الشرق مبعـوث السـلام

ودنس روس ما نسق لنا الا المصايب والفجايع

يا دنس روس يا مكثر نفاقك وكذبك يـا دنـس

المنسق يهودي والمهيمن على الاقصى يهودي

ميلـوا شوكـة الميـزان والله يحـل عقودهـا

وان رجعنا لوا قعنا يعبر بشي واحلامنـا شـي

العرب في شتات ولادرينا القضيـه مـن تهـم

ما يهم اليهود ان عاش له عمر والا مات ياسر

ما وعد بالصلاة في القدس غير الزعيم الفيصلي

************************************************** **************

منقوله لكم مع التحيه

هذه القصيده للشاعر المتميز رمضان المنتشري بعنوان راعـــــــــي الاولـــــــــه)

كان حالـي بخيـر وكنـت فـي نعمـة لا مثلهـا
كان يكفيني الراتب مصاريـف وفواتيـر هاتـف
وان زاد الزود حولته على البنك في رقم الحسـاب
مـا ذبحنـي ولا غربلنـي الا التقاليـد القديمـه
بوك ونعم وجدك شيـخ وتـراك راعـي الاولـه
وان طلبنا سلف ما نطلب الا الى الشهـر المقبـل
وان قفى نسيني وان جيت قالوا لي اهل الدار شـد
خذ نصيحة مجرب ساير الناس بتواضـع وطيبـه
واللي يطلب سلف لا عد تهب له ولا درهم سلـف
وان قالوا كان جدك شيخ قل كان جدي حضرمـي
************************************************** *****
منقوله مع التحيه

هذه القصيده للشاعر المتميز رمضان المنتشري بعنوان (شــــان وجـــــه الــزمـــان)

شان وجه الزمان وقلت يا قلب هونه تهـون

كل جرح يطب وكل عله يداويهـا المـداوي

الا ظلم الصديق اللي يوجه عليك بـلا دليـل

زارنا العيد وطريق الخطا كم صديق جامح له

حبذا انه درى ان العيد يمكن علينا ما يعـود

والله انا تجاهلنا القيـم والعوايـد والمبـادي

وقطعنا الوصال ويمضي العيد ما كنه ب عيد

ونسينا حقوق الجار واعمت بصايرنا المظاهر

لين ما صار ننضر حالة اللي فقير بغر جـاه

يا ندمنا على عيد الصله والترابط يـا ندمنـا

شتتنا المطامع واختلافـات وجهـات النظـر

وانا لوقلت بافرح فرحة العيد واعيد بلا هـم

في شرايين قلبي يلعب الهـم بخلايـا دمـي

**********************************************

منقوله لكم مع التحيه

هذه القصيده للشاعر المتميز رمضان المنتشري بعنوان (الــــــــــنــــــــــدم)




الندم ولد عم القهـر والقهـر هـدام العزايـم
الندم يشوي اكباد الرجاجيـل مثـل الليـزرى
الندم حينما تضحك على طيبك الناس الغشامـا
والندم عمدما تذهب معاريفـك ادراج الريـاح
والندم يوم تدري ان كل معروف ماهو في محله
والندم حينما تصفعك الايام وانت ابن الاصول
والندم حينما تصبح كما الطير مكسور الجناحي
يوم بعض الطيور تظن ماشي جنـاح الا لهـا
لكن اقسمت يا وقت مضى فات ما عاد التفت له
لا تندم على ما فـات وادري ان مافـات انتهـى

يسلموووو
يعطيك الف عااااااااااافيه ماقصرت
تقبل مروري
لاهنت ...

صح السان الشاعر والله قمه في الابداع